有史以黎我第一次番工遲到，今日。
尋晚等果樣野等到兩點左右先訓，不過都唔係最大原因，始終都係自己唔掂。明明教好左鐘7點半，佢都係7點半嚮，不過我冇理到......(我教左三個鐘，兩個普通鐘同電話...)之後我醒左望一望個鐘，7點9，約左家姐8點叫佢起身，所以諗住訓多陣。問題出現la，我教左三個鐘，咁唔好彩我睇果個鐘慢左3個字，即係我見到7點9即係8點，我如果果一刻起左身打被家姐既就唔會再訓，唔會再訓就唔會訓多左成個鐘..........
最後9點3起身，極速落樓，飛263番沙田。講左咁耐都冇講今日番幾點，其實係.........9點半.........呢個係我上車果時既時間.........打被叫我番工果個人，話我要10點半先到，好彩同佢唔係好熟，冇被人鬧，不過佢都唔滿意ga la.......係架車度先定番個人落黎，起左身唔夠半個鐘，個人完全唔清醒，早餐都冇食。
講番先，番到去佢都冇講d咩，即刻開始做野。今日既任務係將d野由8樓搬落2樓。講就易，不過就係超悶同埋好辛苦囉，係"超"同"好"，分清楚。下晝去左食大快活，肉醬意粉。番總部果陣又落雨，次次食完野都落雨，玩野~~好彩近。之後下晝係好悶同好辛苦，叫做好d la......做到5點半鬆人，去左沙田間宜家傢俬睇野，睇清楚，係"睇"......其實我食完lunch都有行過下，不過得半個鐘又趕頭趕命，睇唔到d咩。收左工先去就gd晒la，慢慢行慢慢睇。
對上一次行宜家係荃灣果間，雖然果次果間都已經好大，不過絕對唔夠沙田大，用市中心百佳做比較，佢起碼有6,7個百佳!!!行到我腳軟先行完，好彩佢得一條路，如果唔係實蕩失路~~行左一個鐘，都算不枉此行，見到好多鍾意既野，都學左少少佈置知識，雖然我冇錢買亦冇錢裝飾我間房，不過睇下都開心，終有一日我會住一間有自己書房既屋，要係自己供個wo，呢個係我細細個就已經有既目標，唔算太大想頭亦唔算冇志氣ar，我一定做到，到時再好好佈置，所以而家學下點樣有品味地佈置都差唔多ga la。聽日收工再去行過~~~
p.s.為左聽日開工唔遲到，我決定左今晚唔訓，大家有咩就搵我la。雖然我都好想訓練自己"知醒"d，但係聽日不容有失，唔可以係短期之內遲到兩次，如果唔係實以後都唔駛做~~
| 
