真係唔係講笑...今日我驚左一驚... ...終於明白咩叫 好戲在後頭
------------------------------------------------------------------------------------------
早讀堂哥時...原本第一堂係中文...溫緊哥篇再別康橋...突然間有位人姐彈左起身...
大聲咁話...中文同英文調左呀...下?大佬...咁唔得稼喎...英文生字未背過...唔通豪畀佢?
好彩manda入來哥時話下午重有堂英文堂...哥時先測~我先定一定驚...
化學堂...江鋒入來派上次哥張小測卷...真係好無奈...點解只有56分 = =
一睇返張卷...又係衰 衰慣哥樣野 － 大意...選擇三題都錯哂已經算了...畫圖又畫錯左...話要合埋一齊先計
點解唔聽書呢哥時...呢件事話左畀我知...如果我再唔聽物理既話...物理大測既後果將會同今次一樣...
電腦堂哥時...羅姐畀左個正網畀我...全部都係一啲會心寒既故仔...其中對一個最有印象[↓內容如下↓]
[[[[某個家庭因為雙親一同外出，所以唯一的女兒必須單獨留在家過夜。女孩為了安全起見，非常小心地把家中所有的窗戶都上鎖了，但有一個小窗戶卻無論怎樣都無法上鎖。雖然她有點擔心，但因為窗戶小小的，而且又有愛犬陪在她身旁，她心想「應該沒問題吧！」於是就這樣放著不管了。
睡到半夜，她被「滴答...滴答...」的水滴聲給吵醒。雖然有點不安，擔心會不會出了什麼事，但卻也沒有勇氣前往確認。取而代之的，是她將她的手伸到床下讓愛犬來回舔著，藉由這個動作來讓自己安心。心情放鬆之後，她也就再度睡著了。隔天早上，女孩發現喉嚨被割開並吊在天花板上的愛犬，半夜的水滴聲，原來是愛犬的血滴到地板所發出的聲音。接著，她在床下發現一枚小紙條。上面寫著：「人啊，也是會舔東西的喔。」]]]]
睇完後諗一諗都已經夠嘔了 = =" ... 但好正~~等我得閒用來做"嘔心笑話"來同人吹水先~
上返去...終於到今日測驗之一既中文默書...個何慧敏竟然話只畀10分鐘我地...真有她的...迫我"瞭字"...
當佢話交卷哥時...我對左一對隻錶...果然真係十分鐘(實際係十二分鐘)...後尾佢又派返畀我地改...改完先知呢次又完了~
放學啦...借左部機畀文慧返去sd野...唔知佢有冇睇我啲私人資料呢~~希望冇啦(其實入面都冇咩係唔見得光)
文慧佢走之前竟然主動同我講bye~bye~呢...我嚇左一跳...唔通佢畀我"感化"左而變得開朗?
下午一返到來...文慧鬧我 = = ...話我做咩放咁多game入去...搞到佢sd左成一個鐘...差小小遲到...好無辜~>@<
第一堂係數學堂...見咁耐都對呀寶球哥唔住...今堂聽下佢講書先...而文慧又繼續玩我部手提啲game = =
部機我由今朝借到畀佢到下午...佢可以玩到衣家...都算超有耐性的了...其實玩咩既呢...見佢試勻哂我啲game...
英文堂...今日既最後一樣生字測驗終於到了...臨測前manda叫我地讀一次...
點知F狂讀我哥本唔合群既英文生字簿入面啲生字既中文解釋...讀出來超搞笑...
每次讀中文解釋時都佢把聲總係最突左出來...我同文慧狂笑...(雖然這在根本上是我的錯就是了)
測完驗後...佢講agreement...跟住叫我地做哥張英文練習紙...畀人叫我問miss...問第一次...
manda講講下見我一直笑...喺到鬧我...我同佢講話我近排都係咁...痴左線...點知反而令到後面超同歐慧笑爆(特別係歐慧)
之後再問第二次...佢又鬧我 = = ... 話我做咩上一段學過既野又唔記得哂!!!(其實唔只我一個唔記得...連超都唔記得)
後尾落堂...我出去...問佢第三次...又鬧!!!但佢都係講我知~^^ ... 講完就班務堂囉~~
====================================================================
班務堂...之前哥個落堂已經聽到話要搜書包了 = = ... 原來係某個靚仔唔見左部psp ... miss入來問又冇人應...
佢就話︰我知你地衣家有好多電話 ... 如果哥個人唔交出來既話我就搜你地書包!!你地啲電話就搵個垃圾袋來裝 ...
嘩~~~真係畀佢嚇死...因為我除左帶左手提返去之外...重帶左UNO...(原本諗住話自修堂玩的...可惜有人唔見野)
佢講完又等左一陣...都係冇人應...之後就話我衣家出去一分鐘...返來冇人應就搜書包!!!佢出左去之後...
個氣氛竟然搞笑左...有個人話︰喂...快啲攞返出來...未一部psp搞到3部psp畀人收左!!! ... 但都冇人應呢~
之後miss就入返來囉...都係冇人應...佢就叫我地互相搜對方書包...我一打開文慧個袋睇...嘩...好大個銀包呀...
不過冇理由真係搜稼嘛~~最後...都係冇人應...miss竟然反常態...唔再追究落去...事情到此暫告一段落...
(定係已經有人畀返部psp畀佢了??)
之後就做英文工作紙...一做...到我了 = = ... 我又唔見左嚿膠擦 = = ... 唉...算啦...反正重有一嚿~
放學後...見到郭咩怡...佢問我...豬腰同豬肝係唔係同一樣野...講真...我真係唔識答...後尾返來問左位"專業人仕"~
佢話...豬肝係肝...豬腰係腎...兩樣完全唔同!!..................今日真係畀人嚇餐死 = =
|
