Nike League 2011 完結感想 愉快
分類: 未分類
2011 年 8 月 9 日  星期二

唔經唔覺已陪伴大家近兩個月，回想係初做reporter既我簡直係另一人，期實我之前係游泳運動員，

而籃球只打一年多，講真，係籃球知識唔多，我冇好好既文筆只有一份拼勁只想盡自已責任完成

特派員，可能有時大家會留意到凌晨3,4點我仍然更新Blog, 雖然好夜好攰但我希望我去完既活動能夠

即日報導俾大家，等大家知道第一手資訊，係我做U16既隊伍球員中，我角色唔只係小記者，

仲係觀眾每當報導既球隊我自已亦支持那隊，同球員亦做朋友。

 

如果係Nike League 中曾打擾過你地包括:教練、球員、工作人員等，係到講聲 ''對不起'' 經常問你地問題，

但亦要講聲 ''多謝'' 冇你地回答我我學唔到更多既籃球知識冇得完整報導俾讀者，''多謝'' 亦點少得讀者

你地既支持、留言、讚好，係我原動力令我想報導得更仔細更詳盡獲得你地支持，係街上球場上特派員暫

唔會再出現係大家眼前......

 

最後想俾大家估下一啲野，當大家見到下圖會諗咩呢?!

大家可以留言的,提示左手邊本簿係在Nike League 既note book 但已用完，

右手邊係今日先買的，估下我想大家估乜 ?!

夜d開估......

 

發表間時: 2011-08-09 12:54 AM    [ 訪客留言(2) ] [ 編輯日誌 ] [ 分享至FACEBOOK ]
Nike League 2011 U16 決賽 愉快
分類: 未分類
2011 年 8 月 7 日  星期日

今日已係決賽日，我同另一位特派員一人做一隊，決賽 翼龍 vs 泰坦

而我係泰坦隊，先俾大家睇下獎項

賽前

泰坦劉教練:「我而家心情輕鬆，我曾帶領球隊入三年決賽，我相信球員會緊張，

教擔心第一節未入狀態，但球隊通常初段冇咁好，希望今次有改變，打法用反人釘人，

相信球隊表現一場比一場好。」

 

球員係比賽前已熱身，拍下波咁

 

比賽開始前MC亦有介紹球員

送上介紹球員片段:

 

 

今戰泰坦係白衫，係第一節14:6泰坦落後

劉教練:「集中d,硬d，分波好少少啦!」

第一節明顯球員未入態，多次把握唔到射波機會

第一節片段:

 

 

 

第二節

劉教練:「要醒呀把握好d，要試下射波唔射點知入唔入呀，忍下手咪犯規，對隊睇實智者(何俊杰)」

係比賽中陳航入了4球3分波係3分排名同另一位球員並列第一位總數17球，

泰坦成功把對方智者攻力減弱，只得到7分對泰坦未有影響。

 

 

中場開會片段:

 

劉教練:「進攻心急，冇移動進攻，球員緊張是正常的。」

 

 

第三節比分43:41泰坦落後

球員𣎴斷犯規，令對方用罰球打開比數

 

第四節 52: 64 泰坦輸

劉教練:「陳航一射波全部人拎板，我地唔可以再輸。」

但對方智者一度連攻入內線得分係短時間將比分拉開6分

賽事剩餘4分30秒泰坦進行全場緊迫，各球員亦用3分球博一博

但手感一般係1分30秒已變成垃圾時間

第四節片段:

 雖然輸，但球隊所有人已盡力，即使輸了亦要趕快忘記接受新既挑戰，

係今日Nike League 2011 已完結，請記得收睇明天既個人感想!!

發表間時: 2011-08-07 11:18 PM    [ 訪客留言(0) ] [ 編輯日誌 ] [ 分享至FACEBOOK ]
U16 5人賽 4強 泰坦 vs 天蝠 愉快
分類: 未分類
2011 年 8 月 6 日  星期六

先講反4強規則，比分差距會將帶入今次比賽即係昨天比分泰坦輸10分，所以泰坦今戰要嬴多過10先分得，而今場要打6節先能分勝負

賽前:

泰坦隊另一教練吳sir:「球員都好自律11:30已射波熱身希望入狀態

只要打反自已狀態就得。」

 

合照完比賽開始:

 

泰坦(紫衫)、天蝠(白衫)

