星期日,8月1號係在下嘅生日,買咗一份禮物比自己先,啱啱考咗車,當然係買車啦,平平地買部二手揸住先,即時轉名比錢,搞到成5點幾,之後出大陸買d車上用品,再去咗食飯,返到嚟澳門收到好多朋友仔嘅短信,玩到成深夜5點,第二日9點幾就去咗黑沙泳池游水,不過去到成11點幾,要到1點先開返,咁我哋就去咗澳門蛋碌令,再返去游水,游到3點到,之後又出大陸食飯,峰爺買咗個生日蛋糕比我,食完飯咗去咗大陸唱k,玩到差唔多就返去啦,原本係大陸過夜架,不過峰爺收風收遲咗,原來佢舅父嚟咗,唔駛返屋企,返都返唔到去大陸啦,都12點啦....唉,之後兩條友係街遊,無可奈何就上嚟我屋企玩下,峰爺係我屋企過夜,又第二朝又去咗碌令,之後去咗官也街食大菜糕,之後佢就返屋企食飯,我就返去訓教....勁攰啊!!!

  星期五,前兩日返咗大陸探婆婆,佢都幾精神下,重食得訓得,不過佢隻眼同隻耳就差咗d啦,佢認錯峰爺係我啊爸,係啊,峰爺都同咗我一齊返啊,玩咗一晚佢就返去先,我留多一晚陪下婆婆,第二朝同d親戚去飲荼同媽媽返澳門,返到屋企打咗陣機.....啊!!突然醒起我8月1號不如去燒烤,就打比峰爺啦,不過佢訓咗啦,到今朝啱啱起身就打blog,因為返咗大陸無得打,等多一陣就返工

  星期一,今日遲咗返工...因為今朝一起身個肚勁痛,去咗幾萬次次所,我成1點幾先返去工場,拉咗好少....一路拉一路痛,可能琴晚去唱k玩得太狂啦....大約五點就收工,同峰爺去下午茶,佢話飲d熱嘢會好d喎,之後食完峰爺就上咗嚟上網,我就打機.....個肚又開始痛啦,我就沖個涼訓下啦,訓到9點幾痛醒咗.....休息咗陣好似好d,就同細佬落網吧打魔獸啦,我覺得用死亡騎超勁,比怪圍嘔都無事.....我越來越覺得我個獵人好廢咁,打緊嗰時個肚一d都唔痛喎,超神奇啊!!!當打完返到屋企又痛返.....唉,唔通打機真係能醫百病.....哈哈....(個肚勁痛中)

  星期六,今日好早就起咗身,因為約咗人試車,到最後佢部車撻唔著嚟唔到,要再約過,之後同咗峰爺食盛記,食完返屋企訓教,峰爺去中山陪女,一直訓到4點幾,打咗一陣機,就同咗朋友出去食飯,之後上嚟屋企睇恐怖片,叫康洲驅魔實錄,因為我之前睇過,知道邊度會突然彈d嘢出嚟,河童直頭唔敢睇,卓少,斌仔同四方睇到呆哂,我見住佢哋勁搞笑,突然又諗起之前同某人一齊睇鬼差嗰時,佢嚇到連雞絲翅都倒咗,睇完我哋就打獵人,佢哋準備走嗰時就落大雨,咁佢哋就留咗係度訓,都成3點雨先細返,斌仔走先,佢哋訓到死咗....

  星期四,今日起身唔係好舒服,就無開工,得峰爺同嵐嵐開,訓到12點幾陳小姐話一齊去食嘢,咁我哋就去咗軒記食麵,再扭咗隻蛋,我係想扭中單黃管架,同之前唔見咗嗰一枝一樣架,不過要成20蚊,到最後都係扭咗枝法國號,一係唔去嗰d地方,一去就心陏陏去買玩具,因為又出咗新嘢啦!!新嘅孔明啊,呢個都唔重要啊,係出咗仙女座神聖衣啊!!!!我連天馬座都未買啊....之後就去咗工場睇下佢哋搞成點啦,今日見到峰爺有180度改變啊,我之前都好擔心佢會頂唔到,跟住打咗一陣怪物獵人,有d退步.....打到峰爺收工,我就返屋企叫咗我細佬一齊去網吧打魔獸,開始有d阻礙.....因為要攞鑰匙開副本,我期待已久嘅副本開始啦,不過我哋只係打到第一層咋,得兩個人.....真係唔夠啊,重要多兩個先得啊~~~唉,如果得我一個連門口都入唔到啊,想辦法拉峰爺一齊玩先,咁就好好多啦,之後同細佬去食宵夜,返屋企睇碟,唔知聽日細佬會唔會又一齊打呢?聽日諗住去電腦展~~~

