| «‹ March 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2008 年 2 月 9 日 星期六  |
| 菇喜發財 |
分類: 未分類 |
我記得上年打左一篇恭喜的說話,
我記得上年新年我手機用的wallpaper,
我記得上年明報上的賀年相。
今年真係無咩氣氛,同往年做的都唔同左,
我地無一大棚人係蛋仔屋企食飯,無食到蛋仔媽媽的年糕,
無親手收金色利是,
無食好多蒸年糕。
不過,就算無氣氛都係新年。
菇喜發財!
菇體健康!大菇大利!萬事菇意!新春大菇!
睇唔出有咩次序就唔夠觀察力啦,ha.
如果快高長大盡岩洗,係米一件新年快事呢.....
都已經四年了...........
新年不說這些......對吧。
我今日唔想出去呀,
晚上8:30做天水荃情氣洋洋嘛....唉.......
唔多,我淨係想睇迷人pink lady咋。
不過咁,而家做十大勁歌金曲頒獎典禮啦,haha.
睇到一點...三個鐘....又會做咁耐....
不過係現場又真係坐左好耐,haha.
對不起,我要閃去睇啦。
|
| 2008 年 2 月 5 日 星期二 |
| 褲子 |
分類: 未分類 |
往年的冬天,
我穿褲子回校就好像是很特別的,
因為不是走到哪裡都能看到穿褲子的同學,咁男除外啦,大佬.....
很奇怪,我真的不明白為什麼在這年會突然冒起這麼多褲子敢死隊,
啊,錯了...應該是少了不少的裙子敢死隊,haha.
真的很強,今年的冬天,學校流行著褲子熱潮。
我記得這年的冬天,首次夠溫度穿褲子那天,
我班只有我穿了,
到了第二次,我的口水多的朋友方同學也學我穿了,
真可愛,往年不見她學,這年突然間學....
接著有蘇同學,
後來可恐怖了,....陸續有曾同學、葉同學、賴同學、劉同學.......
在這陣子裡在校內走也可說一定見到個"穿褲子的同學",
我不得不感嘆這現象,實在是太厲害了吧。
不過,有些同學穿褲子很怪相的說.....
有些又很好看,
甚至好看得經過數天褲子的洗禮後,
突然發覺她穿回裙子不太好看,haha.
可能方同學太瘦了,
穿了褲子還要顯得更瘦,所以不太習慣她這樣。
說起她...不禁想說一點,
上面我已提及這位是口水多的同學,
的確,我沒有把這強加在她身上.....
每天坐在她鄰座真的煩得不想理她,
「吱吱」她在逗小鳥嗎?不,她在叫我................
每次轉堂她也會這樣做,
這還不只,在上堂時她經常這樣,
老實說,我討厭,我想聽書。
假如只是間中這樣也沒什麼問題吧,
可是很可悲,這是"always",
你沒可能有一天得到寧靜,只要她有上學。
你沒可能有一天不理她她不再吵你,她會一直吱下去。
你沒可能有一天不感到煩厭,因為她口水多得漏出來,不得不說話。
我喜歡坐這個位,但我不喜歡其他人的位...
我終於發覺,原來以往三年我都沒有坐到她的旁邊是一件很幸運的事。
也許不是每個坐在她身旁她也會這樣,
也許你覺得我這樣說很過份,
但是,我不想每天上學是聽她的書,
我不想不理會她便一直聽小鳥的叫聲,
我不想我近朱者赤近墨者黑,
不是說我要排斥她、與她絕交,
只是想她的口水分泌減少,
要說在小息在午息說也可以吧。
其實我最無奈的是..........
有天十三度,明明不是可穿褲子的日子她穿了,
不過十三度也可體會,加上有些人也有穿禦寒衣物。
有天十四度,大家應該都沒有穿禦寒衣物,也沒有穿褲子,
很奇妙的,她穿了,說她起來覺得冷便穿........
那麼我十五度覺得冷便可穿了嗎........
我不想像她這樣,所以明知不夠溫度穿了沒事也沒穿,
不過今天破例了,因為這天可能是這學年最後一天穿褲子的日子。
同時,這天我看到一個曾在十三度穿褲子的同學穿回裙子,
她卻說其實自己也想穿,
這令我更想起之前我對她說不夠度數沒有穿褲子的原因,
看到她今天穿裙便有點後悔穿褲子,
我不想她以為我說一套做一套......
算吧,這始終可能是最後一天,
我不會甘心在沒有準備下就完了這學年的穿褲子行動。
對不起,一日內肥得不合理。 |
| 2008 年 1 月 28 日 星期一 |
| 128 |
分類: 未分類 |
二零零八年一月二十八日。
呢排都好早訓,
不過琴日都十二點多d先訓......
但鑑於今日好想同佢過埋最後果幾個字,
因為呢日過左就又要等一年啦。
不過結果我只係留左最後果六分鐘俾佢,
haha,掛住搞d野......
係呢日的最後六分鐘,
好似放低左本來怕感動場面的心,
感動?有的,係嗎?我不清楚。但我相信有。
琴日係元朗行左好耐下,我唸都有一個鐘掛......
