我而家係parttime果度(蛇緊唔講係咩la，大定都知ga la，最常去果度囉)，老細去左開會，我又做好晒手頭上d野，對住部腦，冇咩好做la，打下日記先......(估唔到2007年第一次打日記係係公司......)
今日學左個office既功能(電腦果d ar)，一學就要用，仲話要快，攪到我個人都緊張埋，不過都上左手la，又幾好用，遲d用黎出下童軍d通告果d先~~唔好問我係咩功能，而家唔知點同你講，總知就係要用word同excel ga la~~
早上去打波，6個有4個遲到......小弟當然係其中一個la......仲要遲左成個鐘.....好彩仲布人遲過我......趕住番工既情況下只係打左一兩個鐘，唔夠喉，可惜既係黎緊呢幾日都要番工，冇時間同大家一齊打波，唉~~~
再講番早d先，尋晚成晚係度打機，打完電腦打ps2，冇錯，係ps2，我係廷哥都拎左佢番黎。佢既存在只係有一個效果，就係令到我既睡眠時間大減......數數先，除夕倒數完番左屋企打機，打到8點去海洋公園，玩到8點先走，食完晒飯果d已經11點有多，去左廷哥度拎機，拎到番黎本來諗住第日先打，點知打完fs(stephen同et會知係咩ga la)忍唔住手，插好晒就開波，不過真係太累，打左一個鐘就訓左lu，之後一路訓到3點幾4點，laulau打黎叫食tea先起身，之後去完做金魚佬之後就番屋企打機，一打就係12個鐘......打到朝早7點幾......訓番一個鐘之後番工，之後上堂，番黎又打機，先fs再ps2，又打到4點幾，之後訓醒就係今日打波既時候......大家可以數一數，小弟07年只係訓左13個鐘......其實中間都仲有d小睡時間既，例如係海洋公園食野之前訓左半個鐘咁la...不過加加埋埋點都唔夠15個鐘......07年只係訓左15個鐘既人睇黎都應該得我一個......唔知今晚會唔會有多d時間訓呢...不過我真係好想打機......算吧~~今晚先算~~老細仲開緊會......雖然話我有錢收姐，都唔好叫我係度悶ar......
| 
