整個星期裡精神最最緊張的一天，因為全港中學生放榜了。
久未感受這種氣氛的我早就番到二中，4班中五生已經有大半坐左係4個課室中，當然包括我最關心的人。到各班主任出現，大家都靜下來。係我想像唔到咁快，就已經派左成績，最關心既成績出現︰全科合格，13分。我心中即時放下心頭大石，因為呢個係二中仲可以算係一個唔錯既成績，升中六既機會還高。不過不是十拿九穩的成績令她失望，失望令她落淚。
根據經驗，呢個時候最緊要搵老師，有老師支持機會大得多，幸好佢平時亦受老師們疼愛，願意出手的老師也很多，我們抓到池邊了，不過還沒上水。靠山當然不怕多，但要找當然應該找個最大的，你們也知道我說誰吧~~等了半天也不見他出現，原來一直係校長室和班老師開會，也不知說什麼~~終於係食飯之前見到佢一面，佢睇到張成績單，"13分ar?差才才wo，有個b wo(maths)，幾好ar，跟程序做la。"當然我濃縮左唔少，但大意都係咁la。
因為一定要等聯招之後先可以收14分以下學生，我地唯有等。雖然我口中一路叫佢唔好擔心，但我比佢更擔心。食完飯上左佢個朋友屋企等，一路收到消息，一路就擔心。到3點幾再番二中，好多人都同佢傾計，我都放心d，起碼佢冇咁驚先。等到4點幾，去左聯招d老師番黎，知道收左38,9個中六理科，外校既冇個少過廿分，心中涼了半截。不過有老師話仲有好大機會，因為收多佢一個唔會有好大問題，一班有38個同39個冇咩分別，同樣地39同40，40同41都冇咩分別，叫佢唔駛驚，番去等消息先。
咁我就同佢去一去市中心先，因為要準備佢第二日上大陸打波d野。(你冇睇錯，放榜第二日佢就開始唔係香港，唔可以自己註冊，不過已經準備左點做，果d我唔打la，好麻煩。)一路都仲要安慰住佢，佢都好似冇咩野咁，雖然我知唔係。之後就送左佢番去。
到我打日記既呢一刻為止，我都未收到佢升唔升到既任何消息，而佢已經係大陸la。我唔打咁多la，繼續等消息。
| 
