返過咁多份工, 我都冇del過一個同事既電話,

有d 連公司群都冇del, 因為有時拎返出黎睇都覺得幾得意, 

自己有個自私既諗法, 覺得唔del人電話, 人地就一定會記得你咁.

但其實唔會, 因為我識一個連電話都唔會save既人,

當你覺得人地好重要既時候, 但你係人地心目中其實咩都唔係,

知道左都幾心痛! 但尼個世界的確唔係咩都如你所願...

每一份工都有一段最美好既時段, 令你過左幾耐都會諗返起,

會令你會心微笑既片段

 再諗返起而家既自己, 好似咩都冇咁, 覺得自己好失敗,

 活左22年, 每返完一份工, 朋友依然會離你而去,

 當你resign完, 就好似一個朋友都冇咁... 

係屋企又搵唔到人傾計, 因為原本就同屋企人一d都唔夾,

我當佢地白痴, 佢地當我白痴咁,係屋企都係房自閉多. 

係ig/fb 見到既相, 好似令人覺得自己屋企好開心好融恰咁,

只係表面上, 又或者係幾個月難得一次咁,

平日都幾乎好少接觸, 因為佢地唔明我, 我都懶得好明佢地.

生存其實好攰, 人要去理解人.

成日好想搵朋友傾計, 但望住D聯絡人都冇個傾到計,

都幾無助, 困擾...