哈哈,唔經唔覺原來已經差唔多5個月冇寫日記喇,呢5個月公司發生左好多野,頓時我既經濟亦都跌到去谷底...其實呢段時間唔寫日記唔多唔小都係唔想令自己記起呢一段都算幾辛苦既日子-"因為唔想記得,所以唔想記低!"

呢幾個月同老公都好開心架,但係前日我地就鬧左場大交,係咩事我唔想再提,而且事情都過左去啦,但係唔知係唔係我地一齊耐左,我總係覺得老公唔同左,佢唔係對我唔好,只係以前要既係朝夕相對,而家要既會係私人空間,老公以前成日都想見到我,但係而家已經唔係喇,唔知到底係咪一齊耐左,所有野都變成"在心中"定係所有野都變成一種習慣呢!?