前幾日終炒咗老細魷魚, 之前我一路諗, 阿姐,會唔會留我呀?其實自問既要求唔唔係好高, 我只係要返市場要求, 如果阿姐肯, 我實留底呀, 結果唔係無留, 只係講一d我唔係歡喜, 甚至有d睇唔起既說話, 叫我响宜家呢間公司爭取表現, 爭取表現, 車~~~~我梗係計過呢度無機會先走啦, 事後同某d同事做左過賽後檢討, 答案係睇到d聽咗會好唔開心既答案, 最後就係覺得, 呢間公司寧願再請過一個可能人工高過我既人, 都唔肯取我人工留我, 仲諗黎做乜呀?

之前放棄咗份工, 希望快d再黎多份好既, 個天係鐘意既~~~~

其實唔知幾時開始, 我發覺得我既想要既野, 只要求其有一年/樣到我手, 就會陸續再擁有或見到, 呢個情況我稱之為"擁有物件重複征後群", 我之前以為呢d只會發生响我想想既物件身上, 原來最近連"驗身"都係咁喎, 幾個月前我驚身體有d毛病, 咁我就揾咁間價錢相宜既化驗室去檢驗, 但因一d事故, 延遲咗驗既同我分別收到銀行同保險包既驗身, 頂!早d通知咩, 唔駛我比錢嗎, 我為咗完成呢三項便命, 我決定一個月內完成佢.

今日係最後一次既驗身, 呢個女醫生以前未見過, 為咗可以完成呢個最後既使命, 我要响驗身前6個鐘內唔食得野, 結果我梗係無食到午餐 (但之前食咗麵包), 人就係咁衰啦越會得食就越肚餓, 好彩早到咗診所, 仲要係無人喎, 好野!今次呢個醫生好好呀, 好斯文, 年紀又唔大, 我估30幾數啦, 佢同我每一項檢查都好温柔, 就連抽血, 都温柔過人, 佢仲要好彩到不需要花太多時間就揾到條血管, 仲要可以抽到 (我最紀錄係要抽4針, 仲要最後係抽手背---最痛位), 4個字, 只要4個字就搞掂啦, hahaha~~~~~

自從踏入07年, 我心裡有團火咁, 覺得好多野都有新開始, 新想法, 但其實好多野都又好似無咩分別呀

- 新course, 又未有消息喎, 唔知收唔收

- 3988, 1398 向下, 踏沉船

- 家姐又未揾到, 究竟決唔決定好呀

- 又話有大生意傾, 傾黎傾去都係傾, 咁幾時成呀

結果千百個問號响個頭上面

**今日又係無聊既一日, 又唔係話好忙, 但又唔係無野做, 悶悶咁, 想做d新野呀, 好悶呀~~~~~~~~

Yeah~~今天阿姐上咗大陸, 又到一星期一度既無王管日子, 我真係要加許下自己啦, 至從踏入2007之後, 我既工作效率好似高咗好多 (可能因為想走掛), 工作速度倍增呀, 總之今日就做咗好多野之餘, 仲可以準時收工呀, 哈哈!覺得自己好叻呀

今日約咗"錢錢"同佢d同事試吓$88facial, 我地間咗兩個做, 好其待呀, 個度好大好靚好舒服, 服侍週度, 仲有d花茶飲呀, 咁一口氣飲咗一小杯, 跟住去做facial, 嘩 - "妹妹" 隻手駛唔駛咁涷呀, 冰一樣, 做按摩又大力喎, 但因為太累啦, 咁都訓到一陣喎, 但突然訓醒, 人有三急呀, 但佢好似用機同我做緊, 唔走得呀, 我忍~~~~~~~, 妹妹又同我塗咗d咩, 仲叫我休息, 你仲要出去呀, 好急好急好急, 我好唔好棄被而途呀, 佢返黎啦, 我一枝箭咁衝入厠所, 成為咗最尷尬既一欸療程, 但佢地手勢就無下次呀

仲有呀, 我今日做咗個新嘗試, 有風險, 好師奶, 好婆仔, 希望有成績

我一定要話下d頒獎禮同電視台呀, 明知第二朝我地上班一族要返工,一係早d開始個頒獎禮(我記得好多年前係試過呀), 咁電視台又咁遲先轉播喎,咁我地睇好定唔睇好呀,結果睇完已經係淩晨2點鐘

今朝起身, 好似成個星期未訓過咁, wing wing 地, 好想唔返 (呢個係自返工後每朝必想既諗法), 咁我唯有用我自以為會止眼訓既方法 ----- 未刷牙前飲杯暖暖既熱水, 咁成個就精神晒一陣啦, 訓吓撞吓咁就返到公司, 之前一路諗我星期六我返咗工, 今天應該無咩做, 但做吓做吓, 點解d野好似做唔完咁既, 但都係慢慢做 (其實咁都好, 我比較喜歡充實既一天), 到現在都係心大心細, 想走係因為錢, 唔想走係因為人, 好矛盾, 到最後都差不多完成晒手頭上既工作, 好收工.

