今日 ,我諗住瞓到11:00先起身 ,但係8:00就俾條友打電話嚟嘈醒我 ,累到我被逼起身 ,跟住打機由8:30打到12:30就出去學打波 ,到2:30去咗我表姐屋企 ,玩咗一陣 ,就去睇我個新嘅表姪女 ,再去姑媽屋企食飯慶祝 ,到11:00先番到屋企!!

我會揾個機會將我個表姪女D相擺上嚟 ,俾大家睇吓(佢好CUTE嫁)

   今日係派卷嘅日子 ,成績未如理想 ,中 ,西史差啲唔合格 ,最好嘅係地理同數學 ,對完卷後 ,要上個唔知咩高中講座(超無聊)

   放咗學之後 ,又同班FD去打波 ,到7:00先番到屋企(本身2:00放) ,番到去俾亞媽鬧咗幾句 ,就去樓下間酒家打邊爐慶祝亞爸生日 ,我仲送咗個我同我細佬親手織嘅"咕荀"俾佢 ,係酒家仲要撞到個舊同學 ,到9:00先番嚟 ,宜家好飽呀!!!!!!!!!!!!!!!!!!!!!!!!!

   今日晏晝同我班FD去百福道打籃球 ,打打吓轉場(原因係太曬) ,去咗鰂魚涌公園到打 ,打到3:30 ,我哋去咗康怡廣場到打桌球 ,打到五點幾就散BAND..............

  番到屋企即刻沖個凍水涼 ,宜家爽曬.................

  今日係放假 ,但係我唔知點解我會咁早就起身 ,可能因為我晏晝可以同班FD出去玩掛 ,但係要等到2:00 ,成個朝早冇嘢做 ,悶爆.................................

   今日係最後一日嘅考試 ,放咗學即刻同班FD去打波 ,但有幾個突然"甩底" ,得番我同華哥係到打 ,我哋打俾其他人 ,佢哋話唔得閒(原因係玩緊啤牌)..........我哋一路打一路淋雨(由12:30打到3:00) ,番到屋企悶爆 ,就上咗嚟打幾隻字.............