好像很久都沒有交代過近況了,
可能令這個 blog 既 fans 失望了.

先說上個星期五,
同一班舊 head p 食飯,
佢地係我中三做緊小prefect時候既 head p,
好耐冇見,
真係好掛著佢地,
小玉, 琛姐, 卓妮, Jeffrey, 曾佬, 家威哥,
全部都係好 head p,
我地果屆做既時候就係以佢地為榜樣的.
而家連我都 "落莊" 好耐lu,
......諗諗下有d掛著我既prefect仔,
之前聖誕假佢地又話要溫書,
唯有暑假la,
希望到時齊人.

琴日做左肥vin既聆聽者,
聽聽下忍唔住話左佢一餐,
連我自己都覺得自己既語氣有d重,
不過, 我認為呢個係做朋友既責任.
收線之後,
嘆了一口氣,
趙公公講得無錯,
承擔生命並不是易事.
(我突然想起一本書: 生命中不能承受之輕)

琴日又打左俾老嚴,
難得佢對AL成竹在胸,
所以傾耐左少少唔怕阻住佢,
心懷大暢呀,
不愧係知己.

今日去左 joint u drama performance,
有hku, city u, ust 既演出,
三個演出都有一個共通既主題,
就係活在當下,
的確十分精彩,
冇去既人即管抱憾終生la.

先講hku,
以一個人常為以往既遺憾而唔開心為開始,
中間奇遇魔鬼回到過去刪去遺憾更改過去,
可惜最後換來現在更大的遺憾.
主題鮮明,
情節引人入勝
演員演技精湛, 表情突出而自然,
場景為觀眾所熟悉的中學,
轉換也很好, 有代入感,
gag 位令人忍俊不禁,
該緊張時張力懾人.
唯一的缺點是思考位不多,
略欠繞樑之音.

city u 的演出沒有明確主線,
也沒有男女主角,
模式剛剛與hku形成對比,
要求觀眾自己執藥.
大概是說一個人正在編寫故事,
而這些故事真的逐步在現實發生,
可是它們的結局卻不是作者想要的,
作者不能控制自己"小說" 裡面的結局,
更不可以控制身邊的人和事,
因為這個作者本身的經歷也是由"命運"所編寫,
他創造小說人物中的經歷, 但他的經歷也是被創造的.
真的很玄, 很難明,
若留心對白的話會悟出 "誰是誰的主宰" 這個迷思,
都頗有哲學意含.
中間有d問題幾有意思,
"你寫的小說內容, 點解都是發生過在你身邊既事?"
"你真係知道自己要去邊?"
"當全世界都唔安全, 點解唔留喺自己熟悉既地方?"
至於演員,
人物特徵不突出,
最突出果個都係靠浮誇既身體語言,
they were telling the story but not performing the story,
這點令人有點失望.
gag 位卻太突出, 有欠自然,
顯然是故意 "安裝" 的,
又有好些比較粗鄙的用語(即係低級趣味).
drama中用粗鄙字眼本無不委,
但此際卻與戲劇想帶出的訊息有點不稱.
不過,
我覺得 city u 所表達的訊息較高層次,
需要思考消化,
所以我還是很喜歡的.

ust 以鎖鏈比喻聯係人與人之間承諾,
由一個男孩到一家工廠製造鎖鏈,
又回收鎖鏈,
最後悟到人與人之間的承諾是命運的director.
工廠裡面的工人間的承諾影射到兄弟姊妹間的承諾,
廠長逝去的兒子無法完成的承諾影射到我們經常ignore左對父母的承諾.
由觀眾不熟悉的事物講述其熟悉的事物,
意義深刻, 情節感人,
雖然演出人數不多,
卻能突出主題.
也可能因為演員不多,
衝突不夠,
以致主角心理描寫未夠細膩.
不過都已經好精彩,
尤其係可以link到去家庭.

今日真係拍爛手掌. JP09 Good Show!