我only靠睇人練舞步黎學識咗班男仔要跳o既舞步,但係搞到右邊塞頭哥痛,返到屋連另一邊都痛,but唔緊要啦,為咗個sing

con.。個死人冬瓜正一x街黎架,又唔係好勁喎,扮哂勁咁喎,話我企喺佢前面阻住佢喎,係勁o既話呀,受到任何騷擾都諗到idea啦,乞

人憎!!!

      今日坐喺我隔離位嗰個人lunch之後唔知去咗邊,唔知點解有份憂心o既感覺,後來知道佢出咗去朗誦,嗰份憂心o既感覺消失咗,為

何我會放不下呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

      今日去到車站,見到我個舞龍個師傅,佢問我玩唔玩武術,我都想架,但係媽媽唔俾,冇計啦。

      講下琴日玩雜耍,學新嘢啦又,今次玩轉碟and搖鈴,玩得都唔錯,已經掌握哂啲技巧。

      今日睇見瑋哥還(俾)錢給某某人,亨仔寸佢話瑋哥同某某人搭88M九巴總站(九龍塘地鐵站),我就對著佢吹口哨,當然,做完呢啲動

作後o既後果當然係被佢追打以及以牙還牙,but呢啲唔係大問題,最緊要寸到佢,哈哈哈哈!!!

      放學o既時候因大雨關係,所以同冼栢、ii行天橋過去車站,又再次被冼栢屈我請飲嘢,明明係個死菠蘿亂講嘢架麻,又屈我,算啦,唔

理啦。

      暫時只有一樣嘢可以威脅著瑋哥,但係瑋哥完全唔受威脅,but都唔好激騮我,我好鐘意爆人地啲秘密when我好騮。

      今日係咁多,88。

      今日瑋哥要我同佢一齊行,咁是但啦,去就去啦,點知被佢搞到成6：50先返到屋企。沿途我問佢好多有關於佢鐘意o既人啲嘢,但

係十居其九都冇答我。

      今日chem.個實驗超好玩,將粉筆o既原料變做石灰水,好好玩呀!!!

      今日坐喺我隔離嗰個人喺中文堂同佢後面o既「風之后」要求同佢交換改簿,當時我好想同佢講唔好,但係唔想佢對我更加反感,

所以啞忍,由得佢。

      今日係咁多,88。

      今日係秋季旅行,目的地係新娘潭。未出發時,喺度玩UNO,許子恩(佢個頭同佢個樣好唔襯)打咗隻轉色draw four,佢話轉藍色,

好彩手上有隻藍色draw two,如果要draw four呀!(玩得好開心呀!!!)

      去到之後冇耐,先話俾我地知去錯地方,要再入啲先係,搞到我地浪費哂啲炭。

      食完兩塊唔係好熟o既牛排後,立即進行偷拍行動,影咗好多相呀!(如想睇相,請透過連結前往m fun同香港自由論壇睇。)

      我返到學校打俾冼栢,喺海翠等,我喺輕鐵站見到「那個人」,睇住佢上咗架615P,我見冼栢有排都未到,順便等埋架車開。我被佢

見到,唔知佢隔離兩條友有冇見到。

      之後去咗高越屋企玩,喺度鋤dee,我輸足$17,請咗冼栢食成盒燒味飯。玩完之後就搭車返屋企啦。

      今日係咁多,88。

      原本打算我、ii同冼栢去新娘潭bbq,最後成十幾人一齊燒。放咗學之後,一半人去買嘢,首先買牛排、豬排、雞翼、魷魚and陳

仔。之後去咗美景買餐具and麵包,喺入面撞到范佩筠班人,瑋哥話要轉頭先再過去,都唔知為乜。最後再去買炭就走啦。喺途中,冼栢

又知多樣嘢啦。

      打咗放學鐘後,我見王生拿著包炭,我話佢攞返屋企試炭,聽到o既人都笑死。

      唔知聽日會玩成點呢?

      今日係咁多,88。