前幾日曾愷穎打嚟話梁仔禮拜一請打邊爐 我問准咗亞媽 今朝游完水 番到屋企打咗陣機 6:00就出門口 去到之後梁仔帶我地去間酒家 我地一路係咁講嘢,又大聲笑 其他人就係咁睥住我地 跟住開始叫嘢食 薛水佢地都有病 加加埋埋叫咗差唔多30碟肥牛 跟住又叫咗d唔知咩嚟 萱萱仲要趁我唔覺嗰陣將我杯汽水唔知點樣整成一杯好似 "咳爸千勞" 咁嘅嘢 佢仲要無端端飲咗淡<---on 9 飲到差d肚痛 9:30走人
今朝本來要去練水 但係曾愷穎同佢亞哥又好遲先出門口 去到都遲哂到啦,咪又係要比梁仔鬧 s0我同薛水就唔去游水 改去北角間FansneT打機<---呢次係我第一次去網吧打機 打咗3粒鐘 番到屋企12點幾(好似平時游完水番屋企嘅時間)<---hehe,神不知,鬼不覺 跟住食完lunch 就去王毅文屋企慶祝佢生日<---住西貢 2點幾去到 一路玩,玩到5點幾 佢問我地係唔係佢屋企食飯 我問我亞媽,亞媽竟然比<---第一次比我係同學屋企食飯 食完之後8點幾 又玩多一陣 9:35先走人<---第一次去同學屋企玩到咁夜 番到屋企11點 沖涼 瞓覺
好柒呀!!!! 好柒呀!!!!! 今朝本來諗住去港灣道個泳池跟梁仔練水 點知去到先發覺唔記得帶泳褲... 真係好柒呀 仲要哂埋D車錢...凸 睇嚟我要同老豆老母講我要休息幾日唔去練水 因為我好似游水游到慒慒地... 其實係想搵個藉口唔去練水 XD
今朝一起身 覺得個廳好凍 原來琴晚瞓之前唔記得閂冷氣... 又要交多d電費... 跟住食完個早餐就打機打到12:30 就出門口同邵德銓去太古間pizza hut同其他人一齊食lunch
食到2點幾 去咗冒險樂園玩陣 無端端比人昆咗$50 玩完之後只係換到包香口膠比我... 凸 跟住就仆上去戲院睇蝦你波凸 未開始播嗰陣 撚貽無端端冇位坐 我又坐係lim泰隔離 班契弟竟然因為要拙合佢地 叫我讓個位比撚貽坐喺lim泰隔離 又唔見佢地叫大J樂走 佢夠坐係lim泰隔離啦 跟住我就去咗唔知邊度坐... 凸 睇完之後就同番d死黨一齊行番屋企
琴晚睇完套蝦你波凸 今朝8點起身 9點幾跟咗老豆去九龍灣 ' 碌ling ' 打咗超過5次全中 哈哈...我太勁啦 我係少年胡兆康...哈哈... 碌到1點幾 好肚餓 就係德福廣場食埋味千先番屋企 番到去都3點幾... 唉...咁就出咗去6個幾鐘... 少咗時間打機...
