| «‹ September 2019 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
2008 年 3 月 28 日 星期五  |
| Wyman |
分類: 未分類 |
真係勁佩服,Wyman超勁。
琴晚係度作新詩.....作左都幾耐下,
因為一路作一路睇古靈精探。
之前miss講過中大果個網可以check下d字個拼音,
所以作完之後都上去睇睇,
咁都ok既...唔係好多押。
不過之後唸起miss講過d歌其實都係新詩黎,
佢講完我已經有同感,
之後到琴晚,哇.....無言,
Wyman真係好好好好好勁,
雖然我唔知佢用左幾耐作一首歌,
但佢一定係好用心作,
令我讚嘆的唔只係d詞作得好有feel,
最令我讚嘆的係幾乎完全(唔係被解除武備,haha...)押哂韻!
真係有成99%係押哂韻,
最勁的係無點轉韻,
姐係狂押同一個韻而又唔會睇到係夾硬黎,
可能就係因為要押同一個韻,
可能感覺上好多句的押韻字都係果幾個,
但係成句真係表達到個意思,唔係亂黎押左韻就算。
作首詞本來已經唔容易,
又要岩哂音又要有意思,
原來以前一直睇漏的係盡押哂韻,
我無考究其他人作的詞係米都係押韻,
但我係木紋、劍雪同最新派左台的韻律泳都睇到係狂押韻,
就算唔係果系列的韻,
其他用的字的韻母都大致一樣。
等我順便post埋韻律泳的歌詞先...haha....轉自Goo blog
韻律泳(低清版）(<---------按這裡）
作曲: edmond tsang
填詞: 黃偉文
編曲: 何秉舜@goomusic
監製: 青山大樂隊 + hocc@goomusic
若你下去讓我亦跳下去
冷水暖水無一點畏懼
至少最終曾出生也入死都一對
我要用兩個身體編一種韻律給世界讚許
動態靜態絕對合拍為愛得悲觀者表演創舉
『同一刻飛上天
同一刻跌下水
誰可以做情侶動作不一致又一對
要是你沒法起飛我亦會爭取
留在這泳池裡陪著你鴛鴦戲水
同一刻舉了手
同一刻踼著腿
泥沼裡暴潮裡仍共你形影不分一對
眼裡有彼此韻律也不需
憑一個默契陪著你舞翩翩跳下去』
若你慢了讓我學你慢了
挺胸轉身同出一格調
和你能夠成雙破綻也都不緊要
要配合你再辛苦辛苦比快樂都算太渺小
在訓練裡讓我學會為對方的偏差值得折腰
Repeat 『』
浮下去沉下去游下去潛下去再優雅踼腿
然後你沉著氣抬著我連續四翻身插水
同一刻飛上天
同一刻跌下水
誰可以做情侶動作不一致又一對
要是你沒法起飛我亦會爭取
留在這泳池裡陪著你鴛鴦再戲水
如芙蓉出水那般舉了手
還一起踼著腿
泥沼裡暴潮裡仍共你形影不分一對
太快了肯等太慢了肯追
才可以絕配成伴侶一世同舞跳下去
難得我和你磨合裡跳出真正樂趣
對不起,佩服得唔體投地。
|
| 2008 年 3 月 23 日 星期日 |
| 電腦 |
分類: 未分類 |
錢唔用金造用貝殼造、骼唔再係骨係木。
賤、格。
電腦上堂係好好,好自由,好輕鬆,d野好易上腦。
但洗唔洗咁玩我呀。
次次測驗考試都要我地選修電腦的就果班理科,
咩事呀!調番轉唔得架咩?
今次勁離譜,
我四月一巴不得唔番學,
測驗,係,我唔應該唔番,
咁安排我係唔服氣,
收到張考試時間表,
我聽到方同學話四月一九點半就放,
超開心,唸住天助我也。
但之後佢補充,我唔係九點半,因為要考電腦,
我睇下張野,頂,又係要我地電腦等理科班友考完先考得,
本來以為等多一粒鐘姐,
但後黎方同學又提我話我要等兩粒半鐘先考,
結果呢,要一點零五分先放,
哇,我頂你個肺黎唔切要插你個胃啦,
九點半考完一科你十二點零五分先開考?
