| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2008 年 6 月 8 日 星期日  |
| 練舞 |
分類: 未分類 |
練舞本應係好正經的事。
haha,但係某日去天水圍體育館的排舞室竟然....
先唔講被某人昆左著運動衫.....
話說,練練下,見到空中有粒黑色的懸浮粒子,
於是就同張同學講,
佢見到粒野之後就伸手捉住左佢,
一兩秒之後佢笑住驚驚地咁樣fing開左粒野,
咁我米問佢做咩野,
佢話...粒野識郁,
我行埋去睇,原來係隻蜘蛛,hahahahaha!!!!!!!!
之後佢就話最衰都係我,
唔係我話粒野係懸浮粒子,
佢都唔會捉住佢。
haha,恭喜佢,
呢次應該係佢平生第一次同最後一次用手捉住隻蜘蜘,
勇氣十足!在下佩服佩服!我就唔敢啦.....
真係笑死我囉!
呢篇就咁短先啦......
雖然我都唔想.......
咁啦,講多幾句......
今日無啦啦唸番起就決定要打上黎,
打上黎之前同蛋仔同呀sir講左,
haha,佢地都覺得好笑....
現場直擊盡正!
對不起,你已成我們的笑柄。
|
| 2008 年 6 月 2 日 星期一 |
| 良伴 |
分類: 未分類 |
三年多前,我們遇上了。
那時我很稚氣,
因此才認識了你們.......
在RO的日子裡,
我都經常是跟你們聊天,
我就只有你們這群朋友,
但...已經很足夠。
後來,因為月費很貴,加上帳號被盜,
最後轉玩了私服。
我們很少在私服一起玩,
後來,我的私服竟看到了你們的蹤影,
你們來玩了,
還打算叫我一起來玩.....
我沒打算告訴你們其實這就是我的私服....
然而,都說了我認識的都是你們這一群,
在你們朋友的女兒口中得知了真相,
當初我也不承認,
但你們最後也認定了真個真相。
後來我關了它,
慢慢的真正離開了RO,
還好我們還有即時通。
再後來...我不再用即時通,
改用MSN,
整年幾乎也沒有跟你們聯絡,
直至MSN可以加即時通的帳戶,
我們才聊了一兩次。
上陣了,
我跟綠水靈聊了一會兒,
她一如以往聊到十點十一點就去洗澡睡覺,
我們就這樣說掰掰了。
這次是我們最後的聊天...最後的掰掰。
你是我最愛最愛聊天的對象,
不知怎樣,
跟你聊天總是輕輕鬆鬆的,
我感受到你們的關懷,你們的好。
遇上了你們,是我的榮幸,
年齡不是我們的障礙,
因為你們善於與不同年紀的人說話,
簡單來說,很遷就得人。
在你們身上,我得到了很多,
我不曾有過沒有聯絡過一整年還有這種親切感覺的朋友,
你們從沒有忘記我,
我也是。
很感動,當我從前再上即時通,
看到你們就算可能我不會看到,
只要有機會,
你們都會留言給我。
你們當中是幸福的一家人,
我一直覺得你們是好爸爸好媽媽,
好哥哥好姐姐,
曾經很想很想去找你們住幾天,
我還記得,
會長說過,
暑假我來的話,
他包我食宿。
我那陣子真的很想去,
然而,真正認識你們的不是我,
而是那個叫Kay王的小男孩。
沒想過........今天........
會長突然對我說:「K子 別悲 我告訴你一件事 先控制好情緒 好嗎」等類似的話,
對不起...真正的字句我已記不起了......
本來我不怎為意,
後來認真的讀了一次,
突然想到...不會是那個讓人傷痛的事吧........
我回了:「好...」
誰知,當你的下一句出現在視窗裡,
會是.....「綠水靈 自殺 往生了」......
我呆了.....我從沒想過風之飄姐姐會做這種傻事,
一向我都覺得他們生活很好,
原因...我沒問下去,
畢竟只會勾起更多傷痛.......
我差點不相信這事實,
可是,我知道,會長從沒有騙過我......
我不知道該跟他說些什麼,
跟他說了一會兒,
他說心太酸,下次再跟我聊.....
我明白...這是很難讓人接受的......
二十年的夫妻..感情的深厚,
這次的痛,旁人是沒法了解....
只能給他安慰的話,
我也知道,我說的他一定早都知道。
他跟我說,星期天是告別式,他不知道要怎樣承受。
再經歷多的人,也難以一下子接受這種離別.....
我記得,幼稚的我曾為風之飄姐作過詩,
一切一切,我都沒有忘記。
你和會長他們都活在我的生命中,
你們陪我過左最後的童年.......
會長、你們的孩子,好好的生活下去,
水靈也留下了話,想你們輕鬆的生活,
希望你們好好的活下去。
水靈姐,一路走好。
對不起,這是多突然的消息.... |
| 2008 年 5 月 25 日 星期日 |
| 賣米 |
分類: 未分類 |
今日.....都講到明賣米就緊係去左賣米啦,
特登出到去旺角東度賣樂施米。
今日早左出門,
但巴士仍然好「巴差」咁好遲先到,
我足足等左25分鐘......
