以前星期六既慣常活動，一早起身去打波，不過因為大家愈來愈忙同埋怕熱既關係，已經好耐冇試過，今次終於可以，仲約到成10個人添~~(可惜最後都係得9個黎......可惡既阿康......)

全日鬥波~打左好多好多場，除左食野果一個鐘，0800到1330，差唔多冇停過，真係唔明點解自己有咁多精力，走果陣仲係因為大家唔得閒先走，如果唔係應該打到3點都仲有力打......今日又見到個小妹妹，真係好得意，攪到我有一刻諗過為左見多佢幾次而多d去青海打波，呵呵~~

打完波同左laulau去買錶，伯母生日，講聲生日快樂先~~睇錶既時候，突然諗起某小姐又就快生日，我又要諗爆頭同大出血......諗起佢上年生日既情況我就唔開心......上年送左銀包，今年諗緊送唔送錶好，見到有d一對對既錶賣，令我有點兒衝動，無奈價錢去到4位數字(兩隻加埋)，要出左糧先有錢......更無奈既係我既出糧日係佢生日之後果日......睇黎要做番d野......

尋晚突然諗起laulau佢地星期四day off，而我又想打波，咁就開始約人la，過程唔打la，有人唔得閒，有人唔知醒咁la，最後得番3個人打︰我、et、映榮。

好耐都冇係青海打波，可惜係星期四，朝早冇咩人，我地三個唯有玩最無聊既射波遊戲，之後仲同個阿伯玩一打三，係我地三個輪住做一果個......後來映榮走左，因為要返工，我同et繼續，後尾有個小妹妹同佢姨姨經過，個小妹妹要玩波波，我地咪被個波佢玩左......

(閱讀全文)

好耐冇唱k lu~~今日終於去左，因為同軒仔慶祝生日，本來話星期六既，不過唔知點解推前左咁多，算la，反正今日我都得閒，平時番左公司ga la，今日下晝又送鞋櫃黎，又黎整寬頻，迫住冇番工，不過今日番去都冇咩野做，算la~

講番唱k，今次我自己就玩得好盡興la，唔知大家又覺得點呢~但係我今次居然冇咩唱到wo，因為一路係度玩骰盅，又大話骰又lunky又推骰又剝光豬......都未試過玩骰盅玩咁耐ga，哈......

(閱讀全文)