| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 9 月 10 日 星期日  |
| 轉營打週記 |
分類: 未分類 |
最近開始要返學,所以要改打週記。
就先講我星期一至星期五啲嘢。自從做咗prefect後,每日都至少被一個人串我係所長,但係我唔係太mind,但都係唔好咁叫我。
我唔記得邊,梁逸文想打鐘後想用水機飲水,但係被我用塊板折住,諗起都幾搞嘢。又唔記得邊日,梁太要我地喺1小時20分鐘內作一篇
不少於500字o既文,最後我作咗501個字,勁呀真係!!!
星期六,朝早同iiand冼栢去游水,之後去咗屯市買衫,買咗件白底紅邊o既衫,跟著去咗冼栢屋企玩,我地玩鋤dee,有鋪竟然被ii大
炒13隻,認真無奈,有鋪又好好彩,一對俘虜一條蛇,另外有Q,K,A,所以嗰鋪嬴得好精彩。
今日去咗迪士尼玩,新開o既「幸會史迪仔」真好搞嘢,有條友被佢叫起身,話喺太空監獄見過佢,跟著話佢被人通輯,幅相眾要影到
佢喺到捽鼻,真係超好笑,之後佢又叫個女仔起身,問佢叫咩名,個女仔答叫「靚女」,之後先答返叫「Yuki」(冼栢,唔係嗰個Yuki),有到
叫我地拍手,之後話拍咗就係嘉賓,冇拍就係人質,之後眾要話「補拍都冇用架啦!都係人質呀!」,真係笑到我呀!玩嗰個馳車天地,第一
個條友開到超慢,搞到超冇引。又自己一條友去玩飛越太空山,超正。今次玩巴斯光年,有3萬幾,但係我阿媽最勁,有成200800分,佢
話望上去射中咗一個20萬分,超利害,我都唔夠佢勁。今次終於睇到金像獎,真係好精彩,啲效果做得好好,但唯獨是個貝兒(美女與野獸
嗰個)又老又肥又樣衰,真係有啲想嘔。喺美國小鎮大街間剪影店到見到劉彥宜同梁逸文係到睇嘢(心諗：有錢到呀!),佢地就見我唔
到。喺間鋪頭到見到一朵用唔知係玻璃定水晶做o既超靚玫瑰花,只係$120,希望我有機會送俾我最喜歡的人。最後講下我啲戰利品
啦,我買咗一件唐老鴨o既衫同埋一副啤牌,用咗$165,搞到我黎緊個星期得好少錢用。
今次係咁多,88。
|
| 2006 年 9 月 3 日 星期日 |
| 2006-09-03 |
分類: 未分類 |
今日,同咗我老豆去荃灣買電話記憶卡,去到國美見到部讀卡機,啱我部手機用,就咗返黎,俾我用黎入歌,之後行到間賣果汁o既鋪
頭,買咗杯士多啤梨汁飲,唔係太酸,所以好好飲。之後我老豆買到張卡之後就去咗南豐中心到買咗杯提子味o既低脂低糖o既雪糕食,
真係好正,之後就搭車返屋企。
今日係咁多,88。 |
| 2006 年 9 月 2 日 星期六 |
| 2006-09-02 |
分類: 未分類 |
今日,起身之後開咗陣機,就計下遲啲要交幾多錢,買簿就$40.5,訂報紙就2百幾,交學校雜費成3百幾,超多嘢要交,遲啲又要交班
會費,好彩啲簿、報紙同雜費都唔洗我交啫,如果唔係就慘囉,不過班會費就自己俾啦,唔會好多啫。
而家每個禮拜都有$200零用錢,另外我老豆俾多$40我,而家我打算買對布鞋同埋兩對襪着下,我諗幾星期就會儲夠錢買啦,到時
再睇下啲款式。
今日係咁多,88。 |
| 2006 年 9 月 1 日 星期五 |
| 開學啦!!! |
分類: 未分類 |
今日係新學期o既第一日,我晨早7：20已經返到學校,打算霸返個好位,點知俾個Ms.Lam調咗去老師前面嗰位,想吹下水都唔得,
而且,佢好鐘意編啲男仔同女仔坐,而伍生最有豔福,同兩位女士坐喺三人位,一個係人人都知o既吹瀟,另一個冇留意(恭喜哂喎伍生!)。
打鐘後,人人都走得,唯獨我地班要留低訓話,之後眾要練排隊,行過去禮堂,過去唔係問題,問題在於我地班有成堆人喺到see我地喺唱
校歌、排隊,淤到爆。全日都有件事好爆笑,就係阿沈佢串嗰個Ms.Lam(以高度黎串),我地全班即時爆笑(阿沈,你好好嘢!!!)。最後我
地留到12：30先走得。跟著我同ii去咗冼栢屋企食飯,最初個批咗釘o既菠蘿頭話一齊去,最後佢都冇去到。食完飯,我地落咗街,嗰冼
栢想帶我去虎地村,好彩有隻狗吠佢,之後我地行返出去。之後我地去返冼栢屋企,我地玩抽啤牌大小,A最大,Dee最細,輸咗就要除一
件身上o既嘢。最後,冼栢同ii都試過被碌光豬兩次,我就因為身上太多嘢可以除,所以最多除淨底3同內外褲,冼栢同ii都被我影咗相,如
果兩位睇到呢篇嘢的話,就要好好地對我,如果唔係就咪洗指意我會del啲相,如果其他人想要的話,就同我講啦下。之後就返屋企,做
Ms.Lam叫我地做o既週記(痴痴地架,第一日就要做功課),之後就做埋其他嘢,就食飯、睇電視、打日記等等。
今日係咁多,88。 |
| 2006 年 8 月 31 日 星期四 |
| 暑假的最後一天 |
分類: 未分類 |
聽日開始,又要背起書包,再度上學,有樣嘢值高興o既係可以再見到「那個人」。今日,「那個人」好罕見地on咗msn超長時間,
我終於鼓起勇氣同佢講嘢,但係佢對我好冷淡,問佢我係咪好討厭又唔答我,問佢用咩書做閱讀報告又話我唔會知,跟著,佢透過陳生話
我知唔想同我傾,唯有聽佢講,唔去同佢講嘢,究竟喺佢心裏係點諗我,而喺佢心目中我又係唔係真係咁討厭呢?呢啲全部都係個謎。
聽日我打算超早地返到學校,去等「那個人」之餘,睇下我嗰班有咩人。
今日係咁多,88。 |
« | 57 | 58 | 59 | 60 | 61 | 62 | 63 | 64 | 65 | 66 | »
|
