終於都過埋呢2日假期喇,7.1呢個假期係我最唔鍾意既,因為過左7.1除左星期日外就要等到9月尾先再有假期喇...呢個假期阿餅揸住車車同我週圍去,好開心呀,不過阿餅就話用左好多錢,唉.....但係好彩下個月終於都捱完我地既"五天工作週"喇!!我既財政總算可以好番d,不過一日未攞番cef,一日都未可以回復之前既生活.......

呢個假期我仲去左阿餅個朋友屋企度坐,地方雖然唔係大,但勝在夠"骨子",2個人住好舒服!我最鍾意係佢間房,張床對住一個落地玻璃窗(雖然冇乜景)但係感覺好開洋,好正!!之前有個朋友又係去過佢朋友屋企之後就好想好似人地咁有一個安樂窩,仲即刻走去睇樓,唔知點解,我去完阿餅個朋友屋企之後都有一種咁既感覺,好想有自己既安樂窩,同阿餅二人世界,而且我知道媽咪其實好想我地可以有自己既屋架,雖然買樓呢樣野對我同阿餅有d遙不可及,但係我都會向住呢個目標進發!!!加油呀!!