好一個周末，累......一次過打晒星期六日la。
熟睡中既我即個電話嘈醒左，表妹打黎(做咩我地呢排好似個個都有d野要同d表弟妹做咁既=.=??)，話夜晚會同我二家姐同廷哥食飯，問我去唔去，不過我咩都唔知，因為根本冇人同我講過，故且打個電話被我二家姐la............
我:今晚約左xxx(我慣叫d表弟妹全名的)佢地食飯咩?!
姐:係ar，你去唔去ar?
我:是旦la~~
姐:咁得la，荃灣見，88~~
就係咁就莫名其妙咁約左佢地食飯，我都唔知因咩事。7點出門口去馬會買六合彩，之後就搭60x出去。去到果陣佢地居然食完，雖然係我自己遲到(有原因的，容後補上)，不過都唔駛唔等我ar......不過之後知點解la，原來表妹搵我地係想我地陪佢去間公司，間公司係介紹人上大陸讀書既，佢想我家姐幫手睇下，因為怕被人呃。原來得我唔知出去係做咩，我真係以為純粹食餐飯ga咋，好彩唔係賣我豬仔姐~~
上到間"公司"，總面積應該比我間房大30%左右，得一個人係度，第一印象麻麻•之後我家姐問左果個人好多野，我地都討論左好多，相信佢都係正當既，都算係一個唔錯既出路(對我表妹黎講咋)，希望佢成功la，到時佢番左上去既，我都可以去探下佢既，造晒4年時間，話長唔長，話短唔短。
講開出路，又諗起美楠，星期三就放榜，有時我真係幾擔心，老實講句，我就睇唔到佢有幾大進步，仲係咩都以打波為先，雖然佢話我知既就進步左唔少，不過我始終都係驚，唔想佢好似我咁，由細到大，小學中學果d，咩都幫你安排好晒，每日返學就可以，突然間要做決定真係好難，就算決定左之後都唔一定好過，我決定左投身社會，不過攪左咁耐都未得，唉，都係唔講la。
係間公司落番黎就搵地方食飯，最後去左仙x岩，佢地飯野我食飯。唔知d飲品係咪有問題呢，廷哥同我表妹都先後話肚痛，不過我就冇事wo，可能d飯有解藥la，哈哈，呢排諗小說諗得多，同軒仔一樣多左好多奇想，哈哈~~~係巴士度廷哥話唔想咁旱訓，叫我上佢度打機，咁咪上囉，點知打到兩點佢又話眼訓，攪到我自己對住部ps2成晚......用左7,8個鐘由頭打davil may cry，都係打得一半，可能呢排少打d要反應快既game la，不過又真係幾好玩，聽講出左pc版，快d搵野做搵錢買先~~
我一路打到9點幾，佢地話去飲茶先收機，講真都幾累，對住d咁快既畫面成晚，會死的......係茶樓我都死死下咁樣.......飲完茶就各有各節目，我就番屋企訓覺(大件事......)，訓到6點幾(訓左咁多今晚又唔駛訓......)(所以打日記......)，同廷哥同carman去左打乒乓波，又玩番d無聊遊戲，3個都傻的=.=(警告carman:唔可以將d片流出去，否則阿廷會死得好慘的......)
| 
