一年一度萬聖節，上年同前年都有出去玩，不過今年冇，一來個人比較累(打左3日波呢...)，二來冇錢(呢樣最緊要......)，所以...工作吧~
今日番康文署做野，番兩點，10點幾就醒左訓唔番，hea到11點半就落街食野，諗住慢慢食完野就番去la，點知冇lala食得咁快，12點就食完走人，留係tm都冇野好做，所以決定去左沙田先算。行到車站即刻有車，平時趕時間又唔見咁好彩wo~成程車d時間過得好慢，不過我好enjoy，因為一路好投入咁聽歌，其實我有其他野可以做，睇小說又得，寫小說都得，不過我果陣好enjoy聽歌呢樣野，所以我冇做其他野。就因為咁少既事就啟發左我去諗野，諗d咩一間先講。
去到沙田仲有成個鐘先兩點，所以周圍行，最後都係決定左行我最鍾意既地方之一，書店。沙田間商務唔錯，夠晒大間，有半間用左黎賣文具，算係我見過賣文具既地方之中，其中最大之一︰賣書果邊好寬敞，仲有d座位被人坐低睇書，唔錯。都睇到唔少好書，好想打開自己個腦，就咁擺晒d野入去，太多書我想睇la~我成世人其中一個最大既夢想就係擁有自己既圖書館，可以將自己鍾意睇既書同大家分享，當然，呢個暫時只係夢想，希望我真係有可能做到。
沙田市中心真係個唔錯既地方，夠晒大，如果我女朋友係鍾意行街買衫既，我同佢係度行足一日都唔會有問題。我到而家都唔係好攪得清楚入面d路，因為實在太大la，我諗佢比屯門市中心大差唔多5至10倍la，而且仲要有番咁上下複雜，如果有日可以同美楠係入面拍一日拖都唔錯，不過都冇咩幾何，鬼叫我同佢都係懶人@忙人咩......
夜晚番黎就打左好幾篇日記，呢幾日太多野寫la~
| 
