之從响北京玩完, 同返咗黎香港病咗一個星期之後, 我又要做d人生的決擇啦, 因為病既其間我感受到我既能力有限, 我覺得自己無力响咁短時間之內咁, 我係無能咁温要温既書(呢個係官方既答案), 其實係因為我已經無晒信心去讀HKU Space既課程, 可能係我既能力問題, 又或者係我由始至終根本都唔想讀書啦, 所以至從我想轉去讀VTC個日開始我就唔想再去考試啦, 咁我就揾咗個好官方既理由去填滿我既心墟, 到現時為止我都係好迷茫, 我唔知我當初既決定係唔係正確, 但我只係知道既然已經行咗, 就要向住呢個方向行落去, 但願我可以睇清楚每一個機會, 好好地抓緊佢.

P.S. VTC係我下一個方向, 我會比心機完成佢, 取個BACHELOR返黎

之前同個FRIEND既計劃, 唔知會唔會實行到啦,因為我都好想試下自己創業

於本用初, 我就同自己講有兩個想......1.去食番餐壽司buffet同2.去迪士尼玩多一次, 咁我就好積極咁去訂入迪尼玩既飛, 仲好希望咁於十點開門就即刻入去玩, 咁當然結果就係因為昨晚太夜訓既同鴨表哥突然有夜班做而通頂既關係, 都係十一點解先入, 咁我地有上一次既經驗今次一入到黎就去咗d未玩過既玩先, 咁我都係帶住好開心既心情入去玩, 但最唔憤氣係於上一次玩"巴斯光年星際歴險"我有好好既作績, 但今次竟然輸咗比鴨表哥喎, 唔抵呀~~~~~

但我發覺今天雖然係星期日去, 但竟然比第一次去仲要鬆動, 其實迪士尼靠咩維生家, 算吧對我呢d唔啱刺激機動遊戲既人, 迪士尼真係好好玩, 但唔該快d整好第二期啦, 因為實再太細

另外今次只係同咗d怪誕節既迪人物影相, 但無有同mikey同minnie影想太可惜了, 但因為有睇煙花於臨走前見有有個"惡魔大本營"咁就入睇, 一入去就要排隊, 以為係d咩迷宫定係有人扮鬼嚇人, 點知係到只係"鐵鈎船長"影長, 連小飛倈都見唔到呀, 頂

早d出聲嗎~~~~~~~

等了四個月既無假日子, 終於等到放國慶日子, 加上不用上班的星期六, 有三天的假期, 三天假期過後, 到今天我好久無出現既"放假後候群症"又再出現, 但可能上天覺得我地好久無放過假了, 今天回到公司, 發現公司一個一個SYSTEM DOWN了, 因為我家公司既好MIS同事, 因為在放假這三天轉了SERVER, 我實在感謝這班同事了, 所以我又多了一天假期在公司禧喜, 呵...呵...呵...

在無聊時閒逛商, 有時也會有驚喜既發現, 因為等人既開係, 經過一間碟舖, 電視正在播BEYOND既91年演唱會, 其實响好早以前我已經好想擁有佢, 但我只有好小時看過LD碟, 但就沒有看過再出其他野, 於此看見梗係立即買了它, 好讓再回味家駒既風彩

早於前兩日, 家姐打問想唔想去美食節, 我真係打咗個突, 以我一家人既作風, 應該係唔鐘同人迫喎, 佢話帶同嗲哋同媽咪去見識下, (其實响唔知幾耐之前, 我同家姐都無諗法, 覺得要抽多d時間去陪兩老, 可能真係覺得佢地老咗好多, 要比多d時間佢地), 咁就知點解就由我去約佢, 咁咗一陣, 就決定於今天三點响灣仔地鐡站等出發去會展啦, 其實呢我媽咪一出街就係個d周圍睇野個d人, 所以一入到去就好快唔見咗佢, 咁我地唯有邊行邊揾啦, 今年我發覺比上年好, 雖然都係咁多人, 但起碼可以有活動既空間, 但好可惜, 因要"介"食, 睇到好多樣野我都無得試, 但我都好開心 (因我發現我開習慣無得食, 同我都幾享受可以同屋企人一齊既活動), 辛辛苦苦迫完, 戰利有(吵嗲, 台式腸, 餅乾同芝士蛋糕), 呢個活動就完結了,

之後我地去咗sogo, 因為家姐佢話有我想買既水鞋(係短桶個隻), 一埋到去就睇中咗對迷彩, 因為其他個d我都唔鐘意, 但事情往往就係咁, 佢只得加大碼 (天呀!!!我成身無一到地方都要買加大碼, 就係唯獨是對腳, 要中碼), 係唔係咁玩我呀, 咁點呀, 結果我諗出各樣既辦法, 最後都係買咗對加大碼, 係唔係好靚呀~~~~~~~~~

節食減肥無效另一出路

中大外科學系上消化道外科主任吳國偉昨在記者會上指，體重指數（BMI）超過三十，在醫學上已屬病態肥胖。肥胖醫學會數字顯示，本港三分之一男士及五分之一女士超重，百分之四（即十三萬）的男士BMI超過卅七，屬病態癡肥。吳指，根據亞太區治療肥胖指標，中國人BMI超過卅七、或BMI超過卅二及同時患糖尿病者，若節食及藥物無助減肥，皆可考慮手術減肥。

所謂手術減肥其實分三種，包括胃水球、束胃帶及迷你胃繞道，吳國偉解釋，迷你胃繞道手術是微創手術，做法是將胃部切細成香蕉形，以減少胃容量；再把小腸中段向上移，駁回已切細的胃部。換言之，食物會直接進入小腸中段，減低小腸營養吸收分量及時間。手術費約七至八萬元。

