第一站去咗日本o既唐人街(極度無奈),去到已經發現周圍都會好容易搵到自動售賣機。只係喺嗰度影咗d相,乜都冇買就走啦!

      第二站係漁人碼頭,喺嗰度個game centre玩到痴咗線,玩咗成5000円乜都冇,pk呀!好心改名叫「愚人碼頭」啦!

      跟著去咗食飯,俾咗210円飯汽水,首先飲咗杯白色的乳酸汽水,之後又飲咗杯綠色的乳酸汽水,最後飲咗杯綠色的汽水,一杯比一

杯噁心,但係味道唔錯。

      第三站上咗六神山睇夜,好靚呀!同香港感覺好唔同。

      第一日完咗。

      下一篇密碼：abcd

      我今日終於返黎啦!有咩聽日先再找我,我實在太累了!

      今日係咁多,88。

      聽日就係端午節啦!但係未到都已經食粽,頭先晚餐要食果蒸粽,食得好辛苦下,比平用多咗成倍時間食飯,平時15分鐘都冇就搞掂

架麻!

      講起端午節,好記得有年撞正我新曆生日,喺個clubhouse到搞生日會,幾乎全體6A的同學到有出席,嗰次喺我最開心o既生日

會,真係好好玩。

      星期五就係我生日,有禮物就送要送啦!

      她曾送過一份好靚o既生日禮物,而家被我阿媽當咗一般o既裝飾品擺咗喺電視機上面d木架度。

      to kenny：我check返自由個post o既問題,我哋去日本時先同你講。

      今日係咁多,88。

      今日同5+bee,kai哥,babalubo,王學9,曾博士,劉叉去咗仁愛堂碌令,初初碌得麻麻,甚至有一球係甩手去咗後面,慢慢打出水準,

攞到個第2(喺1條link,4個人碌),同時我亦成為「落坑王」(真係落咗好多次坑)。有1球babalubo碌,我話：「陳聰絕技,瞬間轉

移!」babalubo即時走過黎打我,跟著我細細聲同kai哥講：「諗句咒語就得架啦!『babalubo』」

      碌完令就同冼栢,ii去食m記,食完就佢地搭車,去到富泰轉67M。

      返屋企等到食下午茶,再過多陣先再做功課,一口氣做咗50題數,真係想嗌救命。

      聽日又可以去玩卡啦!hehe!

      今日係咁多,88。

      今日上中文堂教《論交友》,講益友同損友o既特點。突然,身後o既雞雞叫我,同我講：「你好靚仔呀!」(啱啱教完損友會花言巧

語),我又同佢講：「你好靚女呀!」隔咗段短時間,佢又同我講：「黃gap康!你好壯呀!」我又同佢講：「你好fit呀!」。呢堂中文堂

令到我感到有趣。

      放學跟咗冼栢同李翠麟and胡康瑤去m記傾計,途中胡康瑤發現我同李翠麟係小學同學。兩個女仔係咁問冼栢野(內容不便公開),

直到4點50分左右,去睇胡康瑤條仔(雖然我都見過)。一見到條仔,就認得佢,冼栢同李翠麟喺度笑,都唔算好差啫。

      sor呀冼栢!我聽日老豆喺屋企,出唔到黎。

      今日係咁多,88。