今日同尋日比真係好唔同，超多野想寫~~
朝早同左美楠去食早餐，因為佢今日考a.math，係桃桃樓下考。食完早餐行過去果陣，個傻妹突然間醒起自己冇帶準考證，果一刻我真係呆左係度，不過好快我就番番黎，慢慢幫佢處理左件事，首先令佢定左落黎先，我陪佢入左學校(今日著住件波衫又咩都冇囉，d考生個個望住我=.=)，之後話被佢聽冇準考證都得，不過要寫report，叫佢睇下有冇人拎到被佢，佢最後嘈醒左佢家姐，佢家姐都好偉大咁拎左黎，聽講佢家姐尋晚溫書溫到零晨5點幾，係我既話可能聽唔到電話lu。一路等佢家姐果陣佢都仲係好驚，我唯有一路陪住佢做個安撫既角色la，雖然我個心都驚緊，最後都趕得切，好彩~~我叫佢入左考埸要定番個人先好開始，估唔到又咁岩呢間學校唔夠答題簿，延遲左10min先開考，被佢定番落黎，好彩ag~~
發生左d咁得意既事我自己都要定一定先，行到番屋企之前個腦都好似冇咩野咁，連本來想去市中心入數都唔記得左。番到屋企都唔記得，仲睇漫畫睇左粒幾鐘，係度諗下一間美楠上黎有咩好做。因為下晝我同佢都要番二中，佢諗住考完上黎我度先，夠鐘先番去。諗諗下行左入房，我發現左一個殘酷既事實︰我間房好亂。即時擺低晒所有野執房，我都未見過自己手腳咁快ga，半個鐘就整個亂葬崗變番做間乾淨整齊既房，仲要係執晒成間房每個部份wo，之前執執下總係會放低某d部分，諗住第日先執，最後都會不了了之，今日居然執晒，不過最後就搞到我遲左少少去接美楠。
行出街先發覺落雨，又番去拎遮。之後就接左美楠去市中心，佢約左佢miss食野，唔係二中果d，佢教會果d。你地都知呢d情況好麻煩ga la，做人男朋友，出去拍拖我被錢就一定ga la，得我地兩個都好d，佢會體諒我，有其他人在場就.......所以我決定去做番d我要做既野先，去入數。好似好狗咁走左去，去到銀行，今日好似好少人，攪左我兩三個字就走得，最後都係join番佢地食飯，好彩佢地去美食廣場，仲已經叫晒野食，我都係扮下野唔食lu。食食下先知，美楠要買野番去被佢家姐食，都岩既，今朝佢咁偉大~不過就唔上我度lu。咁我今朝執房做咩ar!!!!!!!!!!!!!!!!!!!!!!!算la，而家打日記都打得幾舒服，間房都係乾淨d好。又係食食下，延哥打黎話打風收早，搵我打牌，莫講話我拍緊拖，我之後仲要番二中，所以都係唔打。
食完去左買壽司就走，佢miss都走左，我就同佢番屋企，佢屋企=.=佢叫我上去，不過佢家姐又係度好似唔係咁方便，所以我都係冇上，不過我好後悔呢個決定。去左等車，個巴士站係馬路邊(廢話~)，冇遮冇掩，我企係度完全係食風，開埋遮擋住先好d，不過食足半個鐘就真係死咁滯........仲要即刻上冷氣巴，凍死我!!!之後我決定今日唔番二中la，我驚我死左既話就真係死得，星期五仲要比賽。最後我決定上延哥度打機，hehe~~打到8點先番屋企，已經冇雨落lu，睇黎個風打完lu，正~
食完飯就訓lu，因為我怕起唔到身，我都係通頂等美楠電話，一路都冇訓過，一訓就17個鐘，1點先起身，就打日記同打機la，一間仲要番去綵排，唔講la，沖番個涼先。
| 
