第一堂中文...

聽聽下書就過左

希望星期五book野食一切順利

第二堂英文

又係冇咩野做

三四堂Phy 唔係聽書

而係勤做a maths

呢個章節都唔係太難

跟住兩堂A math

無咩野做, 又係聽下書

悶到死...

Lunch 同felix去左淘大吉野家食

互搞GaG...

跟住上左IC睇野

原來佢搬左間大鋪頭, 果然生意興隆

最尾兩堂印象依稀...

只記得RS依舊係悶到發菇...

今日起身... 發覺已經七點四...

極速收拾細軟 梳洗套餐32秒完成

仲以為樓下會好多人坐車

原來得六, 七個人等

仲要立即有車上

真係順利

第一堂... 班主任

朝頭早要我地企半個鐘真係醒哂

頒獎頒左半個鐘 上到去就岩岩打鐘

數學堂 不經不覺好快過

跟住兩堂英文

時間度秒如年 真係恐怖

睡魔強烈呼喚之下勉強戰勝

小息立即食野補充體力

兩堂chem 聽聽下冇心機聽 搞乜鬼!?

好彩都識計下d 數 如果唔係就大件事

Lunch留左係班房

有講有笑

最尾兩堂Bio 冇興趣就係冇興趣

放學a math補課補到四點半

d野愈黎愈複雜 要加把勁至得

跟住同梁炘佢地去左打籃球

對呢方面冇天份

不過為左增高以後會同梁炘多d去打

琴晚睇哈利波特...

睇睇下魔王回歸 好彩冇乜火...嘿嘿

睇睇下不經不覺咁訓著左

第二朝好自動自覺咁起左身,

之後又訓番...

七點幾自動起身刷牙洗臉, 洗下洗下原來七點五

早知篤尿唔屙咁耐...

落到去又係五十幾六十個人排緊隊

等左一陣我決定行番去

15分鐘左右快步就行快去

我竟然醒到以為今日係Day2..

拎錯書...不過好彩都拎岩中文英文 多左本PHY

頭兩堂Eng List

因為幾頁英文功課可以令到鬼婆咁燥

真係唔好意思

中文堂都係聽下書咁過

份卷失準 應該唔會高分得去邊

跟住兩堂Maths

做下數, 我發現原來只要趁大雄講講下書講另一個話題

佢就可以講其他野講足半個鐘

呢個應該係嫌悶既時侯打發時間既好方法...

Lunch去左大排檔食, 好鬼大陸feel

事關大多烏蠅喇 食得唔舒服

lunch之後果兩堂係chem同 a math

chem係五子棋教 原來專心聽真係唔錯

a math 聽下d新野 轉眼間就放學

放學上左alan 度打機

發現自己既贏波係一場贏 一場輸咁

梅花間竹, 下次同阿dick玩輸左先

跟住又可以狂宰alan...!!!

你幾時先肯返去!?

冇左你冇波入呀

曼聯又贏波! Good

今日起身落樓下食野

人地好想食上海麵架嘛

佢就話煮麵果個野壞左...

不願意咁食左個炒飯

佢仲要由20蚊收左29蚊

冇上海麵比我食仲要屈左我收多9蚊

真係慘

跟住上返樓都冇咩做... 睇左陣波就出左鑽石山幫阿媽拎野

拎完就返屋企晾衫

晾完就睇左陣電視... 訓著左

起身打左陣機... 又訓著左

搞到國豪問左我一句野 我又答左佢一句又靜左

而家打完Blog... 又訓著左

今日上晝係屋企練下琴

跟住就出發去鑽石山

魔王今日有野做

唔煮飯

於是我就搵下Alan 睇下佢去邊度Wet

從口中得知原來佢去肥舜屋企

第一次去肥舜屋企

坐10號車 好快到

去到一鋪Winning都冇玩就坐低打麻雀

打左兩個鐘都仲係東圈第一鋪

大家知咩事啦

打完就打多鋪WE

憑住球員既高級心理質素成功擊退鄺龍

玩完就去左九龍城間KFC食

食完無啦啦肚痛

於是上左Alan 屋企... &*!^@*&#

舒暢過後再次同鄺龍大戰Winning

憑住我高超既十二碼技術再次係120分鐘之後擊敗左佢

之後就行返屋企...

原來走果陣知道Yumiko玩空中飛人玩到甩褲

聽到真係笑左出黎

睇返片真係忍唔住笑

但係之後反思其實呢件真係唔係咩好笑既事

雖然我唔係好鐘意Yumiko, 但係身為一個女仔大庭廣眾甩褲真係好羞家

為佢默哀三秒咁多多