這陣子很忙，發生了很多事，現在終於有空坐下來，好好寫一篇日誌。
二零一四年十二月十三日，她給我send了多個wtsapp voice note。
二零一四年十二月十四日，Mega Sale過會，我終於忍不住爆發了。
前陣子因為22nd走了人，也有了職位調動的問題，因而有了很多爭呦。
到最後，Niki由ivp變成Fin，Mean由welfare變成ivp，這是交由22nd自己商討投票出來的結果。
即使對這個結果有擔憂有反對有覺得不恰當的地方，這個始終是22nd自己com出來的，我覺得應該尊重他們的決定。
十三號的晚上，梁恩怡突然給我send了多則wtsapp錄音，聽後我整個人陷入崩潰。
當然而家時隔已久，怒氣漸漸消除，但並唔代表件事就咁冇左，並唔代表我會原諒佢。
wtsapp錄音大致上ge內容係話我公私不分，偏幫小巨柳，見到其他組ge組女被人夾埋拉落黎，都無動於衷。
你話你同阿tam係度討論我，唔想覺得好似係人地背後講人地壞話咁，所以講番比我聽你講過d咩，你話唔想再錄過d錄音，所以直接轉send比我。
你話自己係被人焗左，落左個焗到，因為同我傾果陣你冇諗過原來3P都可以調得。
你話Niki係被人拉落黎，只係因為大家對Niki有偏見，覺得Niki唔掂，更加拎我黎做比喻，話我而家都係咁啦，又唔見你地拉我落黎。
你話我串通小巨柳，偏幫自己組ge人，唔識控制組爸同組仔女ge距離，唔識教下莊。
你話我不單止唔幫佢地維繫莊員關係，更加拉攏小巨柳ge人去分化22nd，搞散佢地支莊，我咁樣好fail。
聽完呢d錄音之後，果一刻我真係崩潰左，估唔到係枝莊入面我最相信ge人係咁睇我。
到到我好激動咁同你解釋，講哂信不信由你，我真係冇做過，你都仲係認為係22nd令到我地嘈交，你仲係覺得係我太激動，你都仲係覺得我唔理智、唔冷靜，你都仲係覺得我唔同你地商量，冇商量餘地。
同你講左好多次，解釋左好多次，你都仲係認為唔係因為你d說話，而係因為22nd我先同你嘈，果一刻我真係好嬲。
你知唔知，我有諗過點解你會咁講野，曾經有一刻我幫你諗過藉口，覺得你唔係呢個意思，覺得你唔會誣衊我，但我真係點諗都諗唔通。
係呢枝莊入面，第一個我信Hugo，第二個信ge就係你，我曾經喊哂成個人崩潰左咁係架西鐵入面同你講一直以黎我ge感受，同你講呢一年發生係我身上ge事，果陣我以為我終於都搵到一個理解我、支持我ge莊員。但，原來唔係。
呢一件事，完完全全破壞左我對你ge信任，我覺得自己信錯人，睇錯人。
其他人誤會我唔緊要，但我估唔到咁清楚我ge你，咁了解我ge你，知道我咁多野ge你唔會好似其他人咁睇，但係，我真係估唔到「我覺得自己被人焗左」呢一句係出自你把口。無論點樣理解呢句說話都好，再加埋你之後講ge野，我真係好嬲點解你會咁樣睇我，點解你會覺得我咁有閒情逸致精心佈個局比你踩。
一路聽你d錄音，我一路唔敢相信自己隻耳仔，因為我真係唔敢相信呢d說話係出自你把口。
你話「Tommy都係咁啦，我地又有冇諗過拉番佢落黎」我聽到呢一句說話真係好痛，原來你一直都係咁睇我。其實，你真係可以拉番我落黎，呢個位，我真係唔識做。
之後你講左好多好多好唔make sense好唔合邏輯ge說話，無論係對我定係對其他人，其實我真係有諗過係你誤會左係你蠢，你先至會咁講野。但我真係唔知你知唔知自己說話ge重量，自己ge說話會造成d咩影響。你同tam講左第一次，都仲可以收得番。但你竟然同我講廢事再錄多次而直接forward比我，呢d說話講錯一次，已經不可原諒，講錯兩次，所有野都唔可能再挽回。
你最尾仲要加多句「我覺得tommy咁樣不單止唔維繫佢地ge莊員關係，更加拉攏埋小巨柳ge人去分化佢地枝莊，拆散佢地，真係好fail」一而再，再而三咁誣衊我、屈我，我咩做都冇做過，憑咩去一口咬定我已經係咁樣做左。點解唔係問下我有冇咁樣做過先，而係直接數落我做左呢樣果樣。我對你真係太失望，我只係想講我最fail ge野係信錯左你係我朋友。