我要成一點零五分先走得?
就算我唔係有事出去世貿,
成點鐘先放唔洗食晏呀?
d時間搞到咩都做唔到,
溫科電腦溫兩粒半鐘?悶唔悶死。
扣番唔洗等人考完的時間,
都白等左成粒鐘多六個字!
換言之,應該十一點三十五分走得人,
火都黎埋。
我果日要出去架,
如果我因為咁白走一躺我實叉爆你。
明玩我架姐,
我要趕住出去,
去到都兩點幾,加埋做要做的野,
我唔洗食晏。
咁我寧願簡經濟好過,
睇d人可以幾個攞成九十幾分,
真係就算話我自大都好啦,
我真係唔覺得會難得去邊,
我有理由相信我讀經濟都唔會差得過電腦的分。
上堂都有好幾個字覺得浪費時間,
教的野唔係好難,要人做的又鬼咁簡單,
有d唔做都知自己識啦,
我唸俾個小學生都話咁快做到俾你。
最睇唔過眼的係果班白痴呢,
上親堂都對住部腦,
下下扮哂串咁,以為自己咩都識呀?
識唔見你滿分?
有d盡要垃圾到唔合格,
好心米學人上堂玩啦,
睇下自己咩斤兩先啦。
對不起,火大猛有d粗鄙。 |
| 2008 年 3 月 20 日 星期四 |
| 氫氣球 |
分類: 未分類 |
每天經過那間便利店,
都看到氫氣球在旁邊,
笑笑向路過的人招手,
然後快快樂樂被帶走。
不顧一切的力爭上遊,
你推我撞的互相打鬥,
任何情義都通通拋走,
旁人問到它一生何求?
一直被束縛的氫氣球,
都想爭取有一天自由,
在那廣闊的地域漂浮,
自由自在的四處悠遊。
它們心目中的好主人,
是年幼無知的小主人,
不是喜愛他們的純真,
而是渴望他們抓不緊。
終於等到機會的來臨,
順順利利的擺脫人群,
在空中逍遙自在暢行,
卻忘了快要越過雲層。
那邪惡可怕的大氣層,
將要用它熾熱的高溫,
終止氫氣球的快樂行,
嘲笑它的稚氣和天真。
你諷刺這是不自量力,
氫氣球本應受人制肘,
再多的只是浪費精力,
要安份的在大路行走。
我說應像它如此積極,
怎甘於一生枯燥乏味,
經磨練必能走過荊棘,
看到的會是一生最美。
我從沒替它感到不值,
它已看到美麗的蹤跡,
而且快樂一向短暫的,
亦永遠不會走近消極。
你問道命運作弄它嗎?
我想這就是它的報應,
它為求目的不管其他,
無情無意的失卻人性。 |
| 2008 年 3 月 16 日 星期日 |
| 韻律泳 |
分類: 未分類 |
何韻詩已公開的最新新歌－韻律泳
點解叫已公開?
好簡單..就係有更新的歌未公開囉....
3月3派左台,我而家先講,ha.
是但啦....還掂無咩人睇到,我係MSN打事半功倍。
第一次聽果陣已經覺得好聽,
傻啦,唔好心唸我咩都話好聽先,我講真。
其實之前聽木紋果陣我係唸過係米真係呀詩架...ha.
不過聽下聽下就會慢慢發現首歌滲透緊何韻詩的味道出黎,
好歌愈聽愈有味道,每聽一次可以聽到更多。
韻律泳,唔否認一聽覺得都幾大路,
不過果陣第一個感覺係,
做咩呀詩把聲咁細聲,個music咁大,
不過原來係係goomusic聽先係咁。
其實我唔係想講首歌點點點,
我都唔識得評價,
只係突然想講。
要配合你再辛苦 辛苦比快樂都算太渺小
好鐘意呢句,haha.
我聽到呢句唸起之前同蛋仔講過類似的野,
當然個處境唔同。
如果係我身上呢....好似無咩配合過人wor....
