其實原响上個星期已經安排好, 一考完試星期六一定要出去玩呀, 因為"餓"好耐啦, 咁就梗係叫"鴨表哥"請定假陪我玩啦, 仲事前講過比佢聽我有好多地方要去呀......(九展-select house, trendyland - 荔枝角開倉, 旺角教栛, 剪頭髮, 去pccw買電話啦等等), 咁就梗係叫"鴨表哥"有咁早得咁早黎呀(佢等好過我等佢嗎), 咁佢黎到已經九點, 咁我就梗係要賴賴床先啦, 呢個係每個放假日既習慣, 不過都係好過份份十五分鐘就起身(因為真係人有三急, 咁無奈地起身), 之後"鴨表哥"買早餐返黎食(其實原先想出去一齊食家), 咁總之就係十一, 二點先出門口啦, 其間就梗係無去到好多地方啦 (其實我都估到啦, 因為理想同現實好多時係相反家), 但都好開心我可以好高興咁買野, 唔駛下下計住無錢駛, 咁當然啦, 咁樣駛完之後咪無錢駛law, 仲有就係我再一次証實, 我係令願買野都唔食野呀, 因為我至從食完早餐之後就無食過野啦, 但係到我行完街先識肚餓, 但我又約咗屋企人食飯, 咁就令到我食晚飯先有得食野, 好慘呀~~~

但最唔開心就梗係原本諗住係去睇戲, 但"鴨表哥"佢無賴賴話要同人傾野喎, (車, 都唔明點解d男人咁多野傾, 傾黎傾去都傾唔晒既), 但最後梗係放佢去傾野la, 咁返到屋企到十一點零鐘喎, 咁就梗係打去比"鴨表哥", 但佢話有排傾喎, 咁到十二點佢都未打黎, 但係我真係好肚餓喎, 咁就send 咗幾個message比佢, 但都無反應喎, 咁咪再打過去啦, 佢熄咗機呀, 慘啦, 無得食啦, 因為我由明天起要食餐單一個星期呀, 好肚餓呀好肚餓呀~~~~~~~~

今日又係去做減肥既日子, 但係由之前好有信心可以減到因為要準備考試而要未能按時去做減肥, 其實初初我都好有衡心去忍住唔食零食, 但都無乜成果 (其實個身形都感覺到無以前咁腫, 但就無輕到), 之後個個知我減肥既人都不停咁問我 - 點呀?有無成果呀?個時心都實晒, 我都想有成績, 柰何以我咁既身形, 無減返咁上下磅數都睇唔到有成効, 但宜家真係無咩効果喎, 點算呀, 我投資咁咁多錢唔係又係得個吉呀, 好down呀, help~~~~~~~

好啦!!好啦!!終於考試啦!!(但大家唔好以為我考好多科呀, 其實我只係考一科), 但就算係一科我都用咗好多心機同努力呀, 因為個過程係好似完全無上過堂一樣, 由頭温落尾, 由於上個term既失敗, 另到我今次既壓力好大, 因為今次係為咗信心同前途既問題, 到最後我梗加放了我最唔想放既大假兩日(因為已經無啦, 我仲要去旅行呀), 好彩都叫做温晒, 但响我去考試前我取了以往既pass paper去參考, 但係唔睇真係好過睇啦, 因為竟然無一條識做呀, 我真係好想喊呀, 點解??點解呀???我用咗咁多時間, 點解都話比我知唔得, 但我都收起心情响我緊有既時間去揾返d題目應該用咩式, 考試啦, 好緊張, 但一打開份卷, 嘩, 無想像咁難喎, 我仲要响times up 前九個字做完交卷 (咁耐我都未試, 仲要唔係唔識, 因為真係做完呀), 雖然我都好懷疑我做既係唔係啱, 但我都覺得對得住自己, 起碼有花過心機比過時間呀去完温好佢, 得唔得??天知~~ 但我都希望各方好友比d力量我, 經常幫我諗住--"小草一定合格", 多謝!!

後記:

咁辛苦, 終於可以放暑假一個月咁多啦, 我要去玩, 我要去玩呀~~~~~~~

距離08/09/2006只有一個星期多d, 原先想有過去了的星期六, 日好好咁温完ch1-5, 咁我可以多點時間去温之後既chepter, 但因為中了"家中温書後群"呢個後遺症, 所以進度係只有温緊ch2, 死啦, 咁點算呀, 唔知疆屍中既奇蹟會唔會發生响我身呢, 天知道~!~各方好友請賜我力量呀

除咗温書之外呀, 我仲有第二樣進度都係唔理想呀, 就係"減肥", 雖然係二十六年來都無乜進度, 但今次我都係有比心機去減呀, 因為我都好想去影一輯好靚既婚紗相呀, 但點知都減咗差唔多成個月, 但我既磅數都無乜點減到, 個身形好似無以前咁腫但都係無乜點瘦到, 咁點算呀, 我d腸胃都唔係咁好, 我已經成日都肚瀉啦, 但點解一d都無瘦到呀, 究竟我可以點做, 瘦神呀~~~~~救救我呀~~~~~~~~