第一節比分15:12 泰坦領先

泰坦;「唔要夾人，慢慢黎慢慢打唔洗急。」

天蝠:「一定要嬴波!」

而賽事剩餘3分44秒李啟正穿着住紅色KD  亦要出黎幫手

第一節片段:

 

 

第二節比分34:27泰坦領先

泰坦:「壓低d個人打！」

天蝠:「塭空位等李啟正剷波，防守唔係企係到要有準備人行你跟，要拎d決心出黎嬴波」

 

中場教練分析:

泰坦劉教練:「比分領先近10分戰術不變，第四節先變總之對唔領先就不變。」

天蝠曾教練:「會調整，因為對方3-2守得好緊加上外圍投射又唔準，應該打反自已節凑慢慢打」

 

 

第3節比分53: 50 泰坦領先

天蝠:「防守好d，因為中鋒唔夠氣俾人成功打快攻。」

泰坦:「放棄就冇得打，硬d拉，唔想輸俾人就比d信心去打。」

 

 

第4節因為比分泰坦領先10分一度要打多兩節每節5分鐘泰坦才能嬴總比分1分

第4節片段:

 

 

賽後:

泰坦劉教練:「打到應有水準上下一條心好齊，絕對有信心明天」

 

今場得分最高泰坦隊

陳航 34分

「我認為今場發揮比之前好，但依然未到最好，有信心發揮到更好係明天比賽。」

 

明天已係 Nike League 2011 既最後一日，明天決賽 翼龍 vs 泰坦 15:30 進行 大家亦可以去修頓支持

明天見^^!

發表間時: 2011-08-07 02:52 AM    [ 訪客留言(1) ] [ 編輯日誌 ] [ 分享至FACEBOOK ]
U16 5人賽Day5 天蝠 vs 泰坦 愉快
分類: 未分類
2011 年 8 月 5 日  星期五

賽事到今日已出了排名，明天同後天分別係4強同決賽對決，以下已見到1-4排名

 

賽前:

泰坦劉教練:「對方球員得分平均化，所以唔可放球員射波，唔要放空。」

 

天蝠副教曾教練:「會針對得分球員防守，場波嬴顧然好但輸唔好輸多個兩位數，」

 

比賽開始: 泰坦(紫衫)、天蝠(白色)

第一節比分 22: 10 天蝠領先

第一節片段:

泰坦劉教練:「慢慢打點打呀!打快d先打散到人地。」

 

天蝠主教黃教練:「守反好自已果個，打闊少少，快上前場。」

上圖見到一位紫衫既人坐係到，期實係李啟政，雖然受傷依然到場撐隊友

而開會時亦會讓座比球員坐，十分重視隊友。

 

 

第二節依然天蝠領先40:28

泰坦進行全場緊迫，一度令天蝠有多次失誤

天蝠黃教練跟球員:「插上中場，揾球員幫波。」

 

泰坦劉教練:「打左4場咁耐出多d聲，有信心d射波。」

 

 

中場開會:

天蝠:「唔應射波既人走去射，要知道自已優點，多d溝通」

 

泰坦:「上次中場發火果招話你地已冇用，唔得咪升多隻上去幫，企係到睇風景咩!!打定d，硬d!!」

 

 

第三節52:46 天蝠領先

天蝠:「我地絕對拎到進攻籃板，但拎唔到就射波，最緊要補位陳航鐘意落低位。」

泰坦:「大家要硬d呀!守1球，我地個底頂得住，守實佢但唔好犯規。」

 

第四節比分67:57 天蝠勝

第4節片段:

天蝠隊將領先帶到最尾，而黃教練更失聲賽後跟球員講應該一黎既時後就分波唔好拎實波先望，希望

明天做得更好。

 

泰坦隊劉教練:「有好多應入既波都炒成15球仲要係輕鬆入波，第一節未入狀態

但依然有得打，唔洗擔心。」

 

除左明天4強相信都想知到天蝠主力李啟政能否出場:

李啟政:「明天應該出到場，本身球隊紀律嚴主要打整體既，當然大家都想嬴冠軍

而我地球隊爭勝心好強希望入到4強再對翼龍。」

 

明天依然有兩場首戰 翼龍 vs 皇蜂，次場 天蝠再戰泰坦

我依然會為大家繼續送上次場比賽記得收看

 

 

 

 

U16另一位

特派員呀皮 Blog :  http://blog.qooza.hk/Skinskin 

 

 U22 係Fung

Fung：http://blog.qooza.hk/YukFung

 

 U19 係Kwan

 Kwan：http://blog.qooza.hk/ArKwan 

 

