星期四

約左vicky唱k

好耐冇見賤軒

唱左都好耐下...

最後去左apm打機

唔知有咩好驚

今日本來話去海洋公園...

但係因為老豆要我幫人拎野所以冇去...

sorry丫~

返到屋企玩左一陣就搵alan出MK打邊爐

最遲黎既肥展都黎埋, 正

食食下漢J叫左碟雞子

第一次食... 我覺得食就唔係太難食

如果我唔知佢係雞子既話個feel會好d

但係知佢係咩就大件事

因為食落去有d唔知咩汁流出黎

佢地食緊其他野我又費事Lur

好無奈咁咬多兩啖吞埋落肚

跟住食食下肥展益左粒最大粒既雞子比我...

呢粒真係非同小可, 特別多汁多水

睇住粒雞子入粒果d 一粒粒好似魚春既野...

算啦都係唔多提

食到咁上下肥展夾起條長獅子狗, 條獅子狗個窿窿係咁出水

佢仲要夾住笑笑口咁係咁係度搖條獅子狗

個樣笑到我地五個趴左係度

食完就行去機鋪打左陣機

打左隻低能game... 仲玩得好開心

...我就係咁傻仔

今日到左兩點阿哥都未起身

打比人一d就唔得閒, 一d就溫書

睇黎我都要努力

到左四點老豆出左門口阿哥終於起身

原來係... 哈哈唔講啦

不過佢起左身我都係照睇無聊電視

睇到六點幾...

佢地兩個走左我就入房睇下野

29號要返學校... 大獲... 唔記得要出席Mom個...

要諗下辦法至得喇!!

========================================

P.S. 今日打打下機地震

我仲以為有鬼整我... 冷汗都標埋

網主真係蠢到加零一

傳聞中既BB正式登場

捕捉到佢好緊張既一刻...

大件事... 玩到個心創哂

不過都岩既, 難得一年一度阿媽有六日唔係屋企

琴晚玩到四點幾先訓

第二朝好彩阿哥叫醒我... 十一點起身

唔夠訓, 多左兩隻熊貓眼

坐巴士去左尖咀同Margaret食飯

餐飯都幾豐富, 仲幾好食

食飯途中有講有笑...

跟住玩Bingo比人推左上去拎獎... 水晶紙鎮...

食到兩點幾就返左屋企打左陣機...

破格整Pancake

結果同你地預計既一樣 失敗

不過汲取左今次教訓, 下次一定要成功

只怪自己冇好好問過人

事後收拾仲好麻煩...

執完野就去左德福打機

玩射波波... 個波完全冇氣, 如果唔係我諗我應該挑戰到Hard

不過我係Normal都創左個參考記錄

打到十點幾就去左仙跡岩飲野...

飲完就返左屋企...

to alan : 三隻白白豬...

今日起左身就拎埋個紙袋返學校拎返d書

再唔拎真係唔得掂

跟住就去左德福到老豆飲茶

兩條友 食左我老豆二百幾蚊

好彩唔洗自己比 都冇咁肉痛

打包野食 + 八本書 + 報紙好重...

不過都好快返到去

拎比阿哥食, 係屋企打左陣機就同Alan去旺角打機慶祝生日

同肥舜玩賽車... 笑死

頭四個站我都落後緊比佢

跟住最尾兩個彎我成功反先... 贏左佢

我仲要第一次玩, 正

之後都係睇佢地打we 我玩下d 格鬥game 就返九龍城打邊爐

果度係街市 唔係太差

好彩食左粒魚皮鮫冇咩事 我仲以為唔熟

埋單每人都係60

其間同廢希佢地玩Black Magic... 諗爆頭

食完野本來話玩行尖咀, 不過行到去旺角火車站就坐火車落尖咀...

點知撞到貓俠... 佢地成班話我似佢... 我唔覺

人地靚仔過我咁多!!

去到尖咀一路行就一路迫... 肥舜爆左好多爛GaG

不過呢d野 兒童不宜... 費事講啦

係Charlie's Brown坐左一陣就行去鐘樓果度倒數

不過一d 倒數氣氛都冇...

之後就返屋企... 唔打咁多嚕