今日去左拿周杰倫"依然范特西"既cd,之後同亞峰,珊珊食飯

今日我請佢地食,下次亞峰話請我食自肋餐~

返到屋企試碟,呢隻碟都ok,主要推介係

02.聽媽媽的話....(第一次聽呢隻碟~就聽呢首歌,曲方面唔錯,最好係d詞.主要係講jay用自己既經歷,黎教育年紀比較小的小歌迷,歌詞有一句我幾鐘意,呢句係((不想你輸所以叫你要用功讀書))...如果買既話試下聽聽~

03千里之外....(主打歌~很有中國風味,聽落很自然,好有感覺~與玉費清合唱~必聽!)

05退後....(高難度唱功,加上有折奏音樂,我就喜歡這類型既歌!)

07心雨......(呢首歌個名好靚,連歌詞都好順...聽聽下好似有d似冬天既感覺....唔知其他人有冇?...)

08白色風車.....(一首對愛人不捨不棄既歌,音樂方面配合得好好)

10菊花台......(全新唱腔,好似聽緊第2個人唱歌咁,但係好好聽!!必聽!!)

今日係拿車牌既日子,收工約左亞賢,亞穎,大佬,大嫂睇戲...

因為佢地未到,所以一個人返左去以前做野果度.見到細馬,亞聰.......

佢地叫我多d返去睇佢地,仲話下次請我飲茶~~

冇耐亞賢佢地到左喇~佢ja刻叫我上車泊入荃灣廣場~短短既路程~但係拿車飛時唔夠手長........勁"魚".........

睇完戲食完飯,佢叫我開佢架車返去我地屋企...之後亞賢坐係旁邊時有段咁既對話....

亞賢:拿~唔洗急...慢慢黎....

我:我冇急,你放心啦....

過多陣.........

亞賢:ok喎你手車!

我:係咩??

之後上到高速公路,我比多小小油,時速到90km

亞賢:唔好咁快,你唔係車神呀~~

我:我知呀~但係呢度係高速公路呀~唔快唔得架喎.......

亞賢:咁又係.....

之後就安全到達目的地~~

收工同文少去左食飯,行過cd鋪,買左隻周杰倫既新碟,但隻碟要8號先可以提貨,但係而加買就送一張好大既海布~

亞鋒打左電話黎話比人抄左,希望佢快d搵到野做啦

今日10點半起左身,同大佬,大嫂,亞媽~仲有薯仔行左去亞麻果面食野~

行到橋果度薯仔發左癲係咁跑,我就拖著佢一條氣跑晒成條橋~跑完佢坐左係度喘氣~~個樣勁低死~

食完野返左屋企同大佬佢地打左一陣kof98,大獲全勝!

之後對面2個細佬過埋黎,薯仔好開心係咁撲佢地~~但係佢地驚狗~~好好笑~~

之後終於等到家偉同亞麒黎,家偉仲帶埋2隻狗黎,一隻係比熊犬(饅頭),一隻係史立沙(happy仔),但係2隻都大過薯仔一個碼........

2隻狗一入屋,薯仔就係咁吠happy仔,係細狗吠大狗既情況下.......竟然係大狗驚d........

而饅頭佢就唔理咁多~~放低左一堆"大包"~........

之後同麒哥打左陣機,亞穎同亞賢又上埋黎~佢地都帶左隻狗仔黎~西施狗(仔仔)

嘩~~真係未見過屋企咁多人加埋咁多狗~~之後大家玩到好癲!!

饅頭仲表演頂波tim!!真係好西利呀!!!

之後夜晚叫pizza hut食,個個次次食唔晒野梗叫我包底.........呀~~~

尋晚放工同大佬佢地入左大嶼山既唐福capme~

因為星期6要返工,所以入到去成10點喇~燒野食~~冇咩謂口,又唔餓~燒左陣唔燒~~

玩到咁上下,同華仔,大佬,二佬,三佬,悠悠,亞繡,亞賢,亞穎玩"猜妹"

玩晒成支紅酒,好好笑~~

之後同華仔肚餓煮野食,食完係度講鬼故........講到4點幾........訓左........

訓到7點半,比佢地叫醒左~~出左去搵野食,食左個沙爹牛肉麵,飲左個冰涷奶茶~就8點半啦~

之後就拉大隊出海灘游水,d水好涷~好正~訓係水上面浮....浮左好耐~~好正~~原全冇晒煩惱~!!正!!!

原來薯仔游水係好快架~~真係好快~~

呢個假期好正~~佢地話下次游船河~~唔知幾時~~