今日神咁早就去入GAS,之後搭巴士,架巴士條太食實咗係D雪度,搞到我遲到....幾時個冬天先過啊.....

返工無咩,只係入下蝦片,不過今日比人頭訴我落錯單,原來我之前三次都落錯單架啦,個白痴客第四次先講,

你唔第一次嗰時先講,搞到我比人插,D鬼個腦只係有酒同性.....咩都無,好快就收工啦,返到去沖涼上網,

我遲D又要搬屋啦頂,今日包租婆收少我5鎊.....哈哈

  今日真是唔想起身返工,出面成-10度,最後都出咗去,今次巴士好準時....食錯啊可能,次次都遲到,今日咁準時,

出到TOWN買D野食返工,返到去都無咩做,等收工......靜到人影都無....應該係鬼影都無一隻,又係一直凍到收工,

好彩今日可以早收工,沖個涼上網.....我唔見咗條黑曜石啊T.T....正在找尋中

  大家唔好意思,之前D嘢唔好信啊,事態覆習好難一一盡訴.....

都係講返我今日做咗D咩啦,今日一起身就攞返個密碼先,之後上網改野,之後返工,琴晚落勁大雪,所有野都白雪雪,

出面條河當然給冰啦,D鴨仔變哂行冰,等咗勁耐巴士.....出到TOWN勁凍啊-12度今日,之後返到去CHINA CHINA(我返工嘅地方)

已經無之前咁忙啦....勁得閑,我當然就係上網啦,我前日先可以上網咋,無野做成個人都好似給咗冰咁,一直凍到收工,

當我爬到去的士站......要等成個鐘先有車......頂,平時好彩有順風車坐下,我重要比6鎊坐的士,無計啦行都要行返去架,

好彩最後都有的士返,返到去沖個涼,睇BBC新聞話呢個星期溫度會去到-20度,堅哥你就正啦,係澳大利亞.....

之後再上下好耐無上嘅FACEBOOK,飲杯紅酒暖下身訓教

      這日誌以刪除.......BY釗,我會再打BLOG同大家分享,重有相睇.......

 準備返嚟澳門.....身體睇嚟唔錯

  準備返嚟啦........身體好似好咗

  星期二,我down咗好耐....keith佢係我訓緊教嗰時走咗,我原本起身搵佢玩,當我去到嗰時睇到無人,我已經係度諗,唔係有咩事啊....d護士見到我無同我講咩,只係講咗佢琴晚去咗,我一聽到嗰時眼淚不停咁流,之後我返房.....我睇住佢劃比我嘅畫,喊得都幾大聲下,我個護士入咗嚟,佢都知道發生咗咩事,佢不斷咁安慰我,我嗰時真係咩都聽唔入耳,只係不斷咁講佢得11歲咋.....之後我成兩個星期無出過聲,連我啊媽嚟睇我都係度訓,前日醫生就同我講咗好耐嘢,講下我個病咁啦,有好多我都唔係好明....其實我覺得無咩事,想快d走....唔想留係度,一來會諗返keith嘅事,二來我就快無錢啦,可能要問人借....

  星期日,醫生話一個星期先可以上三個鐘網咋,我試過唔理佢啦,原本真係會cut線....哈哈,前幾日我啊英國媽媽來探我,陪咗我好耐....同我講咗好多嘢,都係叫我唔好放棄嗰d嘢啦,佢差唔多留到6點先走,我係醫院識咗個男仔keith,佢同我一樣都係癌症,不過我比佢好少少,佢4歲就發現有癌症,佢先天性架,佢而家得11歲咋,佢同我講佢係醫院過咗6個生日,我就同佢講咁都幾特別啊,因為佢比較開朗我先咁同佢講,我重應承咗佢,我下次生日同佢一齊過,而家佢差唔多日日都過嚟玩,都好啦,我真係好悶,因為我走得好突然,連psp都無攞,只係同佢講我係澳門呢幾年嘅事,好似發咗場夢咁,佢今日問咗我一個問題,佢話如果你知道聽日就要死啦,咁最想做咩?我諗咗一陣我就話,好想再同返佢一齊,雖然可能到我真係死嗰一刻都無呢個可能,之後我就話可唔可以做兩件事,佢話我貪心.....重有一樣就係好想名屋企人好開心咁食餐飯,我覺得都係無咩可能.......

   星期一,返咗英國都有十幾日啦,走得好突然啊,因為報告出咗,話我嘅癌細胞有惡化嘅績像,醫生話,如果你有葡國護照不如過去英國睇啦,咁我就好神秘咁返咗去,爸爸都有問我咩事過去,我就話想散下心啫,因為我真係唔想佢擔心我,而家我係一間好靚嘅醫院休息緊,試緊一隻無副作用嘅藥,佢哋話係新藥嚟,希望快d好返啦.....呢幾日都有好多以前嘅同學探我,我好開心啊.....真係好想同佢哋再一次去歐洲玩下,唔知係唔係因為我少用英文呢,有時我都講唔返好似以前咁好.....

  星期二,八號風球過後休息下,因為重落緊好大雨,之後我去工場搵峰爺,因為佢神咁早就去咗工場拉糖,不過媽媽話唔好拉喎,因為今日休息唔賣,放係冷氣房雖然都ok,不過都係新鮮嘅好d,今日第一痛就係出車嗰時攞得太少位,hing花咗車頭左邊少少,唔明顯...最衰都係我後面架車,佢起前囉,得嗰少少位出.....唉,之後我哋出咗去大陸食嘢,發覺近期都成日出消費,可能澳門去到悶呱,食完行咗一陣就返去約咗斌仔佢哋唱k,有我,峰爺,斌仔,卓少,河童,仕堅,唱到1點幾,車哂佢哋返去,到第二痛啦,當我泊車嗰時攞得太近啦.....左邊車門撞又hing花咗啊!!!今次好似好明顯咁.....啊!!!好對唔住啊,今日兩次啦.....(好痛啊!)訓唔著啦.....