今晚起身之後就去左番日本酒Promoter，一踩就踩左七個鐘。
唔知點解，最近又開始番我嘅每日一柒lol
先係對面個Promoter向我個方向走埋黎問今日收幾點我大大聲答8點，但原來佢係問緊個Security，成件事仲要比另外一個Promoter目擊到
再黎就係我為左roll番好個褲腳入左廁所坐係馬桶整嘅時候出番去發現隻腳不停有水滴落黎，原來係我圍裙條吊帶浸左落去廁所水度diuuuuuuuuuuu
其實所謂每日一柒，都可以叫做每日一樂嘅，至少同人分享番呢d事嘅時候可以帶比人歡笑，不過我就淪為笑柄T.T
番番下工收到電話叫我下禮拜二去interview，係長江個intern啊omg
不過佢話係group interview，仲要即場背稿，好勁緊張
但係如果in得成人工最少有$55/h，真係和味過和味濃，仲要我可以當埋intern咁做一舉兩得，所以希望見得成啦。
下禮拜真係好chur，星期一要interviewer training要走堂，星期二又有兩個interview，另一個係撰稿員，之後又番工又要做MS，真係不得了。
夜晚收工同吳梓進Mean去左食殺你啊，完。
今日食飯果陣聽到你地講起過莊飯
我突然之間個心揪左一下
但係我知道我唔應該有呢種感覺，其實都係時候要放低啦
不過當聽到你地係度講其他Fac嘅人嘅時候，而我又搭唔到嗲，問你果個人係乜誰嘅時候，你又好似要好煩咁交代果個人係邊個咁，果一刻我慢慢地開始感受到自己係一個outsider。
但我知道呢d都係遲早嘅事黎，冇理由叫你地下下care我嘅感受嘅。
不過當我聽到過莊飯嘅時候，我係度諗你究竟會唔會約同我食番一餐呢
但係我同一時間又理解到我唔應該有呢種諗法，因為如果我仲想食呢餐飯就代表左我未放得低
但同時又真係好想食喎，畢竟呢餐飯係象徵左你成功上到莊，好有意義，而且亦都係我見證著你走到呢一度
好彩食飯果陣我今次冇咩都鑿哂係個額頭度，如果唔係你又會以為我發癲
我諗我唯一可以做到嘅野就係祝福你呢餐飯食得開心D
我諗你應該冇諗過我會好想好想同你食呢一餐飯掛，你一路都係咁遲鈍
其實我諗就算我放低左都好，當我見到你地不斷係度講果個圈子嘅人同事而我搭唔上嘴嘅時候，我應該會覺得自己係一個OUTSIDER
呢個感覺至於會維持成年，唯有慢慢學下適應啦R.I.P |
