今日見到一個英文單字...→supercalifragilisticexpiadocious←...點讀? [super][ca[l]i][fra[g]i][list][ic[e]x][pia[d]o][cious]
睇得明就掂...睇唔明我既話我都冇計...因為真係都幾難讀下... 咁呢個字解咩野?? 好簡單...一個字...『好!』...相等於good~
我喺到諗...點解一個咁鬼長既英文字...出來既中文意思只有一個?...這意味著我地中文係簡單過英文?看來又不是...
睇下以前既哥啲中國古文...文精但意長...一個"之"字...一個"愛"字...一個"病"字...一個"丹"(?!)字...都有好多個意思...
諗到呢到...我又多一個啟發...牛頓叔叔都有講過類似既野...喺一樣簡單既野背後...總係有好多野...就好似一個"好"字~
翻譯成英文可以咁長...但又可以得4個字母~~做人都係一樣...做一件工作...你如果係用心去做...
咁得出來既"好"就會係有好多成果聚集在一起既"好"(supercalifragilisticexpiadocious)...
相反~你好求其咁去做既話...雖然都有成果...但一定係小過用心做得出來既"好"(good)
講左好大條道理呢~~講下啲輕鬆啲既先~~→supercalifragilisticexpiadocious←~~呢個字...原來...原來...
係 當小朋友覺得一樣野好 或者 唔知點去答一樣野 時而所發出的 胡言亂語~What~!反正我地冇咩機會會用到~知道一下呢個字就行了
===============================================================================
今日十點半就畀人吵醒左了~~同我講去唔去買早餐...唔去既話就衣家開始煮晏畫飯了...唔知點解突然想食炒麵~於是就去買了~
一去買...哇~~又加價了~! 6蚊~! 以前總覺得筷子基哥邊啲麵係貴啲...但衣家睇來係我呢邊重貴呢~
買開野就順手買啲日用品~~哈~~睇來下次真係要帶小啲錢喺身呢~~一買又買左30蚊~~控制唔到自己而買上隱呢~
食完後...睇一陣電視就做啲清潔工作了~~洗左幾條毛巾...靠~!真係好多油...洗出來盤水我掂落去...再攞返上來...隻手係滑左 = =+
洗完後...一出來又叫我食晏畫...只係過左兩個鐘啫...唔使咁急啩...但都係食左~~早排先畀RaiN話我有肚腩...唔通我要學薯餅咁做?
最記得RaiN哥時講左一句︰女仔有肚腩唔緊要~最緊要係男仔唔好有肚腩... ...←查實哥時你係未調轉左來講稼...好懷疑喎...
食完就開始溫書囉~溫呀溫...又瞓著了...咁搞法...睇來真係要搵日請假留喺屋企做野先得了...
發夢哥時...見到物理亮 = = ...睇來真係中左佢哥句 "我要你發惡夢都記住" ... 唉呀...我怕啦~你放過我啦~!
|