嘩, 其待以久啦, 軟硬LONG TIME NO SEE演唱會呀, 雖然之前有D驚險, 因為家姐出TRIP呀, 我幾驚要兩個人坐四個位呀, 不過最後都係有驚無險, 出讓成功, 其實買軟硬之前我係諗佢成個形式好似林海峰個TALK SHOW咁家, 但最近我成日聽電台 (梗係啦, 阿來D碟好鬼OUT呀, 我唔想成日都聽"風箏與風"), 發覺個SHOW係一個演唱會呀, OH~~~~咁我係唔係要煲碟呢, 唔係點做FANS咁揮營光栙呀, 但最後我都係放棄呢個念頭, 到咗開SHOW時, 好緊張呀, 去到個位, 嘩~~~~我重來未試過係咁近家, 我竟然咁近個台喎, 好興奮呀, 但點知一開SHOW, 原大部份既時間都係背住我地唱歌, 但都唔緊要呀, 最重要係, 我聽唔到佢地唱乜呀, 咁點算呀, 又聽唔到, 又唔識唱, 响到運吉咩??? 不過無幾耐佢地竟然握手位先喎, 嘩, 阿葛呀响我前面喎, 掂呀, 個MOOD又返返黎啦, 之後就係咁越黎越HIGH咁睇完個演唱會 (但其實中間我都有D唔係好認識, 因為當我係無聽過佢地做電台, 到我聽時佢地已經差不多離開電台啦), 但整個演唱會都比咗D機會我係REVIEW我的以往呀, 好回味, 有D回頭已是百年身既感覺, 到後期HIGHT到不斷起身並揮動個對"BOW BOW STICK", 勁正, 到最後我仲不斷睇表, 好希望不要這麼快完, 但事與願違, 好似作一個回憶既總結咁, 要寫上句號, 我帶住不安同失落既心情離開, 好唔拾得, 唔通又要等十二年呀, 所以我決定明天去問下有無飛賣呀.............

最後梗係無啦, 快D出DVD啦, 快D呀

其實呢個blog我曾經諗過係每日之自家日記, 但响唔知邊一日發現以經將佢放埋一邊, 但又唔知邊一日好想有d路既朋友可以看到我既留言 (其實係一個緣份游戲), 清楚我一d (其實因為我都幾自我中心) , 但發現其實未寫時會好像一個小說家, 靈感澎湃, 但一黎到就好似一個老人家咁, 不停重覆又重覆 (慘啦!!!!又証明自己年紀大了又一例証), 好啦分享下今個星期既經歷:-

星期一07/03/2006

整日都好似平常一樣工作啦, 到晚上就去做減肥, 今日係第二次, 但覺得自己好似好懶咁 (因為我想好好咁温mid term, 所以上個星期四個堂取消咗), 因為我好似無完全跟足個療程食法 (大家都知, 如果我係一個咁忍到口既人, 我就一早減咗肥啦), 咁做完消脂咁就去磅重, 哎呀~~無輕到呀, 點算呀, d錢化為烏有啦~~~

星期二07/04/2006

今天晚上我要上account higher, 其實我都好想好似做到放工時就放工, 但唔知係唔係因為以前做merch時慣咗慢慢做, 所以唔可以準時1730就走, 結果要同事等到我1740先走得, 唔得我都係要學習準時收工之習慣, 既往就如常返學啦, 其實我既口袋裡其實都有一個麵包, 但硬係鐘意買外邊d野食, 結果咪買咗$5米需米卷同檸檬茶, 跟往好似平時無乜心機上堂(好擔心考試時會唔會識答呀)咁放學時阿來黎接我, 我先食打底餐又去食飯, 其實我唔應該咁, 但我真係忍唔到口呀, 肥死~~~~~

星期三07/05/2006

因為明天約同事去唱k, 所以就改book今天做減肥, 其實今日真係好累呀, 因為昨晚唔知做咗d乜跟就睇埋"心慌•心郁•逐個捉", 其實真係唔係咁好睇, 但我份就係咁睇開咪睇埋先啦, 所以今日拖住累累的身軀去減肥, 但今日仲要學跳舞, 嘩, 又要証明自己隻手同腳唔係咁friend, 因為唔可以一齊完成3個step既動作, 慘啦, 其實我係唔係真係會識跳既, 之後做療程, 今日話做瘦身膏, 整過過程好奇怪, 因為先做背部先後做前面, 咁呢隻膏係塗完後會有熱既感覺, 咁做前面時個背脊好熱, 但當包好前面個背脊就好涷但前面熱, 無幾耐連前面就涷, 但我又好累喎, 所以都係訓咗, 醒時完來已經有人入黎幫我拆野.好好訓呀~~~~~~~

星期四07/06/2006

同同事去唱k, 所以1730前已經準備好要走啦, 佢地話去食魚蛋同魷魚鬚, 嘩, 我唔食得呀, 但美食在前點抵擋呀, 結果, hehehehehe~~去到k房我見無人點歌咪我黎, 點知真係無其他唱喎, 搞到我好似"咪霸"咁, 之後有野食我仍然响樹唱歌, 但其他人就出去取既食, 結果成晚我都無出去幫過手, 唉, 我係唔係咁唔識大體呀, 成個公主咁要人服待, 好唔啱呀!!

