岩岩睇過大家d blog，除左美楠同鍾sir個blog之外，個個都同兩日前一樣既......唔通係我今日太早睇!?(而家11點多d囉wo...)唔得，等我打番篇先~~
今日番左康文署，實在係難得，話說果日出緊旺角開工，有個阿頭(t先生)打黎搵我第二日番去，搵得我咁趕緊係就唔到假la，所以推左，心中有點兒傷心......冇左幾舊水ar!!!一路做到下晝5點幾，冇咩野做咪去locker cleck下有冇人打黎囉，一聽留言，原來有另一位m小姐又打黎搵我番去，即刻覆個電話先，話搵我今日(星期一)，因為果陣未出呢個星期既更表，咁我咪話一陣覆佢囉，點知一行番出黎老細就話出左更表，仲要係編左我星期一off，即時心情都靚番晒，入番去打比m小姐話番到，之後出黎開開心心咁做野，果兩個鐘真係過得快~~^^
講番今日，原本話出車既，不過取消左，變為係總部做paper work，雖然做到個人"牛牛"地，不過都算係優差黎既。講下咋一樣野先，一早番到去就見到阿t先生，hello之後佢第一句就問我︰今日放假ar!?我唯有答佢︰係ar，咁岩編左今日放假~~個氣氛即時有d尷尬，好似我唔番黎幫佢而去左幫m小姐咁......好彩有野做，我即時行開左姐~
下晝有段時間，因為m小姐果d去晒開會，我地做完手頭上d野冇野做，所以我同個同事坐左係度吹水，仲嘆左杯原價個半而最後都唔駛我比既咖啡，仲要好飲果度先正ar ma~~同個fd講開，原來佢暪住屋企人同幾個fd係出面租屋住，成日同屋企人講去左個fd度訓，呢招都算絕囉......聽埋間屋d詳情，係上水既村屋，兩層連3000呎既花園(爛地!?)，交通唔算方便，4個人住，最重要果樣係......$2500/月!!!!!!呢個世界點解會咁ga!!!!!!雖然果度就算送比我住我都未必會(太遠離我生活既地方la)，但係咁既價錢有咁既屋，真係好正~~~不過佢其中一個同屋主真係人渣左d，自己買野番黎就即刻收番晒錢，人地買野番黎就成日話遲下先比，如果係我同呢d人搬左出黎住既，我諗我都可以忍佢一排，d錢我會一路同佢記住，到時到候吹下佢。講真，錢我冇咩所謂，我出多少少唔成問題，只係覺得有d唔公平，同埋唔會咁縱容自己既朋友囉。唉~都係相見好同住難ga la，每個人既習慣都唔同，一齊住就難免有d唔慣，尤其唔慣就人既就更加唔掂，算吧~到我地有錢一齊出黎住先諗la~哈~
今日食lunch果陣同左兩個新同事食，終於有d比我資歷淺既同事la~~仲要都係住屯門，仲要有個有番咁上下靚，最失敗既係小弟冇機會拎人電話同msn，唉......唔好誤會我有咩企圖ar~幫你地咋~你地知我講咩ga la~等我一間問下d同事有冇佢地msn先，等好消息la~~(不過冇消息既機會比較大......)
| 
