打番幾日前既日記先，因為想記低佢，但係呢幾日實在多野做同埋累，攪到而家先打。
好一個星期六，一個忙碌既星期六。難得既一早起身，因為要番工，康民署。去黃大仙龍翔中心，一個小型d既活動，只係叫d人填下問卷，除左有d累之外都幾好。成日除左我好失敗咁係m記倒瀉氣水之外都冇咩特別野，唔講la。
之後就坐mtr去灣仔書展，原本約左et佢地，不過個個呢日都唔得閒，而我又只係得番呢日得閒，咁唯有自己去la。自己一個食飯，聽到"d記cafe"d人今日收零晨4點，真係慘，冇計la，今日書展收兩點。之後就搵laulau帶我入去，真係好~又唔駛排隊又唔駛迫^^多謝laulau~~之後就展開左我既漫長旅程，因左一個鐘行hall2，冇收穫；見到去大會堂個牌，記憶中上年果邊係賣精品冇書賣，冇去到；之後既時間都係hall1過，行左好耐都冇咩睇中，唯一令我有濃厚興趣既係一個game，法國智慧遊戲，我前前後後你果度起碼停留左成個鐘，不過我最後都係冇買到，一黎太貴，古典版$238，普通版$138，如果係普通版我都可能會買既，可惜斷左貨；二黎我諗黎諗去都諗唔到邊個會同我玩果個game，我身邊d朋友都唔用腦既......
最後都係買左3本書咁大把，係咁易報告下la︰
一千零一夜，想睇好耐，見佢今年有新包裝又幾靚就買左，睇左半本，有d位要睇多兩次先明，都唔知點被d細路睇~
洞穴奇案的十四種判決，佢個宣傳成功咁吸引左我，一開始我見到既野係咁︰
如果你們被困於山洞中......
殺死一人可以救其他人......
那你會怎樣做......
那殺了人的人......
又應否被判罪???
我第一眼望埋去，心入面第一個諗法係︰又係呢d故仔ar，我都隨時寫到幾個出黎la~~之後行埋去，個safes同我講左幾句，令我開始考慮買佢。自己一個諗左10分鐘之後，我買左佢，因為我知道呢本唔係一本小說，可以話係一本"論文"，不過我都未睇完，睇完再同大家講下。(希望我頂得住，入面d野好深......個序我睇左兩次先叫做算係明左......)
第三本係本有200條"數獨"既書，因為係大陸書，只係$18，算係幾抵，買黎消磨下時間同幫個腦做下運動。
12點我就離開hall1，去左地下間cafe等laulau收工，攪左一輪先見到佢，因為我唔係好熟會展d路=.=之後行出去見刑成街都係人，唯有食完野再坐車番去，攪到我3點半先番到屋企，laulau就慘la，第朝仲要番工......我都唔好好多，第日仲要入camp，要行山ga......個camp就去完la，一間打埋被大家睇la。
| 
