好耐冇做過既活動，打波。今日表現中規中矩，唔打一排我真係唔記得晒點打lu~今日個個都傷咁滯，laulau同阿康都有傷在身，et就扭到隻手，都唔知佢有冇事。我就被馬仔head-shoot，眼鏡都飛左3米遠，個人就冇咩事，副眼鏡傷d......
打完去左市中心整一整番副眼鏡，被宣佈死亡，迫我配過副......之後番屋企，之前去左買個面食，行行下落傾盆大雨，好彩我有遮~~不過我覺得自己做左件幾賤既事，我買完晒野再行到半路果陣，離遠見到有個女仔冇遮，仲施施然行緊過我果邊，睇黎佢都放棄左避雨，不過我本住身為男性既風度，已經諗住被把遮佢自己跑番去，不過半秒內我又諗，呢d咁既廣告計通常都係發生係d靚仔靚女身上，我就一定唔係靚仔la，唔知佢係咪靚女呢!?!?所以行近左d之後我第一時間就望左佢兩眼，發現只係一般水平，我冇被到把遮佢..............我係咪好賤ar!?!?
番到屋企即刻換晒衫先，之後一路食一路睇女排，唔知點解呢，平時對排球冇咩興趣，呢兩日居然可以坐定定睇咁耐，尋日星期六睇中國就話姐，今日泰國vs"阿塞拜殭"，照計冇咩睇頭，不過又比想像中好睇wo，我居然睇晒先去沖涼，平時我打完波唔即刻沖涼會死的~~女排既吸引力真係西利~~
之後中國果場我冇得睇lu，因為要去搬野。之前我咪話搬番舊屋既，而家既情況就係要將舊屋d野搬晒黎新屋一個月多d，裝修好果邊再搬番過去，超多野執，攪左成日都未攪掂到一半，3成都被多佢。夜晚仲搬到成點鐘先有得訓，訓之前再沖涼果陣仲要流鼻血，我沖緊暖水涼ga ma，d血流得好快，我完全止唔到血囉，最後坐左成10分鐘先叫做止左血，不過我已經feel到有d失血過多，行出黎果陣仲暈左一暈，差d成為香港第一個流鼻血死既人......
| 