仲有呀, 成晚我有個同事都比人玩, 要佢昐呢樣昐個樣, 其實佢平時都好玩得, 但我覺得今日其他同事要佢唱卿卿d歌昐"姣", 其他人好開心呀, 但呢個同事唱到一半, 就用d少少唔高興既聲話夠啦, 其實我覺得佢唔係好開心, 但好快佢就話呢首歌唔好唱第二首, 好似無事咁, 其實我覺得咁玩都唔好玩,我只係覺得逼緊其他做d佢唔想做既野, 所以我就一d都無笑過.

星期五07/07/2006

於星期五數到了stat既mid term result, 個成績好唔理想, 我真係好懷疑我係唔係真係啱再去讀呢一個course, 咁我點算好呀, 好在剛好坐在我身邊的classmate, 大家有感而發咁去講考mid term時大家都有個問題就有响解題上, 佢都叫我比d心機同信心, 唔好為咗一連串成績唔理想既而放棄, 其實我都唔想係咁, 但我越黎越覺得好似唔知為乜咁, 好煩呀, 點解我係一個咁心散咁人呀, 個集中力咁低呀, 咁點算呀, 我唔想個course讀一世呀, help!!!!help!!!!

終於可以放假啦, 訓到十一點幾, 去身睇"101次求婚", 跟住阿來送飯, 跟跳舞30min, 累死啦 (但實際都無做到30min), 之後諗往沖涼, 時間剛剛好可以出門口, 但唔知做過d乜沖完涼之後, 竟然已經1620啦, 死啦我1730要到觀塘, 咁我要用9秒9去完成未完既野, 之後就出門口, 到車站己經1645, 點算呀, 跟就同money傾電話, 都唔知pccw係咩台呀, 斷吓斷吓, 咁熱氣就唔好比人用啦, 其間仲知道葉生會去日本做野, 好羡慕呀, 幾時先輪到我呀~~~~

其實我一直都好鐘意呢d生活, 放假時無乜野做, 懶懶閒咁又過了一日, 其實好似好浪費生命咁, 但係人唔係應該咁咩, 其實我都唔知點解d人成日都好似好趕頭趕命咁, 有時悠悠閒, 我覺得真係幾舒服呀, 但諗真d我只係廿幾歲人, 又會唔會係懶咗d, 但我又好响受退休既生活呀, 咁我可以多d時間做其他野, 但最緊要係唔駛為錢而煩先啦, 係唔係, 不過我既pertner同我講佢會養我一世, 等我可以做番自己想做既野, 其實我信呀, 但世事又係唔係咁理想呢~~~天知??

比番自己休息一日啦, 唔想諗工作同讀書考試呀~~~~~~~~~

今日心情真係好矛盾, 唔知係呀一次過睇咗三本愛情小說關係啦, 個人變得好感性, 所以情緒起伏得好緊要, 差不多成個月啦, 由初初滿腔熱誠既肦望, 滿心歡喜去其待如何去創業, 到現在真係唔知自己做緊咩呀, 好希望好好咁守住自己可以所擁有既創業心, 因為我唔知再次去投入一份新工作之後, 我下次可唔可以再有膽量再行多一次, 到可能已經三十歲啦, 要去人生另一個階段, 所以呢一刻我要再一次提醒自己, 唔得要好好地去守住我最離開impact21既想法, 去創業, 去讀書, 去轉行, 但要首先要揾返份part time先, 再由今日開始再闖過, 呢個係對自己人生作一個正確而又係自己第一次決定要行既路, 我一要好好咁行落去

今日真係好悶呀, 其實我自己都唔知想點, 個感覺好不安, 好擔心自己以後會點, 我成日諗其實我短期內都唔係好想做野(甚至可以既話一路都唔想做野), 但又發覺唔知係唔係真係有錢駛喎, 呢樣野一路都令好矛盾, 所以成日都好希望阿來個間公司搞得成, 咁就可以滿足我唔駛做既慾望, 但一路我都知道佢為搞呢間公司都已經好煩, 但我為咗滿足我既慾望係咁逼佢, 我覺得自己好差呀, 但點好, 我決定離開同所有人都講咗好多好多好靚既籍口, 但我知我只係唔想面宜家既事, 點算好呀, 時間一日一日咁過去, 初頭以為好美好既日子, 點知越近就越擔心, 咁我係唔係可以好自私咁唔駛做野啦, 定好要好似以前咁不停係咁揾工, 揾到到最後都要做番AM呢, 未來真係一遍迷網呀

今日又係每星期一度既返學日, 我覺得我d英文越黎越差啦, 我覺得我跟唔上之進度, 其實當初我都好擔心會有咁既情況, 但事實証明都係咁, 唔得我一定要努力呀, 唔係就浪費咗$5300, 但我就覺得我要再報多一個梗基初既course, 如果唔係就會好浪費啦.

今已經係倒數日子之最後12日啦, 好其待呀, 但都好擔心呀, 話晒之後條路點行係一個未知之數, 但我覺得明天會更好呀