星期三

本來今日話上山踢波

但係可惜竟然唔夠人

好彩卜場果邊冇打電話黎...

今日頭4堂都係單堂

又係一個既嚴峻又艱辛既挑戰

無他, 因為頭4堂都出奇地悶

郭, 梁炘, 智麟呢d 轉堂爭取時間休息

我又釣哂魚, 連A math都冇咩心機聽

跟住兩堂Bio, 因為有A book做既原因

所以令我可以冇問沈悶渡過呢兩小時

其間發水不停發放爛GaG

例 : 你地知唔知有咩魚係陸地生活架!?

因為果陣教緊魚類, 所以個個都以為佢認真

跟住佢就自問自答, 佢就話 : 哈哈哈! 係木魚呀!!

之後佢仲要搵枝筆敲下個mouse

我地狂笑佢個GaG夠爛, 跟住佢黑口黑面

又唔比人笑, 真係衰

最後兩堂Maths, 好快咁過左

其間發生左d 咩都唔記得哂

真係奇怪

Day 4...

我地頭4堂又要接收睡魔既嚴峻挑戰

梁炘同肥年不支倒地

好彩我都可以勉強支持得住姐...

小息之後就係兩堂Phy

冇咩心機聽

睇書過, 睇到十二點幾竟然覺得冇心機睇

唯有放低本野 聽下書都好

Lunch去左大排檔

我地終於明白d 大陸人點解咁鐘意坐低就 "UN" 腳

原來係唔想比蚊咬

食完再吹左陣水就番黎上Chem

自從上次測驗僅僅合格之後自動調左上前面坐

全程留心聽書

之後人傑問我野我竟然識答番佢...

証明努力冇白費到

今日過左一個好好玩既星期一

第一堂...Bio

發水叫我地默書

默完之後佢就無啦啦

比個powerpoint我地睇

但係又唔收默書

我諗佢係唔記得

搞到個個都係到 "改正"...佢真係好鬼死蠢

跟住兩堂PE, 踢波波

除左肥豬之外另外一個可以激嬲郭既人原來係Kai霖

呢d人真係慘 乞人憎之餘仲要冇朋友

數學~ 中文同聖經都係聽書過

最尾兩堂做埋Oral就上左山踢波

踢得都幾開心

不過希望下次韋少同老馮都唔好咁早走就好喇!

http://photo.qooza.hk/kennex730

新開~多多支持
除左貼足球相之外...都會貼下d生活照

=====================================================
今日阿媽唔係屋企

呼一口氣都輕鬆過人

可以做自己想做既野

又可以聽下歌, 睇下書

唔洗比人扯出街, 又唔洗聽佢依依哦哦

呢一刻我既心情簡直可以用如釋重負黎形容

不過我都清楚知道

雖然呢一刻我係覺得佢煩

但係我都仲係十分珍惜佢

無論佢係點, 佢都係我阿媽...

============================================

奇怪? 我點解會講d咁既野?

http://photo.qooza.hk/kennex730

新開~多多支持
除左貼足球相之外...都會貼下d生活照...

====================================================

今日起身練左陣琴,

跟住就埋飯就出左去鐨石山練琴

練完琴就自己一個上元綠食野

又係幾個月一次既私人大放縱

比阿媽知道實比佢鬧死

食左...價錢唔講

跟住就飽暖思淫慾, 見到克勤隻碟想買

但係92蚊, 買唔落手

為左補償自己心靈上自己食元綠既罪過

就去左隔離既Starsbuck買左兩件cheese cake孝敬番阿媽

仲去左書局買左本書, 係講孔明一生既個人管理學

返到屋企首先阿媽有cheese cake食好開心

跟住佢就出左街...戲肉來到

============================================

自己食左少少飯之後就入左房睇歌星賀慶

同埋開電腦聽歌, 梗會有少少嘈

跟住阿媽番黎果陣自己又唔開門,

佢拎住野要佢自己開, 跟住佢就咁鬧我...

呢條友惡起上黎真係咩都講得出

睇過呢篇野既人都係果句, 唔好講比其他人聽

一陣間傳番到我阿媽耳果邊我就真係大禍臨頭...