今日學校要抽人做tsa oral,好彩冇我份,而5+bee同冼栢都奶咗野,嘻嘻!

      今日上上吓堂,同熊仁+黃芯瑜講game,又無拿拿同黃芯瑜傾小魔女doremi,傻咗咁=.=。

      我今日終於感覺到miss lam將我put去班女仔到o既真正function─就係教數,唔係後面兩個問,就係隔離嗰個問我借黎睇下對

答案,雖然唔算煩,但都係寧願一個人坐。

      miss lam初頭想put我去班女仔中間係想等我冇得傾計,但我發覺都係冇乜效,咁當然比之前少好多。

      折翼天使的忠告：「眼前的一切,當緣盡時便會在你眼前消失,所以必須要好好珍惜!」

      今日係咁多,88。

      今日朝頭早勁大雨,搞到樓梯轉角超多積水,我都已經好小心翼翼咁行,但始終都要仆街。幸好有個大書包墊著,冇咩大礙,只係腰

同手肘有少少痛。但係呢個都唔係問題,最大問題係喺正佢面前仆街,真係瘀到爆,第一時間企返起身,繼續行。

      今日中史同電腦都派卷,中史=95分,電腦=72分。

      折翼天使忠告：「落雨天要小心行路呀!」

      今日係咁多,88。

      今日又再練雜耍,又學新花式,阿sir 送左套新波俾我,有新波用^^!

      今日調新位,真係要叫救命,前(何靖宜)、後(歐陽卓穎)、右(熊彩秀)、前右(鄧奕希)、後右(黃芯瑜)都係女仔,miss lam驚死我

傾計,而家上堂真係悶到抽哂筋呀!

      今日上eng換左miss,又係返之前代過堂嗰個,真係好悶好悶,悶到要做maths.。

      今日係咁多,88。

      今日11：35a.m.去咗百老匯睇戇豆,事隔10年,依舊搞笑。初頭講佢抽獎,頭獎係去法國,抽中咗'919',戇豆睇見自己係'616',於

是掉咗張野,原來自己倒轉咗,好彩攞得返。之後就自己去睇啦!!!

      半夜同個舊同學傾到3：00先訓,訓得3小時,但係到呢家都未眼訓,哈哈哈!

      今日入咗屯門買校服兼去88配眼鏡,大家遲d就有機會見到我新look,今次配眼鏡近視同散光都加深咗,最使我無奈o既係,巧合地

個女視光師叫「羅寶怡」,真係...,唉!天都玩我呀!

      今日係咁多,88。

      今朝同老豆落街食早餐,無無聊聊咁睇下報紙,睇到篇報導真係o哂咀：上月27日,於美國某間小學發生了一件風化案,2名11歲的

女學生與另外兩名分別12歲和13歲的男學生於老師離開課室的短短15分鐘內作性行為(即係扑野啦),各人都被判有罪,另外負責睇水

的11歲男學生亦被判有罪。警方表示,當時還有約10名學生圍觀。睇完篇野後,心入面有條問題彈咗出黎：小朋友,你得唔得架?2個

女仔係超低能囉,咁都被人氹到去xx,男o既更笨,係都等到放學去廁所搞啦!

      今日係咁多,88。