尋晚成3點先瞓覺 - - ...點解??未就係衰6點瞓到9點半呢3個半小時既休息囉...
1點3睇完個<<賭場風雲>>之後...諗住去瞓的...點知上到床...勁精神...瞓唔著呀...
唯有出返來...電視播咩娛樂直播之類...fluffy...又瞓唔著...突然諗起...話原本自己今晚要做完個公民的~!
ok啊~於是就開住部電腦...因為個故事大綱早已諗好...只係未作...所以就做下佢囉...做呀做...做完先知已經3點...
於是上床瞓囉...又瞓唔著...嚇死我...因為重有4個鐘就係平時既起身時間了...驚冇得瞓...好彩最後最後都瞓著左...//
今朝唔知點解都好精神咁上堂...但11點左右就瞓(←估的)既文慧竟然當住我面打呵欠...點解應該出現喺我到既動作變左佢做...?
數學堂時...同文慧...超...佢地研究倉頡碼...搞到數學冇聽到書添...不過交流左好多倉頡既知識...真係佢唔講我都唔知有分字法呢樣野...
中文堂...校助十分鐘後先來...來到又吹水吹左半堂...搞到個中文堂過得好輕鬆呢~晏畫公民...又見到佢...不過都冇咩好提了...
物理堂...個物理亮畀左三大題我地做...真好...這下子我總算覆返一次全部既公式了~~
最後係地理堂...半聽半唔聽...一時又打機...一時又睇書...一時就聽佢講野...搞到樣樣都一半半...知啲又唔知啲咁囉...
放學後...原本諗住走人的...但薯餅佢地話出去張枱到玩UNO...開場之前...個b乜一直叫我走...結果未又係一齊玩埋~!!扮哂正經咁!
玩下玩下...個班既使用權畀返我地了...於是就入去玩...玩呀玩...可能空氣唔流通關係...我rain rain地~~><塊面紅哂...
下次再有機會玩哥時一定一定要坐喺較為中間既位置...起碼有把風扇吹到...~!令我意外既係...估唔到今次連超都join in...
佢有盤重一次過畀哂4張技術牌畀薯餅...可惜鴉...我地玩既UNO係唔可以一次過出幾張相同既牌的~結果薯餅輸左~!ya~
玩到6點半...散場了...我繼續懷住rain rain 地既身體離開左學校囉~!^^
返到來...同自己講今日開始要溫返啲功課了...第三段大家都要 加油加油*100呀~!
|
