琴日同今日都被楊翠兒虐待又被佢煩死,搞到我多咗個名,叫「吉祥」,英文叫「Lucky」(當我係狗咩),真係攞命!!!正當每個人都

喺到笑緊我o既時候,唯獨「那個人」不笑,我很希望見到佢笑,咁就代表佢感到開心,她感到開心,我也會感到開心,但係這樣有用嗎?她

對我一點兒好感也沒有,反而對我反感。我其實也只是希望她會感到開心,每天也會笑,不會有任何傷心的事,讓她過開心的日子。這樣

也有錯嗎?有人可以告訴我要怎樣做嗎?

      今日喺吹瀟然口中得知,原來ms. lam有仔架,上gap堂我問佢,但係佢又唔答喎,終有一日我會知的。

      今日上bio.,楊正正問ms. hung問題,問到ms. hung要發火咁濟,我即刻叫佢唔好再問,再問就大獲,咁先至冇事咋。而家發覺

ms.hung完全唔識教書,連啲顯微鏡o既結構o既英文都要睇返handout先知,真係廢架,好彩佢只係教我bio.啫,如果唔係就仆囉。

      今日係咁多,88。

      今日ii病到語毛論次,當咗我係冼栢,當佢自己係我,最後被冼栢扯頭髮就好返啦!!!

      今日bio.個ms hung無拿拿整個突擊默書,好彩我擁有過人o既聰明才智,先至記到大部分o既字。

      今日放學ms lam要我地補quiz,佢懶到去問3D借quiz黎測我地,有題原本我係啱架,但係佢話我錯,搞到遲咗走,差啲睇唔到日式

麵包王。

      今日係咁多,88。

      最近幾日都打到日記,所以改打返日記。

      今日要中文默書,我地要寫温書時間,我本來打算寫20分鐘,但係梁太話寫咗10至20分鐘而肥佬的話,就要罰留堂一個星期,跟著

個個作得就作,我就作咗成1小時,但係原本真係用咗不足20分鐘黎温,差啲被老豆鬧呀。

      今日maths.教指數,之前上補習班都已經學哂,唔多想聽Miss Lam講書,但係當然係冇可能唔聽佢講書架啦,你估佢係謝sir咩,而

家都懷念上謝sir堂時超輕鬆o既感覺。

      今日係咁多,88。

      今日因為媽媽用電腦,所以我可以打下日記。

      講返正題,今日正瑋哥想攞我塊prefect板黎玩o既時候,發現塊板爛咗呀!!!後來見到女A.HEAD,佢話睇下可唔可以幫我拎過第二

塊,返到屋企已經痴返好啦,希望有過第二塊黎用啦。

      今日有個學生會o既答辯大會,搞咗成堂半,諗住唔洗做中文o既TSA,最後都係要做成兩課,聽日眾要默成語呀,救命呀!!!

      今日係咁多,88。

      過去一其中一堂o既中文堂,梁太俾啲時間我地做下功課,梁太無拿拿話：「大家做功課o既時候唔好用中文呀!」當時因為梁太不

喜歡人地話佢,所以大家都唔敢話佢錯。當時我心諗,做中文功課唔用中文點做呀!當時其實梁太想話大家做功課唔好用鉛筆,但係佢唔

知點解會講錯咗。我問其他同學都聽到佢講錯咗,真係好爆笑。

      星期六晚,「那個人」居然on到成10點咁濟,我都有啲驚奇,佢又會on到咁夜o既(佢平時好少on到咁夜),真係唔明白呀。

      星期日,我過去屯門返補習班,今年如果係數學、英文連續上的話,就只要繼續坐喺度,等阿sir過黎就得啦,唔洗下下都趕著過去隔

離課室上堂。

      今次係咁多,88。