真係唔記得我幾點行到幾點,
發覺元朗真係好細,又無野好睇,
行去平時買人地果d生日禮物的舖頭,
忽然咩都簡唔落手.......
我記得細細個曾經畫左兩張生日卡,
不過感覺上果兩張卡無被人重視,
好記得好記得,放左係一邊.........
可能唔係是但擺,但當時見到真係好唔開心,
自此我就決定唔畫卡唔送野。
因為果陣我真係唔開心真係嬲。
直到今日,我送左兩樣禮物俾佢,
因為往年佢都唔提唔慶祝佢的生日,
果日我地都唔會食蛋糕,
係上年,唔記得係佢提起...好似係某某sd左短訊俾佢令佢醒起,
我發覺我真係唔記得佢果日生日,
突然間覺得,點解我的朋友生日我記得,但係佢的我就唔記得左呢,
好後悔果年真正咁唔記得左佢生日,
就算係果日醒起,我都覺得太遲。
所以決定下年我要送生日禮物俾佢,
總之,我要記得佢的生日。
今日,我做到啦。
琴日行勻成個元朗咁濟
可能算係大個左第一次送野俾佢,
睇極都唔知買咩好,
樣樣都買唔落手,
d公仔又唔岩佢,第一次感覺到買禮物的煩惱。
好彩,我盡記得佢帶過我一次去果間舖,
於是係唸無可唸可以去邊買的時候,
我就去左果度,第二次去,ha.
行到入去,有d野的擺位唔同左。
係果度都逗留左幾耐,
特別最後係某個地方徘徊左最耐,
因為唔知買唔買果樣好,
又唔知買唔買埋果樣好,
又唸果樣個價錢好唔好。ha.
因為有樣野佢無寫價錢.....
俾錢果陣發現俾我估的少,
其實俾果陣唔係好聽到佢話幾錢,
聽貴左四十蚊.....ha.
凌晨十二點嶺,突然唸起已經係二十八號,
所以走左去係佢部電話度打左個訊息,
我唸入面有d字我未必咁易講得出口,
就算打我都用左第二個字但一定知同一個意思咁打落去。
特登打埋時間save係佢應該唔會咁早睇到的位,
打完果陣十二點半,打埋時間就十二點三十二分。
今日,我唸住扮無野,一如以往無話佢生日快樂呀咁。
直到夜晚,係佢睇電視果陣,廣告時段我熄左燈,
想上去攞果兩份禮物落黎,
但因為唔想俾佢見到,
所以就無攞到落去,開番燈。
過多幾個字,應該有半個鐘或以上,
我叫佢磅下幾重,
佢話去左廁所先,
ha,係好好的時機,
所以我飛快咁攞哂d野落去放係梳化一邊用我的結仔同龜龜姐住。
其實叫佢磅重係唸住寫低個kg係其中一份野度,
等下年就可以知佢有無增或減磅,
一直下下年落去。
知道幾重之後等係做緊劇集果陣就背住佢寫低,
搞掂好之後因為個結他就係眼前,
令我唸起某某講過的一種送禮物的建議。
所以我決定彈完首生日快樂先送俾佢,
不過我發現我完全唔記得點彈,
摸索左一陣,都只係摸到少少,
最後搵番張紙出黎記番入腦。
等我練熟左之後就係等廣告,好快熟既....ha.
等到廣告果陣我就走去消左電視個音,熄埋客廳盞燈。
係米好押韻呢,hahaha......
不過可能係我之前熄過一次又再開番,
結果俾人以為我玩,
第一下聽到佢咁問我做咩無咩野,
到我行到埋去梳化去到坐低的過程聽到好哂電,
究竟我想搞咩的時候,
就係坐低果下,
眼淚就充斥係我對眼到,
我等左一陣,可能係我平伏我的心情,
我彈第一個音,彈埋落去......
彈到一半佢已經知我點解咁做,
佢同我講多謝,
我繼續彈埋果一半.....
彈完,佢走埋黎同我講對唔住,
一番說話,
係佢同我講對唔住的話果陣,
我的淚水就流左出黎,啜泣左幾下......
我都唔知果陣我的心情確確實實係點,
不過明白到好意被人誤會左的心情......
其實一直打回想起都流左d眼水出黎,
岩岩盡feel到d鼻水倒流入喉嚨的味好似都藥水.......
等佢講左陣野,
我將放左係左邊姐住的野攞出黎俾佢,
俾完佢就訓左係張梳化度,
攞龜龜姐頭.......
或者你地呢世都見唔到呢一面的我,
你地都唔會稀罕,
不過唔好話想像唔到。
我唸,係我有生以黎,
過的一個最感動,真係令我落左淚,
同其他平日唔一樣過法的生日,
雖然唔係我自己的生日,
但其實係一樣的........
對不起,我還沒有親口跟過你說生日快樂。 |
| 2008 年 1 月 1 日 星期二 |
| 1月1日 |
分類: 未分類 |
二零零八年一月一日。
恭喜哂呀詩!haha.
