星期三,今日勁好訓,起身已經鬧鐘響,因為我鬧鐘set咗4點鐘學車,發咗一個好長好長嘅夢,今日學車比師父插我唔專心,我掛住望女....差少少就撞啦....哈哈,之後學完就返去拉糖啦,拉到10點幾又同斌仔,峰爺去咗m記食嘢吹水,我哋重諗一陣去邊玩,不過到最後都係各自返屋企悶....

  星期二,down咗幾日啦,今日先有返心機,11點過咗去大陸同個朋友去食飯,我諗住講笑咁問佢,你放假陪我一齊返我外婆度好唔好,佢話好啊....我突然好開心,即時打比舅父話下星期返去,咁食完嘢就行下街,之後佢返工我就返澳門,返到屋企即時訓咗,連車都唔記得去學,之後再約過聽日學,到6點半就去拉糖,拉拉下收到個sms,陳小姐係英國返到嚟啦,過幾日又可以同佢周圍食啦,拉到11點就同啊斌仔,峰爺去食麵,吹咗陣水,又講起返大陸件事,打算叫峰爺同佢條女一齊去我外婆度,之後就各自返屋訓,返到嚟我挑戰四天大王.....最後都死係金獅子手上.....

  星期五,由琴晚開始我嘅心情一直都唔好受,原本琴晚放工會去搵一個朋友,但係佢sms我叫我唔好搵佢,佢聽朝就要返反佢嘅地方,唔知幾時先見到佢,我雖然認識咗佢只有兩個月,甚至於我對佢係唔會有感覺產生,但係一聽到佢要走,個心有一種好唔爽嘅感覺,係我唔捨得佢走定係另外一樣嘢呢,又或者係一段感情嘅終結,琴晚一直都訓唔到,打咗比彬仔,同佢傾咗成個半鐘,佢都好明白我嘅心情,到今朝起身佢8點幾佢打咗次電話比我,(我要走啦,你自己好好照顧自己啦),嗰一該我好想喊.......嗰種唔捨得嘅感覺更加強烈,自己又做唔到d咩嘢可以令到佢留底,我只係講咗聲,(你自己都要好好照顧自己啊),之後就即時收線啦,因為我已經忍唔到喊緊.......

  星期四,講返琴日做過d咩先啦,琴日訓到10點啦,發覺近排d失眠好返,因為之前12點1點訓,不過次之到咗4點就會起身......我問過醫生,佢話可能係心理問題喎,之後就開咗d安眠藥比我,不過到而家無事啦,咁我琴日自己一個做到三點啦,之後嵐嵐去完百八伴VIP日返嚟,係間冷氣房入面有成5個人,吹下水做下嘢啦,琴日係同啊保遘得最多嘢嘅一日,平時同佢都係同單詞溝通......哈哈,做到5點我就去學車啦,經過連貫公路嗰時.....已經唔同哂,CITY OF DREAMS已經整好,外圍唔錯,下次入去睇下先,教車師父話有3D影院,而家唔駛錢喎,好啦,等我約下佢哋去唔去先,學完車就一齊同啊SIR食飯,琴晚有我,芳芳,牛尾,孔子,雞后,嵐嵐,TOM仔,食完就打算去食甜品嘅,到最後都係打麻雀叫外買,一直打到7點,打得最晏嘅一次啊,返到去沖涼訓教,原本返11點架,不過都係算啦,之後起身無咩做打下BLOG,再訓到4點過去學車

  星期一,已經成個星期無得上網啦,點解呢.....其實係我白白痴痴啫,我估事情經過個之前嘅人猫大戰之後啦,成個廳比個猫仔反轉咁,平息完隻猫第二晚就上唔到網啦......唉,啱啱ctm上嚟先知原來條電話線無接好.....扑街啦!!插好條線即上到.....啊!!!!!嬲到爆啊!!!呢幾日,日日都好似行尸行肉咁,最慘就係同唔刑陳小姐傾計啊,佢終於都考完試啦,再過多幾日又可以見到佢啦.......哈哈,不過呢幾日開始就要去學車啦,26號要補考啦