就係咁搞到我成個朝早都好趕,
一日遲到左三次,正式應該四次......
首先11點約左人交收poster,
搞到要打去講家要遲兩個字度,
之後再打去約左11點20分交收個菇徒講要達半先到。
之後11點11分先去到美孚西鐵,
會合佢就搞到11點18分先去搭地鐵,
真係有d失望....張野原來係細版....我頓時覺得好貴......
之後搭半過d好似32分先去到旺角地鐵站,
搵個菇徒同等俾佢搵到就搞到11點4x分,
期間約左一齊去賣米11點30分係旺角地鐵等的菇徒打左黎兩次,
但因為我盡同交收個菇徒講緊就無聽到電話,
交收期間發現個電話就無電,
哇...幾驚過多陣唔夠電打俾一齊賣米個菇徒.....
真係超驚,一來我自己唔識行過去賣米地點,
二來咁搞法佢搵唔到我我又搵唔到佢.....
好彩最後都成功會合左,
一齊行去賣米地點,
部電話就唔知係幾時無電.......
無電前我都有抄低到要過數個n.o,
因為上次就係因為無電所以唔知個n.o過唔到數.......
兜兜轉轉去到點名.......
原來我同個菇徒係尾四五個到既....
果陣都過左11點45分的到達時間..........
之後我地識的另一個菇徒無耐就黎,
之後我地又係識的另一個菇徒都黎埋,
我地四個互相認識的菇徒係最遲黎果班人之中,
好搞野.........
之後出番去我地上一班賣米的地方,
填名、電話、地址,
放低哂d袋去藍白間條的大袋入面....
攞細籌款箱同樂施米,
之後開始去賣米,
十個有九個拎頭耍手兼避走,
再衰d的扮聾扮啞扮盲走,
最賤的惡眉惡相怒睥狗。
另外聽到勁多次買左啦或者捐左錢啦.........
搞野的盡有,就係見到你閃開兜路跑住走。
講左勁多次「先生/小姐買包樂施米丫!」
其次「多謝!多謝!多謝哂!」
其三「支持四川地震災民架!」
講真唔係幾愉快,不過係有意義既....
成日補左4轉度的米,
每次都十包或以上,
即係應該都賣左五十幾六十幾包。
我同一個菇徒一組賣,
最多有人捐$100,
盡要幾十個先得一兩個,
但另外果兩個菇徒竟然收到三次$500,
點解咁架.........唉.............
期間有兩個人都問我地路,
兩次都係問麥當奴,
最得意的係第一次個人講國語,
第二次個人講英語。
正..............
之後跟大隊去左尖沙咀,
本來我唔知有function,
因為以為forum個post同另一個post講同一個function....
之後個funcion兩點開始我地三點九去到,
但呀詩竟然真係未走,
盡未唱歌。
一去到就好近見到at17,
不過之後去左搵呀詩,
行到埋去望唔到佢,
因為成堆人圍住左.........
之後佢行左去最尾賣左陣福袋,
買$500的福袋可以合照,
後黎$300的福袋都得,
好快就行番去算係後台的地方........
不過番到黎到人話佢買$100個福袋都影左合照........
不過就算係咁.....我都無$100,
我得$50..........
唔講咁多啦......haha.......
今日真係有意外收穫,
呢d係米真係善有善報,
好心有好報呢?
賣左幾千克米,
見到幾千秒菇。
太開心!
呀菇唱live真係好正!!!!!!!
對不起,這算不算是遊記? |
| 2008 年 5 月 10 日 星期六 |
Have a goo day  |
分類: 未分類 |
菇仔!生日快樂!
眨下眼又過左一年啦,
今年生日你要去星光熠熠,
但我無買到飛,而家有d後悔,
不過,我今日一定會捕實電視!
你生日願望好娘,
咁我都要學你咁娘,
祝你身體健康!
盡有身體健康!
同埋身體健康!
最最最最最緊要菇體健康!!!!!!!!!!!!!!!!!!!!!!!!!!!!!!!
六日前同你一齊預早慶祝你的生日,
真係好難忘,
果日玩得好開心,盡要做埋慈善。
因為你戴住太陽眼鏡,
有短短幾十秒你個角度似望住我,
我果刻唔敢望你,特登周圍望,
我都唔知點解,
之後覺得自己好蠢,
當時應該好好咁望實你,
雖然好大可能你只係焦點放係地上唸緊野,haha!
呢排電視成日播星光熠熠個廣告,
尤其呢幾日變左另一款,
個廣告有句5月10大日子,
haha,無錯5月10係大日子,
星光熠熠耀保良係其次,
最重要係呀詩你的大日子,
打到呢到電視又播呢個廣告啦,hahaha!
呀詩,生日快樂,真係希望你健健康康開開心心!
生日快樂!!!!!生日快樂!!!!!!!!!!
我愛你!haha!
cc happy birthday!
