話咁快我黎左銅鑼灣二個月lu,今日雯雯打黎同我講,話我下個月開始調返去九龍,可能係太突然啦,我當時真係唔識俾反應,其實我之前一直都好想返去九龍,因為d車錢同車程實在係有好大既差別喇,但係唔知點解我今日又唔係話特別開心喎,不過,我又唔係唔開心既,唉!好矛盾呀,不過講真,我就真係有d唔捨得囉!!其實我過左黎銅鑼灣二個月,好似放左二個月假咁,因為好多野佢地都已經有人跟開,我就好似冇乜野要顧慮,而家番去九龍,感覺好似放完假,若有所失咁!!!雯雯仲同我講話佢地要調埋sisi去尖沙咀,我知sisi一定唔想架喇,唉...佐敦呢排真係好多事,好似好多野都衝住佢地黎咁既,kaka佢都好愁呀,雖然話就話有目標支持住,但我知道始終都會有唔開心既,不過算啦,過左去就冇野架啦,之前都唔係未試過架啦,forget it!!!!