3日冇打日記，今日一次過打晒。
今日又番左二中，因為活動堂，其實今日我番唔番都冇咩所謂，又冇步操，我只係番去坐，算la，反正都冇野做。見到美楠，不過佢都有野做緊，都冇咩傾過。之後同阿齊吹下水，仲送埋嘉慧同阿婷番屋企，我就番去la，好無聊......
今日好想打波，不過自己又好累，聽日又個個都有野做，都係休息多兩日先，星期日睇下有冇人打la。
星期四我究竟做過d咩呢?我都唔記得咁多lu，淨係記得訓到兩點先起身，同埋夜晚同左馬仔同阿康去左新屯打波，打左兩個鐘輸左兩場咁大把，我就完全唔知自己做緊咩，靠佢兩個，睇黎又要練番多d波，個3005我拎去打lu~反正都開左齋~~~
好少打日記咁短，不過唔緊要，少唔代表唔好，簡而清ma~~呵呵~~~~~
為左唔遲到而冇訓到，事實證明呢個方法係得既，不過小朋友唔好學，此仍經專人指導。
今日朝早真係好辛苦，用番尋日個準則，係超超超超超超辛苦同超超超超超超污嘈，完全唔抵，43蚊個鐘絕對唔夠，蝕......只開左4個鐘工就收工，蝕水......好彩，當我番沙田擺低埋d野準備走果陣，被阿may見到，佢叫我留低幫佢手，咁我就食完飯番黎幫手，比起朝早，下晝舒服到爆，完全唔駛搬搬抬抬，只係執野，抵番晒。
收工之後......(閱讀全文)