叱吒十大金曲第五位木紋,叱吒女歌手銀獎。
hahaha,真係好開心,
上年可能菇毒未夠深入五臟六腑,
盡未完全feel到你攞獎,作為菇徒的喜悅,
上年你叱吒女歌手金獎我都無點好大感觸,
但今年雖然知道你係銀獎,
但當講左呀Kay係銅獎,
姐係100%銀獎係你的時候我都不自覺咁小聲嗌左下,
我真正感受到果種心情果種feeling.
真係盡開心過自己攞獎。
當木紋到左第六位都未出的時候,
真係好想木紋可以再高d,
不過最後同上年的光明會一樣,第五,
其實已經好開心,因為報紙話第六,
高左一位真係好。
木紋真係多人知d,
無唸過係學校可以有三次聽到有人播,
係黑板寫d歌詞有人知咩歌,
最開心係果個人連大紅袍都知。
木紋,初初其實我唔係話好鐘意,
不過何韻詩的歌永遠都係愈聽愈好聽,
愈聽愈有味道,
我而家真係好鐘意木紋,
呀詩唱live唱得好好。
我今年要出多d function呀!ha.
當今晚又再聽收音機又邊睇電視,
就回想起上年做過同一件事,
真係好懷念,唔覺唔覺一年又過左,
呀詩!!!!!!!!!!!!!!!!!!!!!!!
對不起,過去太少可回味。 |
| 2007 年 12 月 24 日 星期一 |
| U-MART BASIC LIVE |
分類: 未分類 |
二零零七年十二月二十四年,過得最開心的一個平安夜。
本來很幸運可以不用錢只用車費去廣東道與呀詩一起倒數,
但,因為我家偏遠,很怕沒車回家,因此讓了給下個幸運的菇徒。
不過,這天還真算幸運,這次我推了這個倒數,又給我看到很抵的東西。
就是今晚其實呀詩有兩個function,
先是九展的U-live,接著就是廣東道東亞搞的倒數。
我當時在看一個有關U-live這個音樂會的post,
看到最後的一個回覆是說她用一千元在網上bid了買張飛,
現放兩張,$100-$200,AzoneBrow,想要打俾佢。
因為其實我都留意緊有無人放平飛,
而這個音樂會除呀詩外都沒有一線的歌手,
可能有鑑於此這音樂會的門票有不少人平放。
這個真的是最抵的了,本來Azone要$380一張.....
最後我把心一劃打給了這個人,
當時電話叉著電,我果度又收得唔好..........
打到去佢把聲好柔弱下,但聽得出是上班的人。
好快咁講完我想講的野.....係咁,我最唔想就係話自己係乜水,
同約人幾時等........
講到去幾錢,佢尷尷尬尬咁叫我等陣,
好似唔想放咁,之後佢話$200兩張得唔得,
其實我一早就覺得會係$200,
佢咁問就知做咩佢好似尷尬咁,因為佢一張飛$250bid,唔想$100放咁蝕$300,ha.
搞掂哂就約埋其他菇徒去。
去到,發現原來係八點半先開始,早左半粒鐘去,
難怪放飛果個話我早到。
等到差唔多時候,四位菇徒閃去了廁所,
餘下我和另一位元朗菇徒,
等等下,電話閃,好似有人打黎,
打開個蓋唸住聽就瞅到左前方有人企係度笑,
我望過去佢就話我都估到係你地,
其實未發現有電話之前我係低住頭發呆,所以睇唔到佢地,好咩添......
佢行埋黎我地交收完佢就走左,我都好似未講唔該........唔記得。
不過其實佢估中左一半咋,因為要飛的係我同另一個深水埗菇徒。
哇哇哇,入到去比我想像中的近呀!
第一次坐咁前,第二行,最早果次去演唱會都只係第七.....給人好帶"協",
到開show,呀詩出黎,真係好鬼近好清楚囉,好開心,hahaha.
有d覺得fan club輪唔到飛係好事,
因為有個屯門菇徒同個不明菇徒係跟fan club,但坐係中段左右最側......
呀詩唱左花見、木紋、光明會。
真係好鐘意花見,聽到就好想un,
木紋開頸嫌fan club果埋菇徒跟住唱得好大聲,一開始就聽唔清呀詩把聲......
光明會,一首好有意義的歌,對我亦是,
因為光明會我中左毒,到而家d毒已經深入五臟六腑,同埋,
若是這種人 請你馬上舉手獻身
真係好勁,我就係因為光明會馬上舉手獻身,真係好慶幸我係其中一個黨員。
個音樂會呀詩的部份真係好好睇,我睇得好開心,
我很自然的小聲一起嗌,想到這樣做的我,有點...不好的感覺,
因為從不在家人而外面前大嗌過的我,因氣氛真的很好,都嗌到出黎,yeah.
老實說,觀眾最興奮的部份是呀詩的部份,hahaha.真的。
雖然無得同呀詩一齊係廣東道倒數,
但呢個音樂會已經令我好開心。
呀詩,多謝你送左個咁開心咁令人回味的平安夜俾我。
對不起,詳細的也是不公開的記錄起。 |
« | 6 | 7 | 8 | 9 | 10 | 11 | 12 | 13 | 14 | 15 | ... | 32 | »
|
