我地今日成班女仔都係度喊,因為平時毫不起眼既陳嘉穎唔見左!!

起初我都唔知架,我以為佢又落去搵老師傾計,

咪冇理佢囉!!點知好耐都唔見佢,

就有d出奇,到中文老師問我地知唔知佢去左邊,

我就開始擔心,之後NaNa就喊住咁話

陳嘉穎俾左一張中史既紙佢唔知做乜野,

老師叫佢去洗面,之後每格一陣就有個人撞入黎,連副校都係咁.

我同天天都唔知點解好想喊,我地又為佢祈禱.

因為唔知重有d乜野可以為佢做到.

之後有人叫我地幫佢執書包,

我地以為佢返左,點知係佢呀媽,

我地又一場歡喜一場空.

佢之前都有講過佢唔開心,佢冇人陪,

我都冇乜理佢,直至依家,我先知道失去既感覺,

之後周老師同我地祈禱,我就已經開始喊.

我都唔知咩事呀!!

之後我地成班就不停咁喊,d男仔都冇我地呼

我俾之之攬住,我一直問之之,

係唔係我地既錯,我應承佢我以後一定唔會唔理佢,

只要佢安全就得啦!!點解佢宣報個陣我地都唔聽,

點解我幫佢講個陣又靜晒,我好內疚,

之後關偉霖請我食朱古叻,

個陣都好左好多,我返到屋企,

打俾杜峰廉,係度喊,

佢同我講,只可以等........

都依家搵返佢,我就體會到,

冇左銀包係小事,但冇左個同學就大件事啦!!

我應承你,我一定會對你好好架!!

"米奇沒有了米妮,就不是米奇...."呢句係我 唔見左銀包第一句諗到既野,我唔見左銀包,就衝上去巴士站,都冇呀............好唔開心..........

唔開心呀~~~我個銀包唔見左呀!!我喊到停唔到口.............點解香港人咁衰架!!路不拾為!!我對住個站長係度喊,我知係無補於是,但我都繼續喊,我控制唔到自己,因為裡面有好多珍貴既回憶,例如我同淇淇生日個陣d相啦,"全家福"啦!!好唔開心呀!!我都唔知點算,我淨係不停咁係度喊,呢一次係我中學以黎第一次為左唔見野而喊!!我真係好唔開心!!>.<

今日同willis,之之,chris食飯,我一直拎左佢件校褸,佢話唔凍,但邊有可能吖,佢真係好好人,佢係我既大哥哥,佢好得意呀!!!

放學個陣除左佢件褸,發覺真係好凍,好凍!!!真係好多謝佢,如果唔係我一定冷親!!!

估唔到,我地尋日唱歌唱到甩咀,都可以入到決賽,真係o咀囉!!!又要唱多次,真係無奈

我睇到唔知邊班個陣,有個姣婆係度發姣,唱唱下歌同台下d人講野,佢都Kai既,今日食飯又見到佢,佢真係神憎鬼厭,又撞到人,d人都啤住佢,好抵死!!!

遲d又要比賽啦,慘.......