對不起,生日快樂呀!!!!!!!! |
| 2008 年 4 月 25 日 星期五 |
| 奇怪 |
分類: 未分類 |
本來幾日前想打架la,但..有阻滯,than無打。
今日小組完,俾我想像中的快走得人,
同埋發現原來我會係咁啦啦啦....唔係好覺....緊張掛,
次次人地靜哂聽我講野都會語無倫次,詞不達意........
今日想打的重點唔係呢樣,
而係放學到搭巴士期間。
話說之前有日見到個超奇異的舉動,
當然都係係巴士上...都話左今日係focus巴士上的事......
就咁的,我次次都會坐上層,
而有日坐坐下巴士見到有個女人無啦啦係後面行到最前果行,
個女人身形略為幾龐大、好龐大,
頭髮幾長下,睇佢背面有d老師feel,
maybe因為佢個身形似miss呂.......
咁第一行個三人座位最左面已經坐左個中年男人,
個女人係架巴士上明明盡有好多位的情況下坐左係三人位的最右面,
姐係中間隔左個位,
但已經令到巴士上的人開始注目佢呢個咁奇怪的舉動,
跟住見佢望左側邊又束下頭髮咁,
無幾耐佢的行動又升級左,
竟然向左坐過一個位,
姐係坐到去個男人隔離,
佢坐埋去唔夠幾秒個男人即閃,
閃左係佢後面果行最右面個位,
個女人就又再坐左一個位,
姐係個男人本來坐的位,
之後個女人時唔時回頭望下個男人,
又係無幾耐個男人誇張到走到去我後面唔知邊行坐,
我果時係坐中間左右既.....
我係度唸個女人咩企圖,
係米想坐個男人個位所以咁迫走佢,
定係佢唔識路唔知邊個站落車想坐到最前易望dd地方等。
到今日竟然又見到佢上巴士,
果陣我唔係好肯定係米又係佢,
但因為佢個衣著同身形都好似佢,
所以都有d懷疑,
點知無耐佢就轉位坐左係左邊果行最尾果個兩人座位度,
果時正正係個中年男人自己係果行坐緊,
咁我就唸唔通佢真係想色誘或者發姣....
或者正常d想玩人迫人坐開.......
佢特登坐左過去之後,其他人無咁大注視,
可能因為當時都唔少人,位都唔係話剩好多,
但都有剩...未有需要坐人隔離。
今次因為佢係坐埋去二人座位,
所以開始無耐就好明顯見到佢特登坐近去個男人度,
個男人只係向左望風景,無之前果個咁勁即閃,
再過多陣個女人又慢慢咁坐貼d佢,
個男人都係無走到,
期間佢都一直愈坐愈近,
後黎側側地個身挨向個男人果邊,
個頭盡要好似扮訓咁側埋d,
但都無訓落去果隻.....
個男人只係愈望愈左,好明顯係被佢迫埋窗果邊咁,
個女人見佢無走掛,就有段時候望向左,
我唸九成係佢想望住個男人等佢尷尬之後閃.....
但個男人都係無走到。
之後佢又唔知做咩烏低左d個身,
好似初隻腳咁啦,
但因為角度問題被野姐住睇唔到。
但始終個男人無走開,
到就落巴士果陣見到個男人吉左吉起身向左坐過d,
姐係好似係被個女人勁迫埋去咁.....
真係好想知個女人咩事......
特登坐埋去d男人度盡要愈坐愈過......
到我落巴士係樓梯行緊落去果陣望左望過去,
一望個去原來個女人已經望住我,
個眼神似係怒睥緊我.....有d恐怖,
加上佢塊面又白....好哪個......
我有d唸會唔會係因為我係巴士撞到某某,
當見到個女人又做呢樣咁異常的舉動而講番上次件事俾佢聽到....
不過我唸唔會掛....雖然巴士上好似得我係度講野,
但我應該講得好細聲,
同個女人坐前面又無望過落黎應該唔知係我講...
唉...呢條女人真係勁到我百思不得其解,
點解佢要咁異常.....
我期間係到唸佢係米有精神病定上面講過果d原因,
盡有度唸起佢咁疑似性騷擾.....
因為唔係得男會咁,女都實會有.....
所以真係好無奈.....唉.......咩事........
點解呢....點解身邊有d年青人都好似我篇文《氣球》咁講呢.......
不過我試過既...回想起真係好灰...當時.....
但好好彩有琉璃鷹克陪住我,
無論點我唔捨得就咁放低佢地自己走左去,
到後來,我又好好彩搵到令我不捨的野,
就係呀詩....菇仔!
自從我中左菇毒之後,
個人就開始變,
到而家已經唔係咁著重呢樣野,
所以先發現以前的灰,
真係有d黑暗,
而家我生活得幾開心既,
因為我生命中多左呀詩。哈哈!
琉璃鷹克多謝你地,
無你地,可能我都無幸鐘意到呀詩,
無機會得到生命中的更多快樂。
對不起,請將前後兩件事分開睇。 |
« | 3 | 4 | 5 | 6 | 7 | 8 | 9 | 10 | 11 | 12 | ... | 32 | »
|