中大去年一月至今為五女兩男進行胃繞道手術，他們平均卅九歲，手術前平均體重二百七十七磅，手術一年半至兩年後平均減掉九十磅，即每人平均減掉三分之一體重。不過，減重的後遺症不容輕視，半數患者減重後皮膚過多及過分鬆弛，要以整形手術拉緊皮膚。

中大外科學系名譽臨床助理教授梅力文提醒癡肥一族，體重二百六十至四百磅是最宜做減肥手術，體重達二百五十磅、曾以節食及運動減肥無效者，也可以考慮手術減肥，若到了四百磅以上才進行，手術風險會大為提高。

呢個消息係我於星期五見到, 以上報導咁講, 咁我究竟叫唔叫癡肥呢????我媽咪都有同我講, 但只係係講咗一句, 我嗲哋都講啱我, 但我老豆話佢無錢叫我冧媽咪比錢我做, 但係她只係講一包喎, 但之後無講落去, 媽呀~~~~~~~點解你唔同follow up呀????

早於一個星期前已約好的buffet, 差點因為要"介食"而告吹, 但因為我自願投案同獻身食多一個星期餐單, 所以好安心咁去食buffet, 雖然因為食餐單中要食既粟米, 所以前晚半夜肚瀉, 好辛苦, 但好彩到第二朝, 除咗好眼訓, 其他都無咩大問題, 咁就懷住好愉快既心情去返工同等待夜晚既聚會, 咁去到黃金海岸, 因為早到既關係同未人齊, 所以就要等佢開始, 我其他同事就周圍睇下d野食既分佈, 咁我去取野食既時候, 好緊張呀, 因為好好似好耐都無乜點今過野啦, 但我發覺都好似無咩野食咁, 因為佢既熟食好少, 令盤有好多不知明既野(啫喱肉-點食呀, 又無我鐘意既火腿喎), 原來佢份配咗多响出邊既燒烤佢, 但要用籤去換, 唔同既野食, 就同唔同既籤去換, 咁大家就覺得好似好少咁, 所以就無諗往去換先, 咁大家就係咁係咁食大圍野先, 到差唔多半飽既時候, 先至去取野食, 嘩, 點解d海鮮不停咁黎呀, 好飽呀, 點食呀, 呢d咪叫眼濶肚窄law, 好浪費, 但大家都係攬住個肚咁走, 但出到去, 蒸爐呀, 點咁熱呀, 都未行到去車站, 都已經濕晒, 車呀車呀快d到啦~~~~~~~~~

其實我減唔到肥既最大原因, 就係我忍唔到口, 但無法啦, 我今次真係一定要減到, 所以少少既付出都在所不計, 原本已經要我忍口一個星期, 但就係我一時既唔記得, 約好了d同事星期四去食buffet, 但我就要忍口喎, 咁同個度d人講咗, 我唯有再食多一個星期啦, 天呀~~~~~天呀~~~~~~~~~~仲有十二日呀, 我既美食呀, 暫別啦

星期六, 其中一個環節就係剪頭髪, 其實自從留長咗頭髪之後, 咁我响呢方面花既錢同時間都好少, 咁我見得閒同已娙好熱, 咁只係剪了兩個月既頭髪, 又去搞掂佢啦, 咁去到髪型屋之後, 其實想揾番新年幫我剪個個女仔 (不過其實我唔認得佢), 咁咪話無揾開邊個啦 (平d呀), 佢已經不停問我駛唔駛染呀, 甩晒喎 (好煩呀, 無錢染咪唔揾你地做law), 只就求其揾個籍口啦, 佢就問我剪幾短呀, 我話紮到頭髮就得 (其實平時咁話, 最後都好似無剪咁), 但今次個個真係好聽話喎, 剪完真係變咗個普通知髪, 仲要係到膊頭個隻(撓到飛起個隻), 但又真係紮到頭髮, 唔怪之得佢係咁問係你唔係真係要紮到頭髮啦, 因為如果短會梗好law, 宜家好娘呀~~~~~

咁諗住去到星期日自己做色啦, 咁見好耐之前買咗一盒未用, 咁咪用law, 但發現一包响city super買既紫色未用喎, 咁就試啦, 仲要係由阿媽親自操刀, 幫我搞(得唔得呀, 佢幫老豆唔係好得之喎), 但都孤且一試啦, 佢一路我自係感覺得到佢不停塗面個浸 (大佬, 個包野只係得好少呀), 老媽子就不停就係咁話唔夠喎, 結用晒啦, 仲有一半既髪角未上色, 仲要不停咁話有多包實夠 (車, 我夠知啦, 一早你就應慳d用啦), 咁只講就梗係話ok啦, 但個心就諗, 但頭頂咁深色, 但髪角就係原先既啡色, 但點知洗完個頭, 喂我d紫色呢, 去咗邊呀, 又無搞錯, 比人呃咗$20呀, 回水.

不過都好彩, 無一撻撻, 係個頭梗加似"禾稈草"之嗎, 下個星期再黎過

由今日開始, 一連七天要食減肥餐, 大家知唔知我點解一路都減唔到肥呀, 係因為我貪食啦, 唔係我要食好多野喎, 係我係個d你越唔比我, 我就越想食個d人呀, 但今次一見個餐單, 嘩, 得好少野食呀, 點算呀, 實餓死呀, 像今天, 食完個d野, 未到三點我就肚餓呀, 點算呀, 點過呀呢七日, 但好彩只係七日呀, 第八日你等我呀, 好就快黎到啦~~~~~