約了鴨表哥食飯, 因為唔知食乜有d爭吵 (慣啦, 成日都係咁), 會終之最後得益梗係我啦, 有人津貼我買個筆袋, he!he!有人餳真開心

2007年1月1日, 每年既呢一日,我們會家人都會去長洲拜神,呢個習慣其實唔知由邊年開,還記得早幾年總是懶有床上或與朋友仔們玩到通宵沒有出席呢個聚會,由於出席紀錄不良好,我的家人已一早約好時間,咁我梗係為咗keep番好我既record,今天我一早已起身去迎接呢個聚會,其實今年心態有d唔同,因為06年屋企有好大既轉變,呢個變雖然暫時唔係好影响日常生活,但心中突然多了一份使命感, 好想好想家人過得好d, 起碼不需要擔心屋企的日常生活費用,加上呢幾年我發覺嗲哋媽咪老咗好多,行响佢地後面,令我想起中學時代讀 - 朱自淸既 "背影" (好老套呀,但真係有呢個感覺),我屋企人同鴨表哥係呢個世界上我最愛既人,我要由今年開始努力揾錢,令佢地唔駛擔心生活,同我要再好好分配我既時間,再安排多d時間陪佢地.

中午, 食早餐時, 唔知同媽咪講開d咩, 佢話我:諗住我可以宜家買樓, 搬出去, 咁屋企咪多d地方law. 同時問响談話中比佢話到我體無完膚, "點解做咗成十年野都儲唔到錢", "你慳d咪儲到錢買到樓, 我都係咁咁慳返黎家, 唔係邊有你住緊呢間樓呀", "我唔係咁慳, 邊可以應付屋企費呀, 你地又無比家用", "你睇我呀, 邊有你買咁多野, 我一年都無乜點買野呀", 仲有好好多, 都不能盡錄, 但係呢d說話都一吓一吓咁砍入我心, 好痛! 係因為我無諗到我媽係咁樣睇低我, 其實我係好大駛既人, 亦因為咁我欠落好多錢, 要慢慢好努力咁還, 因為呢d係我種落既因, 咁我就要擔起呢個惡果, 我就知自己既無能, 我好努力咁去改變我自己, 去增值, 去減少開支, 去儲錢, 但係呢d唔係話你去變, 就有機會?? 買樓我想, 比多錢屋企我梗想, 我梗希望你地生活可以好d, 但點解你地唔去欣賞下我既改變, 我既努力? 係唔係你要我呢一摋出去, 好好咁買一層樓, 就係你既好女兒??

P.S.因為呢件事, 我無辦集中精神温書, 希望寫咗出黎, 可以幫我宣洩咗佢啦.........

黃昏, 温書温得悶悶地時, 開了個電影台睇, 做緊"早熟", 其實電影上時, 我係睇過, 但今日都好有興趣再睇, 睇到當中某D情節時, 都係忍唔住喊咗出黎, 我係一個好感性同好易喊易笑既人, 所以我好易對一D事或電影橋段有共鳴, 其實有D野我有經歷過 (當然係大個D啦同無咁大獲), 但我就無佢地咁有勇氣去面對, 去行番自己選擇自己既方向, 而我還時乖乖地回到家中, 响父母撒嬌, 要他們保護, 但最近家中有D事, 我覺得我係時候要保護我既父母, 但我要點做呢???我要好好咁諗呢個問題

好多謝一路保護我, 照顧我, 鍚我既父母, 家姐, 朋友同呢幾年都响陪我既鴨表哥, 我想我係大個了

以我的温書進度表, 今天應該很忙, 因為拖了兩個月也未温的higher應該要不眠不休地做pass paper, 當然啦, 以前都有做過下啦, 但係以我呢d懶懶既性格, he...he...he....

橋到船頭自然直, 呢句說話, 唔知响幾時做咗我既座右銘, 可能好阿Q, 但係我成都响我最驚, 最不知所措既時候就諗起呢句說話, 咁樣我就會好快咁去到最後階段同結果, 但個結果係好係壞, 我會氶受個結果, 因為最清自己做咗附出咗幾多既人係我自己.

但响呢個應繁忙既星期六, 我就試咗新買既HDD, 哈, 竟然比我發現我較錯時間喎, 錄多咗野呀, 突然之間可以睇番我無諗住睇到既野喎, 好野

最重要係我可以睇到個新節目, 我係一個好鐘意睇訪問節目既人, 因為有時睇呢D節可以啓發到一D你以前唔會諗既覺到, 宜呢個節目令我想好好咁諗下未來既路向, 同態度, 突然好有REFESH既感覺.

P.S. 我同自己誠諾, 明天唔上網, 要温好PASS PAPER應付考試

隨著時間既迫近, 我不得不拿起已放低了數月既LCCI HIGHER既資料同PASS PAPER, 首先真係多謝各方好友贈予既NOTE同PASS PAPER, 但我對住佢真有好不知所措呀, 咁我就好理想咁上網揾下有無好心人POST貼題心得同2006年頭兩個SERIES 既題目(因手上真無呢個資料), 但係點解呀, 乜宜家無人考HIGHER咩? 點解我揾到既都係INTER既貼題同題目呀, 簡宜就係千噸大石壓咗落黎, 但我無放棄, 我繼續揾, 其間梗係睇咗一年一度既盛事啦"萬千星煇賀台慶"啦, 到最後...嗚...嗚...嗚....

咁梗係死死地氣咁做PASS PAPER啦, 希望可以温得切啦, 合格就得啦

唔知星期二可唔可以同上次個英文同學傾吓呢, 佢上星期話佢貼D題目喎