  星期二返工,個新冷氣房已經裝收好啦,之前嗰幾日都玩到悶啦....前日重剪咗頭髮,都係光頭啦,因為我d朋友想我剪返以前個頭喎,今日峰爺去到準備嘢先,之後我再嚟,拉咗陣嵐嵐返工啦,不過係遲到囉,拉到中午佢哋兩個都話要返屋企食,咁我自己買飯囉,食完勁想訓.....就爬咗一陣啦,之後我啊媽嚟咗教峰爺,教到我都訓醒啦,之後再拉多幾舊就收工啦,我就去網吧打魔獸啦,獵人已經63lv啦,不過好想搵多個人陪我一齊打副本啊,有好多勁裝打架....打完返屋企沖涼,睇碟,我已經睇完林依晨做嗰集射鵰英雄傳啦,雖然有少少改咗,之後我又買咗神鵰俠侶睇,不過好似無咁好睇,故事交代得好快,不過算啦好過無得睇,我聽日去睇哈利波特,有兩張飛都未用過......

  星期日,終於可以上網啦,因為我賣咗部腦,買咗新嘅,今日訓到點幾打比峰爺問下佢去邊,之後我哋去咗游水啦,之後諗下點去啦,峰爺又賣咗車,我就諗諗下tou我細佬部jazz渣,先接咗仕堅,再去接四方,一路上我都有d驚,始終部車都唔係我,渣到個人都硬哂,跟住就過橋啦,行行下斌仔打嚟一齊去,咁就返返濠江接佢再去,去到竹灣都成6點幾啦,游咗一個鐘多d,又撞到唔傻亨同楊小姐,游完其實諗住泊返部車返中星架,不過都出咗嚟啦,玩多陣啦....哈哈,之後出咗大陸食飯,食完返嚟就去咗威記搵tom仔,行咗一陣啦,大家提議去玩桌球,玩到都成3黠啦,送大家返去,發現d油都差唔多用哂啦,聽日要入油啦,但係今日超爽啊....哈哈

  星期五,一陣6點半就開始拉糖啦,前幾日因為太熱拉唔到糖,休咗好幾日息,雖然我自己無咩所謂,可以一直放落去都得,不過而家有人同我一齊做就唔得啦,咁都好架,可以落力D,又要草錢買車同車位,重有啊,我隻銅銅勁肥啊....成隻加菲咁,我屋企嘅關係一D進展都無,個個人都係為自己,街嘅人就話啫....唉,琴日勁無聊出咗去水坑尾行下,見到好多驚奇嘅事,睇到某人覆合啦,睇到某人同另外一個一齊啦,睇到某人依然好因愛啦,全部人都係我識嘅,之後去咗M記食嘢,見到又有嘢換就同咗屋企個半個啊妹換,返嚟前買咗兩張六合彩玩下,結果真係中咗啊...不過係兩張夾埋,但係都收咗政府嗰六仟蚊,都係努力搵錢買架靚車啦,呢個係短其目標,而家是但買架揸住先,因為條路都未行熟.....

 星期日,玩咗兩日....因為26號考到車啦,就去狂玩一反,不過諗返起考車嗰時,最後泊L位差D臨尾衰,出哂線....好彩發玩得早咋,如果唔係就....玩咗兩日而家勁攰...啊,訓下先,晏少少去試車.....哈哈

  星期三,今朝起身開始有少少燒,喉嚨好痛,心諗....大獲H1N1!!之後就食咗兩粒感冒藥,叫峰爺自己比心機啦,我就休息下,好彩之後都退咗燒,只係喉嚨KEEP住痛啫,到6點就去學車,重有兩日就要補考啦,雖然而家得4線同6線,不過都有D緊張,今晚原本係約咗啊E食飯,到最後都去唔成,其實今晚嘅局係講我哋家庭問題嘅,不過個個都唔想去,比較清楚我嘅朋友都知我同啊媽嘅關係不嬲都唔好,我細佬又太過現實,咩都斤斤計較住,我啊媽又固執.....個個都唔想退一步,我自己都唔想理架,不過手掌又係肉手背又係肉,好辛苦啊,心情勁差....唉,呢幾日都好忙,一來要教峰爺拉糖,又就嚟要去攞報告,再加上家庭問題...真係頂唔順啦,好想搵個人嚟傾訴下啊!!!