到頭後黎，我係wtsapp度好激動咁同你嘈，同你解釋，你竟然話因為我話我唔想再理你而心痛，咁不如你聽多一次你自己send比我果d錄音，換著係你，你會覺得我心痛d定你心痛d。
其實當你撤底破壞完我對你ge信任之後，我真係唔想再理任何莊務著。但係十四號果晚，我都係出現左，我知道你地成班人一定有暗地裹討論過我，所以我真係好驚自己一個走入莊房，我唔想對著一班暗地裹係度講我喱講我路ge人，所以我先搵左hugo預先同佢講前幾日發生ge事。
好啦，到到mega sale過完會，討論緊soc products ge時候，當剩番我地自己枝莊ge時候，我已經感覺到個氣氛好唔對路。去到我問Benton可唔可以另一另轉件hoody比我睇下正面，佢一件衫飛埋黎車落我塊面度，態度勁惡劣，其實當下我真係好想爆粗，我知佢擺到明對我好有意見，但都唔洗咁唔樣架，就算你覺得我再錯都好，可唔可以尊重下人有禮貌d，呢一下真係好侮辱。
當討論完soc products之後，突然之間我feel到氣氛凝重左好多，Benton一句「你講啦，王盈」我就知道佢接著落黎會講d咩。「Tommy，即係我地覺得，過左咁多次in con，我地都覺得你對下莊好似有d公私不分，所以就想聽下你點睇......」其實我心諗你真係唔係問緊我點睇，你都講得我地，即係你地全部人瞞住我私底下不停地不停地討論，之後再通知我話我而家公私不分，你地又真係覺得咁樣私下討論完再拎出黎話我知叫做「聽下我意見」你地個心入面唔係已經有左結論啦咩？
當我聽到果一句我真係忍唔住，我真係覺得一直以黎都忍夠，呢一年已經受夠，如果要我好似二月十四號咁樣再被人公審多一次，我真係做唔出。我聽完即刻同梁恩怡講，所有所有我聽左佢wtsapp錄音ge感受同睇法，我第一次亦都應該係最後一次指住一個莊員黎鬧，你已經唔再係我ge朋友，你同我真係只係果種so call叫莊員ge關係。你徹底摧毀左我地呢段友誼，我唔會再信你。
講完所有我要講ge野之後，我就咁拎袋走左，呢一切一切終於都完。
當我走左出去之後，得tika一個拉住我，本身我都冇期望過有任何人會走出黎叫我唔好走。
佢一路勸我唔好咁，一路幫梁恩恰辯護。出到VA，我真係忍唔住淚水，我一路講，一路喊，而家諗番真係好柒。但我冇停過，一路走，佢一路勸我，我真係忍唔住，好激動咁同佢解釋22nd ge野，同埋講左只係呢一年一部分我所經歷過ge野。佢只係覺得好對唔住我，不停咁講對唔住對唔住，好想我留番係度，好想我再比多次機會呢枝莊。但我只係想講，機會我唔係冇比，本來只係打算到到三月一號正式落莊先結束哂所有野，我提前放棄呢度，都係因為你地。機會，我一直比緊自己，比緊呢度，比緊你地，但最終換黎ge野原來係「我係大魔頭，精心摧毀下莊關係」，換黎咁樣ge信任，我真係連一日一小時一分鐘都唔想再留係呢度。
最終，我都係選擇左離開。
後來，Tika同梁恩怡都有send wtsapp比我想我留番係度，同我講對唔住。但，呢一年ge野，真係唔係一句對唔住就可以撇清。雖然我唔係好想提起，但Benton之後ig po果張相咩「唔好自以為是，世界唔係得你一個」可能只係我對號入座覺得係講緊我，但我想講我從來冇要求過你地以我為中心，為我去做d咩，我都唔敢去自以為是，因為根本最微不足道你地覺得最冇用果個係我，即使我自以為是又有咩用。睇完呢張相，再諗起tika叫我比多次機會呢度，我真係覺得唔值得，呢度已經唔值得我再去比多次機會。
雖然，我咁樣意氣用事係22nd未上莊之前就搞到咁，之後ge in con o con polling都會影響到佢地，但我ge忍受能力已經去到極限唔可以再擴大，我會盡可能唔影響佢地，我都唔想因為個人ge行動就累到其他人。
其實，唔再理之後真係好似少左d野，唔係太習慣，甚至可能會錯過將來好多好多野好似過莊飯、過莊camp咁。但係背負左呢個重擔咁耐，而家放低左、放棄左，真心覺得個人好似輕鬆左好多，感覺好舒服。
我，終於自由。
|
