今晚我、老公、波波、包包、雯雯同宏哥一齊去左鯉景灣度食左個Candle Night Dinner,o個度個環境都幾靚,面對住個海黎食晚真係幾正,我地一去到就分開男坐一邊,女坐一邊,有d似人地相睇咁,好得意!!但唔知係唔係因為d外國人生活節奏比較慢,所以尋日出d菜都好慢,成半個鐘先食完個沙律同個湯,如果比著普通西餐廳,未食完個沙律個湯已經到左,不過慢都好既,我地可以傾下計,欣賞下週圍既環境,如果下次可以同老o係呢d咁浪漫既氣氛下二人世界就好喇,不過要去呢d地方就一定要有車,其實我都好明白如果我地買架車真係冇乜大作用,因為我地都係星期日先會出去,而且我地都有貨車可以代步,買架車真係有d浪費,不過有好多地方貨車又去唔到,唉..........