話說今日終於唔洗番工，Chur左兩日終於可以休息下
但係今日始終都係走走踢踢左全日
起身無耐去左食個lunch就番左入屋企拎住址證明
因為intern果度出糧一定要用hsbc/恒生戶口，搞到我又要特登開過個戶口勁麻煩
開完戶口之後出左去屯門，本身就諗住做MS嘅，但成個人都好攰好無mood
最後都係一單都冇做左，只係去左行街
我想講嘅係，我真係真係好想買衫！！！！！！！！！！
本身去左uniqlo果度諗住買好耐之前已經睇中左果件怪獸公司系列嘅Tee，拎左件衫入fitting試，著左上身先發現原來件衫透到痴哂線
唉，明明諗住買件新衫獎勵下自己咁努力做野架嘛
跟著又去做行下其他鋪頭，不停見到自己心水野，我一定要忍下手
我決定一去到下個月就即刻開始買衫
行完之後就番左Hall了，其實全日好似冇咩野做過，但我又feel唔到自己有休息過
而聽日又要service learning，而家已經兩點幾我真係唔洗訓
啊，差d有樣好重要嘅事唔記得左講
今日決定左唔等到聽日先放個agent飛機，諗住等佢早d知，方便佢安排人手
點知同完佢講佢開始爆我，真係嚇親我，我差d反應唔切
最後佢話ok fine嘅時候我就以為冇事啦，點知再同佢講諗住遲d再firm佢下個月更期嘅時候佢又同我講唔洗
我就心知不妙啦，問佢「唔洗???」
之後佢就答我「不用了，因為不會再考慮」，之後我問佢係咪即刻冇得再番，佢話「對」
我人生第一次被人炒就奉獻左比呢個人
雖然係我自己攞黎衰但我真係唔明點解呢間野呢間公司d rules要咁harsh
不過我都唔諗住再番，算啦，真係拜拜了。
跟著今日又打左比卡巴同佢辭職，佢知左我要番intern之後好體諒我，仲叫我努力d。
天啊，點解呢間野可以咁好，其實我真係辜負左佢，不過我真係對呢份工有心無力啦
跟著跟著今日基於極大好奇心嘅驅使底下，我終於做左一樣唔可以做嘅野，就係wtsapp左個HR問我幾時先會知道interview結果
其實咁樣做真係會gg，但我又真係好想知
最後佢答左我如果請嘅話下個星期會知
雖然我知咁樣做左之後佢可能會唔請我，但我真係真係好想番呢份，好想做撰稿員學野儲經驗
全能嘅Blog之神你一定要眷顧下我呢個而家養成緊每日寫blog嘅小弟弟啊！！！！！
之後聽日又要service learning，而我好似得果幾個鐘訓，頂
另外，今日終於開始左飲靈芝茶啦，要一年non stop咁飲，好緊張，希望真係可以好得番啦今次。
|