其他特派員:

Angie：http://blog.qooza.hk/AngieArmchannel 

Wood：http://blog.qooza.hk/Woodstock_Ho 

Nelson：http://blog.qooza.hk/NelsonChu 

發表間時: 2011-08-05 09:23 PM    [ 訪客留言(0) ] [ 編輯日誌 ] [ 分享至FACEBOOK ]
U16 5人賽Day4 皇蜂 vs 天蝠 開心
分類: 未分類
2011 年 8 月 4 日  星期四

兩隊之前都介紹過，我諗唔再多介紹，再次比大家回顧比分:

 

賽前:

我知道天蝠李啟政受傷並跟勇sir 傾有關問題

皇蜂勇 sir :「天蝠隊紀律嚴，而李啟政主要打自已，打散波，容易打亂節奏，反而他不在場可以令整

隊人表現仲好，對整體表現提高。」

 

天蝠曾sir: 「李啟政受傷當然有少少影響，但反而希然令大家拎反決心出黎打到應有既水準，

球隊可以打得再平均化。」

天蝠知道皇蜂隊高佬少，所以用內線戰術

 

天蝠(紫衫)、皇蜂(白衫)

第一節比分25 : 14 天蝠領先

第一節片段:

雙方教練對球員講:

皇蜂:「唔好放棄，內線頂一頂佢。」

 

天蜂:「繼續打內線，守住底線放射好過放佢過人。」

 

 

 

而第二節比分43:36 仍然天蝠開始前:

天蝠隊:「打唔入唔好不斷打果邊，key波可以key 後少少轉方向，唔要turnover!!」

皇蜂隊:「對方守三角陣，但3分線唔跟，但我地射手唔止兩個的!!」

係今次比賽裁判有時判錯波，好似天蝠球員打手到張堯城，但依然冇吹，一度令皇蜂球員發怒!

 

各隊中場訓話:

因為皇峰追近比分天蝠係中場開會不得不變陣容

主教練黃 sir : 「我地中鋒成日上前令到球隊冇進攻籃板但我地足足有2x球罰球

証明內線成功，但唔好因比人迫就怕照剷入去，有空轉下後轉身望下人守反3-2 變一變

照走右邊先進攻，防守先用兩隻夾住對方張堯城佢一定轉身上籃再揾多位球員迫佢，記住當自已冇領先」

 

皇蜂勇sir:「做多啲防守咪因小失大，投訴犯規係由教練投訴」

 

第3節比分已拉開62:46 天蝠領先

皇蜂以零度位起手，但手感不順

皇蜂隊開會:「唔好再hea再hea 換哂5個球員。」

天蝠：「唔好被人迫一迫就冇意識。」

 

係第4節完天蝠勝

皇蜂隊全力追分但被對手緊貼防守

第4節片段:

完賽後雙方握手

 

賽後:

皇蜂隊勇sir:「表現偏差而第3節係主要輸波關鍵，失望既係吳嘉軒打3場唔到10分，但剛知道因為他

重考試有壓力，而今天剛完，期實如期輸2-3分希望球員能調整好，入4強可以發揮水準。」

 

天蝠另一教練黃教練: 「雖然勝出但不足係球隊多矮仔，孭位意識薄弱加上矮仔最鍾意自已帶波剷籃沒有交波意識。」

 

明天賽事依然有兩場，分別皇蜂 vs 翼龍，次場天蝠 vs 泰坦

而我會為大家報導天蝠 vs 泰坦一戰，天蝠依然沒有李啟政仍能勝出，而泰坦依然有陳航帶領球隊，

可以話雙方各有優勢，想知明天賽果點記得收看我blog !!

 

U16另一位

特派員呀皮 Blog :  http://blog.qooza.hk/Skinskin 

 

 U22 係Fung

Fung：http://blog.qooza.hk/YukFung

 

 U19 係Kwan

 Kwan：http://blog.qooza.hk/ArKwan 

 

其他特派員:

Angie：http://blog.qooza.hk/AngieArmchannel 

Wood：http://blog.qooza.hk/Woodstock_Ho 

Nelson：http://blog.qooza.hk/NelsonChu 

發表間時: 2011-08-04 09:03 PM    [ 訪客留言(0) ] [ 編輯日誌 ] [ 分享至FACEBOOK ]
« | 1 | 2 | 3 | 4 | 5 | 6 | 7 | 8 | 9 | 10 | ... | 13 | »