今日係陸運會,今年冇得參加,但係有得當值,睇green house o既通道,今日執到劉德華o既銀包and抄咗一張牌,總算有啲斬

獲。有啲人亂咁講嘢,被我扯辮。我蒐集咗3個章,一個green house o既羽毛章,一個green house o既綠鳥章,同埋一串red

house o既炮丈,同時我又發現串炮丈係好搶手架。

      冼栢同我講有對父母為咗佢地出世9日就死咗o既bb女而寫o既日記(喺網上睇的),篇嘢都令到我喊,真係好感人。

      今日係咁多,88。

      今日返遵理補習,坐喺個課室等上堂,突然有個貌似細路o既人入咗黎,條友望落去好似唔識大咁,話佢係3年級小學生都有人信,偷

雞搭車睇戲買兒童飛都得。條友可能不足1.2米(去愉景睇機械人博覽會可以偷雞唔洗錢),超級矮,樣貌唔似中3學生(高人點矮個樣都

似中學生),我坐喺度都高過佢,坐喺我後面條友細細聲話：「小朋友,呢度唔係小學補習班喎!」,我即時伏落枱笑,哈哈哈...!

      放咗去葵芳地鐵站同媽媽會合,之後去紅樹林,原來間嘢同椰林閣同一集團,吹賬。

      今日係咁多,88。

      今日要去畢業禮,已經病到温温登登仍然出席,除了要聽choir同應承咗要去,或許是為了她。講下其他嘢,唔明啲人,硬係要係我喺

度黎講我o既是非,最死係miss lam喺度,好心啦唔該,眾話係佢o既朋友。

      今日miss lam宣佈下個星期調位(終於願她所願了),8位班代表可以任選任何位置,其他7個人都好開心,但係我一啲都唔開心,因

為咁樣即係要我坐單丁位。

      講返琴日,我媽媽幫我buy咗「一公升眼淚」本書(buy黎係要做book report),睇咗頭兩章,覺得本書唔錯,吸引到我繼續睇落

去。

      今日係咁多,88。

      今日要採排畢業禮(我只係做觀眾)之前,賴豔芬同污水渠吹水,我喺度玩緊拋波,咁個賴豔芬亂咁諗嘢,以為我學雜耍係為咗佢(

知就唔好出聲啦),賴豔芬only同污水渠講唔係大問題,最大問題係同埋楊傲正講,之後眾弊,楊傲正轉告姬舜文知,之後大大聲講俾

miss lam知我鐘意佢,真係驚死冇人知咩大佬!miss lam問男、女班長想同who坐,男班長想話同豬wing,原因係佢搞笑,而女班長就

冇答,miss lam話將陳仔放喺楊翠兒旁邊係等陳仔可以教楊翠兒maths.,我調呢個位o既時候都知道miss lam想點啦(就係想揾過超

靜o既人同我坐,但係又唔知我咩)。

      今日係咁多,88。

      上個星期四又去練雜耍,佢話要教快啲,所以學轉碟and搖鈴,我都算幾快學識,兩樣都玩得算唔錯,但係都要多加練習。

      今個星期要努力練sing con.,我跳嗰part要有女partner,但係未揾到,我好想同佢(大家應該知吧)講句：「你可唔可以做我

partner呀?」,但係我驚會被拒絕,另外佢再更加討厭我,都係睇下有咩人殘餘出黎啦,唉~

      今日係咁多,88。