似乎去到我呢個年紀, 就要考慮結婚呢個問題, 因為我發覺近呢兩年呢個問題不停响我身邊飄黎飄去, 暫時未找到對手結婚的, 故然要揾返個對手黎探討呢個問題, 有對手的就決定要去開拓呢個問題, 咁我呢........ 我還想像以咁嘻嘻哈哈喎, 呢個問題好煩, 點想搞, 用幾多錢, 响邊度搞, 最重要係要自己比錢比人玩喎, 我仲未識認到呢個遊戲, 但最最最最最最最緊要既問題係我仲想逗利是喎????? 咁結果會係09定12呢???

不如大家投個票幫我做個決定呢????hahahahahaha!!!!!!!!!!!!!!!!!!

又係一d老身常談既問題, 其實好搞笑, 識我既都話我好主動好多野講好nice既人, 但都唔知點解响呢間公司就連一個朋友都無, 我諗我個人幾矛盾, 我需要群體生活, 但當我响一班人既時候, 又會有獨處既感覺, 或者呢個係性格主宰我既關係, 因為環境既問題我細個時都係一個响屋企, 而另我變成又怕羞又細膽既性格, 到大個咗就梗唔識主動走入人群, 但都總有一兩個知心好友又講又笑, 食食飯咁,但點解响呢好似好難做到呢樣咁呢?? 我應可以點做呀, 去定留, 但呢個會係決定性既問題咩???

由細到大我諗我都個富有幻想力既少女, 仲有係中咗電視毒既電視精, 點解因為可以比我有無限空間去諗現實以外既野, 最近就好鐘意電視劇內既男朋友, 點解??因為佢就係我杯茶, 有錢得黎又細心, 又主動又浪漫, 最重要係佢會比佢鐘意既人知又幾咁鐘佢, 你話唔好咩??感情就咁簡單同真接, 我直情同鴨表哥要求好似佢就好啦, 但佢唔明, 呢個答案唔意外, 但我竟然仲天真希望會有奇蹟發生, 我唔係想晒命, 有個對我咁好既人都唔滿足, 只係現實同幻想, 我都希望同保留响我身上, 咁我就會覺得我仲有d野係追求緊.

我發覺呢一年我心中滿計劃, 仲要係不停轉變既, 可能係一個由細到大既習慣, 反而我係唔識見步行步毎隻人, 所以往往出現一d意外既結果(當然係唔好個隻), 我就要不停咁問, 究竟我睇度做得唔好, 係唔係我各方面都比人差, 點解人人每次都負出努力就有成果, 但我就只得一次, 呢兩日當我收到個bad news之後, 我就不停咁問自己呢個問題, 咁我究竞係唔係要放棄呢??我係唔係根本都唔識合讀書, 咁如果唔讀書, 我有無機會再轉工呢?千千萬萬個問題出現响我個腦到, 我唔識答更唔想去諗, 有無可以教下我見步行步做點做呀?????

由布栢到訪至離開, 今天係我正正式式返工既第一天, 呢幾日不停咁盤算, 究竟我仲有d咩未做, 之後就計下究竟駛唔駛帶定個睡袋以備不時之需, 並於今天出師不利(竟然唔記得較鬧鐘, 而唔知醒), 心情梗大打節扣, 於一路懷住惡劣既心情返工, 返到去做第一樣野既時候, 已經遺極都遺唔到數, 之後用極速既手腳完成四-五樣工作, 終於可以安心咁去食個晏, 點解惡運未完, 連平時不需等位既茶餐廳, 竟然都要等位, 結果被迫去食d唔好食既蒸飯(因為我食剩一半, 就可想而之), 到晏晝要做兩份upload, 點知做第一份既時候, 就有好多既error, 係一d人為但不是有心既錯(呢d先最慘, 因為無得話人), 結果十分不满地從頭改過, 但終算好心有好報, 做第二份upload時, 順順利利半個鐘頭搞掂, 總算無驚無險, 又到1800~~~~~~收工!!!!!!

自轉工以後, 因地點, 返工時間等等問題, 都未能給多少回家, 但我就好好步處點様用錢, 並且將自己日常既開支費加大咗, 發覺無超支既情況, 仲可以餘錢儲起, 哈哈哈~~~~我暫時既理財計劃尚可尚可, 希望繼續好落去, 快D達到我既目標, YEAH~~~~~

因為蘇小姐同潘先生既關係, 我就決定去睇呢齣話劇, 但事前沒有太多留意呢齣話劇講咩, 大致又係打扙時既愛情故事掛, 因為唔知點解一早去到尖沙咀也幾乎遲到既關後, 我已經用我生平既快既速道跑上高座, 用幾乎無氣既方式坐回我既位置, 咁我想像中既情竟响劇場上出現, 大約十分鐘後因要招呼遲來既觀眾, 劇場又出現另一番竟象, 原來"暗戀"桃花園"係兩齣劇, 一喜一悲去帶一D感覺, 真攪鬼, 感覺唔錯呀, 雖然我没有好好細膩個中既感受, 但另到我好想了解返以往所以既"暗戀桃花園"又係咩一回事?

我時常跟人說, 每年雨季要放一, 兩天8號假先過得完滿, 很多年以後無故失而覆得既8號, 在我没有心理準備既情況底下, 竟然掛起, 真來得有d突然同驚訝, 因為呢個8號假我的心理準備係兩日前應該掛,也好满意咁完成我手上既工作, 等待第二天, 我可以好安心咁完成我的習作, 但它被"蝴蝶"打慢後的那天, 連我既運勢都被打一樣, 一天之要做一個星期要做既工作, 明明無打風點解無咁, 仲搞到我應該要返的第一堂FM, 也要放在一旁, 無暇兼顧.

到了今天, 因為有午餐時, 因為同事之男友告知, 又因"蝴蝶"既關係, 又被打返轉頭, 但我一抬既工作呀, 怛我也乖乖的放工並帶住因為做完家課同昨天因為上堂而更疲勞既身軀回家, 結果四點半到返到家裡蒙頭大睡. 真係謝天謝地啦~~~~~

怛後遺症係MON不知要不要帶定睡袋返工呢??????

某天, 友人話佢地報咗"GOLF"黎學, 我知道後我也有興趣喎, 但距離DEADLINE只有數天, 但我又唔知佢地報邊一班, 輾轉下我在估計下並在DEADLINE前一個鐘於ONLINE報了, 數天後, 我收到抽中既信, 於是打電話給友人, 但結果只有我一人抽中, 以前有電視上聽D港姐, 新秀話陪人黎參家, 但自己中咗, 呢D無聊既答案, 但係真係會發生自己身上, 但下次你地可唔可以係買六合彩, 咁我可以陪你地買嗎???

錢,我諗個個人都會煩, 又其係煩無錢用或唔夠用, 但我近十年除咗煩呢兩問題之外, 就係煩點解D"籠"清極都清唔完, 所以我用咗未年時間去研究呢個問題, 發覺得我得到兩個病, 一個係"貪新忙舊"同"貪得無厭", 呢兩個其實到宜家都會發作, 亦都係因為呢個原因, 搞到D"籠", 亦都因為呢D問題今到我同鴨表哥時常冷戰, 但到今日可以講漸睇署光, 但今年真係好難過, 亦因為咁就變得每一日一小吵, 每三日一大吵, 我真係好希望2007年快D完