今日要10:00番到學校 ,我8:00起咗身 ,打機打到9:30先出門口 ,即刻搭地鐵番去 ,番到去先9:50 ,跟住等到10:05 ,MISS蕭就話要去禮堂 ,上到去坐得嗰10分鐘唔夠 ,有條友就話1A同1B落去停車場睇D馬仔 ,落到去個負責人問邊個想同隻馬影相 ,得一個人舉手 ,佢就係MARK周(正KAI子) ,跟住就上番去 ,上到去又冇嘢做 ,又唔放我哋走 ,要我哋等到12:30先放人 ,跟住就同吳柏萱去咗華哥屋企一陣 ,之後去埋亞倫屋企 ,玩大富翁玩到3:30(我成為大贏家) ,跟住就番屋企........

   唉.......呢幾日都係咁落雨 ,好煩呀

   今日我10:00先起身 ,跟住打機打到12:30 ,老豆話去藍灣半島到行街 ,我都唔明嗰度有咩好行 ,嗰度我去過好多次啦 ,嚟嚟去去得D餐廳 ,超市同衫鋪 ,悶到死 ,佢買咗對鞋 ,我細佬都買咗對鞋 ,得我冇買到(因為冇嘢啱我) ,跟住去一樓其中一間餐廳到食嘢 ,就番屋企 ,番到屋企睇到中國贏咗意大利(覺得冇咩 ,但係亞爸亞媽就好開心) ,跟住我就上網睇嘢...........

   今日我本來又要番去練歌 ,可惜我有班FD約咗我去打波 ,所以冇去到 ,跟住打到11:15 ,我同邵德銓去咗小倫子屋企玩 ,跟住昇爺上埋嚟 ,我哋就開枱打牌 ,到1:00我要去西環打波 ,到3:30就搭車走 ,去我亞嫲屋企食飯 ,去我亞嫲屋企嗰陣 ,到金鐘又有車撞 ,搞到我要轉搭地鐵(麻Q煩) ,到8:00番屋企 ,睇"超級星光大道" ,諗住睇完之後就睇埋"法證先鋒"個大結局就瞓覺

  唉.........禮拜一番到學校 ,實俾袁SIR係咁鬧..........

   今日我本來都唔想番去練歌 ,不過今日揾唔到有咩藉口 ,所以就番去...........

   今日我8:30起身 ,到9:00出門口搭車 ,番到去 ,有幾個同班就話"咦?咪你捨得番啦?" ,我冇理佢哋 ,上去同其他FD一齊 ,跟住袁SIR入嚟話開始練歌 ,佢竟然睇我唔到 ,險過剃頭 ,如果唔係一定會俾佢鬧到亞媽都唔認得

   幾經辛苦 ,終於捱到12:00放學 ,同J人一齊落去搭地鐵番屋企 ,點知無端端俾CB搶咗副眼鏡(唔明眼鏡有咩好搶) ,諗住行過去問佢攞番 ,佢竟然上咗地鐵!!!!!!(無奈) ,好彩我記得佢手提 ,即刻打俾佢 ,佢話佢喺北角 ,即刻同J人去北角問佢攞番 ,跟住番屋企

   番到屋企 ,有條茂利打嚟問我去唔去篤波 ,雖然我好想去 ,但係我老母唔俾 ,SO我又留喺屋企上網睇嘢.............

   今日我應該要9:00就番到學校 ,但係我竟然8:45先起身 ,食埋早餐到已經9:00 ,落到樓下搭車 ,佢竟然9:20先嚟到 ,一開車前面就開始塞車 ,原來係有架巴士死咗火 ,仲要死正喺路中心 ,加埋啱啱嗰度個燈位又壞咗 ,累到我要10:00先番到學校 ,遲哂大到 ,唉.............

   番到去以為有咩要做 ,原來要睇套"魔法奇緣" ,到11:00放學 ,去咗華哥屋企玩咗陣(本身我要去練歌) ,玩到1:00走人 ,番到屋企即刻有人打嚟問我做咩唔番去練歌.........跟住又叫我上網睇"守護甜心" ,睇睇吓又覺得OK

    今日叫做冇咁悶嘅一日啦!!!