去完個camp lu，不過去完好似冇去咁，因為我只係打左兩日機，應該係話我地都只係打左兩日機......一部ps2，4個人，咁就三日兩夜la，可以隨心所欲咁打機，當係放縱自己兩日la。不過去完個camp我發現左兩樣野︰
一. 睇黎我都幾難自己一個住，有部機係度，我就會懶得去煮野食同洗野，應該連基本生存既條件我都做唔到，唔好話執屋la......如果我自己出左黎住，有工番既就會係放工番黎打下機睇下電視等訓覺，冇工番既就會係全日打機睇電視訓覺，一日三餐公仔面什至唔食(因為落街都懶......)，間屋就亂過亂葬崗，三兩個月先執一次。我份人好鬼怪，見到d野好亂我唔係好忍得到，不過我又唔係好想執，但係執開我又會好有心機執過wo，不過唔好被我發展都有野可以令我分心，例如漫畫ar，電影ar咁，咁我就會走左去做第d野，執野!?下次先la~不過唔知下次會係幾時囉~~
二. 其實呢個都唔係d咩新發現，就係愈簡單愈低b既遊戲愈容易令人開心，好似呢個camp咁講，我地玩炸彈人既時間係最開心既，仲要係唔算新既炸彈人wo，你炸下我我又陰下你咁，玩得都唔知幾開心~~反觀無雙果d，雖然都簡單，但係就冇被都咁多開心我地la~去完呢次camp攪到我好想買ps2 or psp，有冇人將會買ps3會出讓ps2 ar!?!?等我擺入房日煲夜煲~~~~~
最後同子俊兄、琛哥同龍哥講聲唔好意思先，兩日我都冇咩做過野，要大家煮埋被我食。冇計la，果兩張大床褥實在令我既惰性發晒出黎，訓係上面除左打機同訓覺之外真係唔想做其他野......下次再去搵多d人，組d大間d同有房既，我見唔到張床就會好d ga la，哈哈~~~~~
| 
