-晨讀個時,成個人不在狀態,坐係度同訓係冇兩回事,突然外籍老師(同時係我地個班主任)竟然用流利既英文同我講佢坐我隔離睇書,我當場呆笑...其實都感覺到些外籍老師好似好寂寞咁,少人同佢溝通到,聽親9成都"yes"或"ok",慘咯...我竟然都做左衰人...因為我都唔識點樣先可以滿意咁答覆佢,唯有送上呆笑一個..."
-英文堂又係挨到一堂就癱左,上完個個都累曬,又要上中文,唸住入完洗手間先去,洗下面同手清醒下個人都好,點知返返去個時比miss鎖左門...搞到我,Brain,豬仔,阿龜,菠蘿釘好似傻仔咁企係出面一邊食風一邊玩佢個門,吵佢開門- -...正如大家所認為...依個miss些罰既方法真係好...弱智~鎖門喎,難道我地會喊住叫老師開門?見佢依招就唸到細老仔考試唔合格,阿媽鎖門唔比佢入,嚇喊個小朋友,幾咁童年既招數~呵呵,跟住反正佢唔比我地入,所以干脆走堂,阿龜帶隊去左個空班房度坐,跟住坐下,睇下菠蘿釘玩903,一陣就落堂了...下一堂個時,比佢逐個捉住黎鬧,算了~其實都冇反博餘地,佢要玩鎖門,又唔名正言順咁罰我地都冇佢辦法,絕對free到個個都求其答佢算,我都懶得答佢,答左個"冇"字就收工..唔理佢問落去,就咁完一件事了~
-今日好舒服坐得!~因為隔離個個冇返,個人又眼訓,好自在咁訓左個小息!~
-返到屋企,收到個好興奮既消息,機戰將會推出手機專用的 i-mode 內容下載服務網站「超級機器人大戰 i」,提供手機版《超級機器人大戰》作品的付費下載遊玩服務,咁即係可以隨時感受,隨時更新機戰話題,真係極好既設計!~依部機我唸我買硬啦,仲想過PSP,月費 525 日圓,嗯..幾時先到香港出呢~太喜歡機戰這個Game了!~玩左咁多年都係咁鐘意!
-嗯..今日要早訓,特登返到黎唔訓,早少少訓可以帶住疲倦訓天光,所以唔講了..已經11點...且看試後結果~!
|