  星期一休息,9點起咗身,約咗朋友幫佢睇住隻猫一個星期,食完早餐就過去接猫女,當我攞住佢一路係度叫,一直叫到我返屋企,返到去一放佢出嚟就唔知走咗去邊,之後原來係沙發底,咁我就打算攞佢出嚟啦,點知比佢幾下抓擊,我隻手啊...!!d血好似開水喉咁,又多咗幾條傷痕啦....之後一直佢都無出嚟,我都唔敢再去捉佢,放粮比佢算啦,跟住換衫去舒適堡,去到見到好多啊e,之後就去玩跑步機,不過d汗那到個傷口勁痛.....啊啊!!玩完諗住局下汗,諗諗下都係唔好啦,個傷口好那,之後又係行返去,返到去沖涼訓下教,訓到9點幾上網吹水打blog,好似指定動作咁,近排真係懶到嘔啊,又無返工,日日留係屋企,一係就訓教,不過我都係懶到6號,等嵐嵐考完試先啦,勁耐無見佢有d唔慣,因為我好似慣咗比佢話,真範賤啊你,聽日有朋友生日.....又唔知幾點先返屋企啦

  星期日,呢兩日係我身邊周圍發生咗好多事,大大小小,最衰嗰件事係tom仔同佢邊女,又係好似之前峰爺咁,人哋嘅事都唔好提啦,希望tom仔睇得開啦,琴晚同斌仔,峰爺出大陸行下街食嘢,行入咗小小,趕唔到出返嚟,咁我哋就租酒店睡啦,覺得好似去旅行咁,如果下次多d人就好啦,點都熱鬧d啦,今朝10點食完早餐,就返澳門啦,返到屋企餵完猫我就開始摺紙啦,我買咗本教人摺十二星座嘅書,不過摺到我發脾4.....摺極到摺唔到,又唔係好睇得明佢d圖,摺到頭都痛,之後就訓下算啦,起身再摺過,大約4點幾起身打下blog,再去摺過,重有今晚一定要睇美女廚房

  星期四,今日端午節休息下,發覺近排又懶咗.....12點起身就見到皇帝食緊嘢,問佢好返d未,佢話琴晚已經好哂....之後佢就返工啦,我跟住煲惡作劇2吻,睇到邱婆婆死咗嗰幕,我d眼淚勁流出嚟,好傷感啊.....!!嗚嗚,睇下睇下咁就睇完啦,之後打再一陣機,就訓教啦,一直訓到7點幾,峰爺打比我出大陸,重有斌仔,出到去我食嘢先.....我成日都未食過嘢,食完就出去行下玩下咁啦.....玩完就返澳門坐低吹下水,之後各自返家,行過三角花園,已經見唔到之前隻流浪狗啦,唔知佢點呢.....返到去沖涼訓教,好想食棕啊....端午節,從前我好幸福,有人為我包棕,而家食自己啦你!!

星期二,琴晚去完舒適堡,就玩通頂....得返10/100條命,6點幾返到屋企,放低d嘢就出去食早餐,食完突然好想自己一個拉糖喎,咁就返工啦,由7點半開始拉,拉到4點啦,都拉咗五十三盒,拉完個頭都暈暈地,如果比皓怡知道我咁樣....一定殺咗我,返到去屋企即刻沖涼訓教先,訓訓下啊政打比我,叫我去舒適堡,我話一陣見啦...不過我起身已經成11點幾啦,無聊無嘢做上網打日記,DOWN歌...一陣再訓過,咁搞發訓多多都唔夠,要注意下身體啦,唔可以再玩通頂啦

  星期六,唉....重係落緊好大雨,今日又係休息吧,之後無嘢做就追惡作劇2吻啦,一直睇到3點幾,個天重係落緊超大雨,重想去百八伴行下.....打咗一陣機,返房再訓過,訓到12點....勁好訓啊,訓到個人呆哂,連最鐘意睇嘅美女廚房都MISS咗.....頂,下次SET定個鐘,之後上網吹水同打BLOG,餓餓地就落去買咗D麵食,跟住沖涼.....不過訓唔到