成首歌好多歌詞都好鐘意,
眼裡有彼此 韻律也不需
憑一個默契 陪著你 舞翩翩 跳下去
覺得wyman真係好勁,
作詞作得有意味之餘又好聽。
前幾日發現呢,其實如果幫人係goomusic買野呢,
係幾好架,
一來可以幫到人,
二來張卡可以儲分,
三來如果過$900可以有music matters個袋送。
不過有個風險就係幫個同學買左,
如果寄去佢度佢又無俾錢就咩啦,
寄去我度又要搵日出去面交,
盡要好多同學都住九龍呀港島果d地方架嘛......
唸下幾好,其實都幾想做到,haha.
題外話啦,
應該係上個禮拜行番屋企,
又見到蝙蝠係我頭上空飛過,
我記得細個d果陣夜晚出去行都見過,
haha,唔知有幾多人親眼見過蝙蝠呢,
突然覺得自己可以見到都幾好運。
呢排好似成日發夢,
不過呢幾日又無....
發夢我最有記憶的都係見到同一個人,
不過唔係呀詩,呢排唔係幾夢到呀詩,
我淨係記得有日間接咁夢到呀詩,haha.
我發覺我發親的夢都係好開心,
所以話呢,我邊忽有壓力呀,
就算有都唔大得去邊,
同埋呢....唔好見到我個樣以為我係死讀書果類,
我有日上電腦堂係度唸,
自問我係最專心上堂果個,
d人同呀sir會唔會以為我係死讀書所以先最高分......
因而覺得我係書呆子呢......
唔係囉....不過我真係係的都係一件好事,
起碼我係咁的話實讀到大學,hahaha.........
我發覺呢,無一個老師係睇得穿我,
個個都俾我個樣呃左.....yeah!
唉...無野講啦.......
對不起,今篇短短短短短短爛尾。 |
| 2008 年 3 月 12 日 星期三 |
| 宿命 |
分類: 未分類 |
There are too many people likes to be foolish person.
這個世界愛傻的人太多。
Really feel miserable,when I saw the news.
真的感到很難過,當我看到這幾則報導。
I don't wish that she is still finding or having......
我不希望她仍然在尋找或是擁有著......
I wished that it will not occur on her.
我曾希望這事不會發生在她身上。
I am willing to believe that she never did.
我願意相信她從沒有做過。
However,she made no definite answer.
然而,她沒有作明確的回答。
Therefore,I am anxious about her answer.
因此,我對她的回答感到憂慮。
Nevertheless,I had try to ask myself.
不過,我嘗試問自己。
No matter yes or no,I may support her forever,right?
無論是不是,我會永遠支持她,對吧?
I love you.
我愛你。
在我眼中,你們都是膚淺的。
我無法理解為什麼每個人都好像為那樣而生,
為什麼都渴望這種必定會傷害自己的關係?
為了幸福;為了感受甜的滋味;為了擁有,
人們都選擇不理會結果,
為了快樂作賤自己,付出自己以求得到短暫的甜蜜。
真佩服你們。
或許我太多管閒事,
別人喜歡其實不是我的事,
為什麼我要對此感到厭惡,
為她們的傻感到悲哀。
上天給予的,人們都很會濫用,
把它的用法當為娛樂,一種情趣。
噁心。
人可略分為兩種,
一種人愛佔據,
一種人愛被佔據。
然而,愛佔據的不滿足於一小塊領土,
愛被佔據的只渴求完全被制肘。
雖然人有兩種,
但你不能選擇做哪一種的人,
假如你不能接受,
你就不要做人想做的,
不要渴望別人以身犯險,
你唯一可做的是享受身為另一種人不易享受的,
因為在同一種人的眼中,彼此的想法是相同的。
假如這唯一也不能討好你,
我想你唯有承認自己不是人。
當你看透這兩種人的醜陋後,
你便不會再渴望自己是人。
剛才,我感到無形的心痛,
不到事情可能發生的時候,
你不會察覺你有多著緊。
對不起,我不是人不認同公理。 |
« | 4 | 5 | 6 | 7 | 8 | 9 | 10 | 11 | 12 | 13 | ... | 32 | »
|
